跪求胰臟癌醫生推介-2

巴打take care….

話說.. 我爸都係星期一就走左…
佢只係確診左一個星期….
可能知道有呢個病就一早唔想醫，拒絕進食
最諷刺係我原本星期一約左私家醫生拎意見
公立醫院就果朝打黎話爸爸情況差， 就快走…
我果日係朝早諗點醫， 下午就諗搵舒緩治療點善終…
心好痛， 好難接受…

你哋都Take care🙏

過幾日做埋第六次，再照PET睇下咩情況

巴打你都take care

我屋企人病得耐d
佢同我地內心都準備好。。
係會掛住，但佢唔駛再受苦

巴打爸爸走得咁急
心係會好痛
但係調轉諗，佢受少好多苦
唔駛肚脹腳腫
唔駛黃疸
唔駛受化療苦
唔駛痛

對佢同屋企人係解脫黎
信我，中間過程係好難捱
願世伯安息

你爸係胰臟癌？一個星期？

係…. 我都安慰媽媽講早走係受少左痛
唔去醫係爸爸自己的選擇
我地嘅唔捨得可能係延長佢嘅痛苦…
不過真係太快….
爸爸完全冇肚脹腳腫黃疸
我以為情況未到最差，
我以為點都有兩個月啩？
點知病情快到個醫生都好驚訝…
放係公立， 根本就係冇醫過
我地連腫瘤科都未見過，
係死果日我地果朝見私家醫生
到死之前見到舒緩治療，
我連約善寧會收我爸都趕唔切，
個醫生仲話可以安排舒緩治療床位，
但要等一個星期….. 我果刻真係好想爆粗
佢電話問我病人如果危急時要唔要做急救時，
我已經鬧佢係咪要我係電話度幾秒內做決定
理性知道救係延長痛苦， 但作為至親點講得出唔救
我到而家都好想一切只係惡夢，好想快啲醒

係呀
由懷疑胰臟癌到確診到死亡只得一個星期
上上星期話疑似肝癌，叫我地出去照pet scan
上星期一照完電腦掃描，
上星期四醫生打黎confirm…
星期二凌晨走左

請問有冇擴散？

公立腫瘤科我地排左個幾月先見到
呢D咁快，percentage 咁低既
佢地都唔係好想攪

第一個見既公立外科醫生都話
胰臟癌係比較惡
好多未排到腫瘤科已經併發症走左

諗起佢聽到呢句，咋一聲個樣

我都以為佢仲有時間
可以再照顧多佢多D
前幾日仲出去食野
隔幾日就走左。。

好在佢無乜牽掛
心境寧靜咁走。。

其實睇蘇子謙係冇得揀
hk有幾多個中西醫?
我知係有,平過蘇子謙一半,但真係得1,2個

搏腫瘤縮小再做手術
只係1-2期
3-4就諗都唔好諗

確診左一個星期就走好難接受

如果pet 完發現差左,最好立即揾陳林評估改咩療法,一定不能拖

大陸做過統計,有唔少病患確診到死亡係14日
不過7日真係好誇

我有成年時間準備都接受唔到
我依3個星期係靠係併多多瘋狂購物去忘記痛苦
而家雙11+政府補貼,買laptop、手機、keyboard勁抵
不停check 價、睇評測咁就一日過左
等陣出去mk 買gregory 電腦袋

但尋日見到我媽喊我又忍唔住

我媽昨晚突然崩潰,好激動想跳樓話要落去陪我爸
又係要拉住佢陪佢一齊喊,結果喊得多過佢
真係要儘快離開hk

會唔會同伯母去個旅行放鬆下？

醫生話我媽媽得番24小時

依家係醫院神智清醒 但已經冇力開眼
一直因為腸痛 腎衰竭住院
星期三安排公立請假同佢照pet scan
不過到個日醫生唔比
話超聲波照到第四期， 同埋已經情況好差
轉院會有危險

打算去泰國住番幾個月
所以買定laptop

多攬多抱,我10號晚都係咁
我哋住仁安單人房,我爸22:30死,一直攬住佢條屍,到3:00攬夠,先叫護士入袋
如果做最後道別,私家一定好過公立,公立可以俾條屍霸住床位咁耐?
你道別唔完滿成世會有遺憾

搞咩黎大家都係呢兩個星期
我係靠盡量唔去諗去過渡呢段時間，遲下同屋企人去日本散心

其實係日日都好多人死
只不過依個post多人睇左

做咗咁多次化療會唔會好累？

覺得你哋搵人傾下可能好啲，社工或者輔導員嗰啲