跪求胰臟癌醫生推介-2

做決定真係好困難
巴打好番D未, 仲有冇見暈冇力?

當日食完野訓完覺已經好番

頭先下晝4點開始5fu+ 安能得化療
要求佢聞氧

加油 希望你爸爸吉人天相

我已經2晚無訓過
今晚住番酒店，因為真係頂唔順，請了護工

今日化療第二日，冇咩特別，不過下晝照ct,發現成個肝已經擴散得好密，右腎亦都擴散，得番左腎係仍然做嘢，醫生話得3成機會有得挽，隨時今個月都過唔到

除非有奇蹟，如果唔係都係唔得多，nk,car t 都未必有機會用

而家睇下隻化療有冇用，依幾日就知，如果判斷冇用，醫生會安排救護車直出關口

我最遺憾係準備好哂嘅新療法未必用到，用我9筒血做嘅nk 係14號就可以用

我今日睇完ct 又係醫院喊到撕心裂肺，個人好攰但又訓唔到

教你個方法
個心裡面講「我唔眼訓，我唔想訓教」呢兩句，不停重複講唔好停，腦係勁賤格，愈想訓著就愈訓唔到，所以要俾相反指令，好過數綿羊
希望你訓到，休息完先再諗

盡人事聽天命， 世上確有好多事唔係可以自己掌控到，珍惜呢段父子相處嘅時間。

你精神太繃緊， 鬆弛唔到 。可以嘅話試下 靜坐， 可以幫到你放鬆。 或者播啲輕音樂，令自己舒緩一下

加油

可能咁講唔啱聽
但最好早少少搵定舒緩科
放心你爸知你乖仔孝順

加油

可以的話千萬唔好入QE，啲姑娘無論你病情點佢地都冇同情心態度超差
就算行到去廁所，都會綁起個病人逼佢帶尿片唔會煩到佢地

要入就入佛教醫院

另外，呢個時候可能帶佢返教會都真係會有啲安慰 (利申非教徒)

樓主Take care🙏

有時真係睇人
屋企人入QE 都遇過D 差既護士
問多句野好似同佢講粗口咁

但亦都有好既護士, 好耐心答你野

大陸醫院房價好平，三人房$43每日；二人房$60 每日，之前冇位，現在國慶有位，今日轉左去二人房，闊落好多

單人房$800每日，得3間，係俾重症人士如腹膜透析之類病人用

我爸化療後腎功能轉好，但肝紅素依幾日又升一倍，如果去到350 就要入ICU, ICU 一萬每日

嚟緊幾日好重要，而家醫生判斷唔到係化療因素定真係個肝自己升

自己好攰，肚又搞住好唔舒服，睡眠質素得幾個鐘，有時腦入面會突然覺得自己係邊同緊乜

係已經到極限

因為腹水滲漏嚴重，所以而家要用尿片直接吸濕
但肝腎好似穩定左，腹水反而唔會致命
捱到14 號睇下上到nk 之後會點

尋日間酒店，個室外環境好撚極品下
真係好撚輕奢，冇電梯要行5層樓，前台仲問我介唔介意，好在我得一個背包

房入面ok,只係個浴室一冲涼就好大獲，乾濕不分離都唔會近成咁

攜程真係屌你老味

近唔近醫院？

5.1km,搭滴滴12元
不過夜晚先搭
日頭我坐地鐵，行去西麗站7-8 分鐘

我爸個肝紅素升到3字頭，已經去到臨界點，等陣ICU 專家會過嚟會診睇下洗唔洗入去幫個肝做透析，等個肝壓力冇咁大（唔係因危殆就死而入去）

依家點？

ICU 醫生唔建議佢做透祈，話會加速死亡
我哋今晚9點岀深圳灣入屯門醫院
ICU 醫生認為應該只得一星期命
我爸終於要走，我崩潰了

🙏🙏🙏🙏

巴打 辛苦了
係咪等唔到nk 了