【末日輪迴】《末日後的那些人》當一切必迎來終結，我們應該以甚麼方式存在？

竟然
打橫睇左上右下冇違和感所以冇發現

所以連編輯都無發現
我一眼就睇到問佢做咩事
佢通頂印返岩改返
按佢講法第二日起就係正確版既封面了
對唔住

唔緊要
我去問下

錯版既呀遊個邊仲有錯字
有種姑父左大家搶先買第一水既感覺

錯版都有佢個價值喺度
唔洗回收返我舊嗰個就得了

盡寫到發達
第二日發左達睇下你個錯版會唔會升值

買得一套邊捨得賣

朱月亞當既目標就係其中一座方舟城達到「千年之城」
即係永續文明，而且唔會再出現米寧咁既悲劇既理想國
亦即係尋求人類文明社會既「正確答案」

點解淨係向晴可以穿越？
佢自己既選擇，但詳情還請等後續
記住，向晴本身都係戰場記者，佢見證過既人間悲劇唔會少得過黎爾

負責人楊芷欣研究足十一年冇乜理由唔知
佢知啊

「楊芷欣教授知道部分真相，星光未逝只係對外既說法，實際上彩虹橋裝置…你不具備相關知識，要徹底解釋原理預計需時三星期零四日二十一小時又…」

其他請等後續

亞當 852 到底係咪一早知黎爾會醒？
請等後續 佢好似俾黎爾偷襲咁，但又一早準備好米寧同方舟御杖，到底係…

不過文雀整秘密基地係因為佢唔信個方舟城同體制，準備好隨時要同成個方舟城為敵，所以先話佢既末日無完過，因為佢一直處於「備戰階段」，或者話講佢令自己處於呢種狀態佢心理上會好受D，就唔關阿當事

後續劇情應該會答到晒你既問題， 敬請期待

ＢＴＷ唔係咩虛擬穿越

點解向晴 loop 左咁多次都冇變老？

身體檢查對向晴來說就如睡了一覺，張開眼醒來後阿當的聲音再次出現：「一切正常，呢段日子其間你既新陳代謝始終維持住極低水平，你既身體年齡只係衰老左…」

「你需要休息，即使透過壓抑你既新陳代謝率同更換老化，受損既器官，我更加擔心你既精神…」

「阿當，有無聽過忒修斯之船？」

最鍾意你講「我冇嘢講」或者「請等後續」

關於向晴唔會老呢方面當然可以咁解釋，但係平均一個方舟玩十年，佢都已經 8500 歲。咁同長生不老已經冇分別。
就算真係可以靠換器官達成不老，但係 8500 年都冇出過意外佢都幾好彩。

但係其實重點係 gut feeling 覺得紅月亞當講嘅嘢唔可以盡信。
佢一方面似乎需要向晴或者方舟亞當俾資方舟城嘅資料佢，但另一方面佢同莉莉一伙人一見面就叫莉莉個名。
即係：
A. 佢其實唔需要向晴或者方舟亞當 update 佢，佢都知方舟城發生緊咩事。
B. 佢一早就知（早過方舟起飛）就知會有彩虹橋計劃
C. 佢唔係一早知彩虹橋計劃，而係從之前嘅向晴 report 先知道有彩虹橋計劃。

C 係應該最有可能。而佢明知故問地問莉莉點解會來到 852 就係因為之前嘅彩虹橋計劃全部都失敗，所以佢想知點解今次會成功。
但係即使係咁，佢應該問楊芷欣而唔係問莉莉。
所以朱月亞當都係有啲可疑。

個發展幾合理喎

關於洪水病毒又係有啲古怪。

既然佢係孤本，點解咁多個方舟城唔放淨係放係 852？
唯一諗到嘅可能性就係只有 852 先有楊子平一家由舊世界過來嘅人。
852 亞當事前其實係知道黎爾，或者某個敵對嘅電子靈魂將會醒而有所防範。招攬左文雀一伙做「自己人」之後就準備一切可能會用到嘅武器，包括身為孤本，極珍貴嘅舊世界文物「洪水病毒」。

例證：
用洪水病毒對付黎爾係 852 亞當提出嘅：

阿當便開始了說明。

「講到底，我地唯一可以戰勝黎爾既方法就係佢。」

他掏出了一張末日博物館的小冊子，上面有地圖和各個著名展品，例如絢香師傅的武士刀，彩虹橋裝置，自律炮擊車之類，而其中一個展品簡介上被阿當圈了起來。

「馬教授載有FM病毒既SSD，我地要拎到手，然後由我改寫目標鎖定為黎爾，然後接上網絡就可以。」

恍然大悟，如醍醐灌頂！

而這洪水病毒，正是身為電子靈魂的黎爾其剋星！

「嚇死，我以為馬教授已經神機妙算到黎爾已經潛伏在係阿當之中…」爸爸說。

「…嗯。」

阿當怎麼支支吾吾？是我多心了嗎？

咁再延伸，好有可能係因為 852 有楊子平一家先會有末日博物館同入面嘅文物（洪水病毒、自律炮擊車等等）
而當然亦係因為咁，只有 852 先會有方舟權杖？
畢竟個設定係方舟艦長先有，所以理論上每隻方舟只有一個。
而偏偏咁啱又會出現係方舟城 852，所以好難唔理解為同洪水病毒出現係方舟城 852 嘅原因一樣。

另外，其他國家嘅方舟到底有冇係地球再建立其他方舟城呢個都係問題。
只為只有一個地球一個月球一個近地軌道。所有探索太空或者月球嘅人或者無人機少不免會同其他方舟城嘅登月梭相遇，或者發現唔屬於自己嘅人造衛星、探索痕跡之類。
咁要避免呢啲情形出現唯有靠唔同方舟嘅亞當協調，呢個都冇問題。

大氣電波呢個全球共用嘅野，事但一個業餘玩開無線電嘅都可以撞 channel 同地球上另一個國家嘅人吹水傾偈。同一隻方舟出發嘅人都仲有機會大家唔知大家原來唔係同一個方舟城。但係唔同方舟出發嘅人一遇上就必然穿煲。呢個我當係可以靠亞當強行電波干擾令方舟城一般人無法用無線電對外通訊啦（雖然物理上冇乜可能做到，但係又有對隕石炮又有方舟城防護力場咁我當得啦）

但係問題係只要一有人上太空，就必然會發現地球上面有唔屬於自己嘅城市。最簡單就係響近地軌道上面去到地球黑夜果面發現本應冇城市嘅地方有光。
淨係香港出發嘅方舟，每次淨係同時開幾個方舟城都仲有可能避到，但係咁多個國家講緊最少百幾二百個好難全部避到。呢度又可以點樣理解呢？

唔通由頭到尾得一隻方舟？

朱月亞當話朱月係所有方舟合體而成。
但係之前又有提過方舟塔就係方舟本體。

所以唔知信邊個好

好耐未試過打字打到手都震

較早前，世界變了樣之前。

「……」

眼球被毀掉的黎爾好像沒有痛覺一樣，他只是輕撫自己眼窩，然後便振臂把血抹到自己身上的白色長袍上。

「嗚咕…！」

被坦克型壓在地上的阿洛試圖掙扎奮起，但卻被生化兵器壓倒性的力量按在地上，他心知肚明現在只要坦克型一使力，自己的腦袋就會像果凍一樣被巨拳輾碎。

「靠你既實力可以傷到我，值得嘉許，楚思洛。」

從上越過所有械人直取黎爾的戰術成功，也傷及了黎爾，卻沒想到眼前的黎爾沒有痛覺，故此他馬上反應過來與楚思洛相鬥。

彩虹橋計劃基地內沒有甚麼亂七八糟的雜物供他作為武器，而手上從莉莉借來的斬機刀也被黎爾以巨力揮開插在遠處地上。

才交手幾下，楚思洛便馬上明白到眼前的不是人類。

使用著「自在超限」的黎爾能隨心所欲地分泌腎上腺素進入如貝兒，女王那種超人模式，而且強度更高，這不是因為楚思洛技不如人，而是因為眼前的對手根本不是人。

「砰！」

致敗的摔擊其痛楚使他全身沒法動彈，械人如執垃圾一樣把全身軟癱的他從地上舉起來。

「阿欣，用…個…招…」

「有膽既話試下啊，楊芷欣，用反物質湮滅爐自爆同我地同歸於盡。」黎爾冷冷地說，「聰明如你應該早就明白，你眼前既我只係其中一個終端，同我同歸於盡我唔會有損失。」

「……」

「仲等咩？郁手啊。」

「……可惡…！」

武力不及黎爾，連智謀亦被凌駕在上，楊芷欣感到了真正的絕望。

而這次，楊子平不會來救她。

這就是使先驅會全滅，還造成舊地球末日的—魔王！

「我知道你係明白事理既人，楊芷欣。」

黎爾一揮手，楚思洛被放回地上，但還是被械人以蠻力壓在地面，以斗大的拳頭對準其腦袋，言下之意很明顯—

—你敢亂動，我就壓爆他的頭。

「………」楊芷欣只能不甘心地看著黎爾步步進逼，走上管控室的平台上，走向楊芷欣。阿洛偷襲得手的鮮血在他的眼窩流出，樣子甚是恐怖，但楊芷欣心知這時逃也沒辦法，戰亦沒辦法。

自己已經是任人魚肉。

「呢個表情好。」黎爾平靜地說，「不愧係毀滅赤柱監獄既軍師，東龍五號既船長。」

「……」楊芷欣面上閃過極之難看的表情。

「仲有東龍五號上面，個個叫英英既女仔…」

「你—！！」

「啪！」

楊芷欣失控地扇了黎爾一記耳光，速度勁度都相當差勁，黎爾能避能擋有餘，他卻樂意地接下這巴掌。

「放心，呢個距離，你老公聽唔到我講咩。」

「你，你，你係點解…點可能…」

自己明明沒有任何人說過，為甚麼，黎爾會知道！？

「方舟上面既冷凍睡眠艙有腦機介面，咁長既時光，阿當早就可以透過腦機介面讀取登艦者既記憶，包括你既。」

楊芷欣當然知道了。

不只她，連莉莉和楊子平他們也親眼見過，就在那時方舟塔的數據中心內，黎爾不正在讀取著阿當的記憶嗎？

不需質疑，正是方舟上的那種鵝蛋型冷凍睡眠艙，但是這個睡眠艙是打開的，半球形的上蓋正升起打開，阿當正躺在那兒。而在旁邊一堆線纜正插入睡眠艙上，而睡眠艙內的接線又與阿當頭上的電殛和AR裝置相連，這就是所謂的腦機掃瞄介面。

凍冷睡眠艙內的，正是腦機掃瞄介面，而黎爾正在掃瞄著他這和人類一樣的肉體，讀取著其記錄—或者說，記憶。

插在睡眠艙上的纜線連接著一個類似工作台的東西，上面放了十多面屏幕，屏幕組成了屏幕牆，而上面的畫面…

…是我。

應該說是阿當眼中的我，他與我晚餐時的我，他與我晨跑時的我，他與我去巡邏時的我，他與我相處時的每一個我。

睡眠艙正在讀取阿當的紀錄。

「使唔使我講俾阿洛知，你對英英做左咩黎？」

「你依加係要脅我？」楊芷欣憑著自己的傲氣說，「我當時只係逼不得已。」

「我毀滅世界，同樣都逼不得已。」

「唔好拎我同你比！」

「我唔係拎你同我比，我想講既係…我地只係同一種人，楊芷欣。」

「你係怪物！你只係一隻怪物！你只個係一個人造身體寫入左黎爾既記憶！你唔係黎爾本人，你…笑咩。」

黎爾在微笑著。

「你…笑咩…」

接著他拔下自己一根頭髮。

「我當年係科索沃因為米寧既事而一夜白頭，但係呢個係人造身體，係我天生既基因之中我本來就係黑色頭髮，只係因為習慣左而染白。」

他把頭髮舉到楊芷欣面前。

「所以時間過去，新生出黎既頭髮都係黑色。」

在黎爾的頭皮附近可以看到髮根的確是黑色的，如人們染髮過後。

「…所以呢？」

黎爾向楊芷欣伸出手，她不敢動彈，但亦極不願意！黎爾的手輕撫著楊芷欣被歲月留下痕跡的臉蛋，然後一直往上輕撫，即使楊芷欣皺著眉頭，臉上滿是厭惡。

然後黎爾他楊芷欣的眼鏡摘了下來。

「你…有無諗過自己既近視，點解會不藥而癒？」

本應是大近視的楊芷欣被摘下的眼鏡，其中的影像沒有一絲扭曲，說明這是沒有度數的平光鏡。

平光鏡之中映著黎爾的頭髮，其髮根是天生的黑色。

「你…你想講咩…你…」

身為天之驕女的楊芷欣當然明白他想說甚麼。

「你根本就已經明白，楊芷欣…定係我應該叫返你既真名？」

黎爾猙獰地一笑。

「楊芷欣—８５２。」

／／／

朱月阿當的終端室中，氣氛跌至了凍點…說是絕對零度也絕不為過。

「你朝早起身，你知道自己係楊子平，係因為你腦入面係楊子平既記憶。」被琴弦五花大綁的姑姐絕望地說，「但如果連記憶都可以植入，植入到由基因複製出既人工身體之中呢？好似黎爾既怪物咁呢？好似…好似我…」

「……」爸爸無視朱月阿當剛剛說的禁煙，又抽出了一根香煙叼到口中點了起來。

「所以…方舟城８５２入面既所有人，全部…全部都係…」

這怎麼可能。

這…開甚麼玩笑。

這…別玩這種惡趣味了。

「我地方舟城８５２，全部人都係透過冷凍睡眠艙讀取記憶，然後貫注到透過基因複製出黎既人造身體之中，就好似黎爾一樣。」姑姐說，「佢係怪物，我地都係怪物，方舟城８５２之中只有三個真正既人類。」

真正的人類，如向晴姐所言一樣。

「莉莉，你既旅程唔可以係度結束，唯有你，阿平，寄葉三個人類…唔可以係度玩完。」

在「三個」後面又接上「人類」是多餘的，向晴姐身為記者怎會犯這種語病，除非—只有我們三人是真正的人類。

楊子平，言寄葉，莉莉．楊．勒菲弗爾，三名真真正正的人類。

輪迴的不只是方舟城，輪迴的還有方舟城內的人們。

不是方舟城００１是俄羅斯，００２是韓國００３是日本那樣。

而是００１是香港，００２是香港，００３是香港，００４…直到８５２，全部都是方舟８５２上的登艦內複製的人造肉體，然後注入冷凍睡眠艙的記憶，成為新一輪的方舟城，然後迎來無數次末日，永劫輪迴。

「阿當，你一早就知道係唔係。」我向站到老遠的阿當說，「你個時話要感受人類，但你…你只係痴住我，爸爸，媽咪三個人，完全唔理姑姐佢地，因為佢地根本就唔係人類！！！」

說到最後，我聲嘶力竭地咆哮。

但胸口的劇痛，卻沒有減輕半分。

「我點可能同你講，莉莉。」

「所以…黎爾既真正目標係抹殺方舟城８５２既所有人工生命，然後放返朱月上面既真正人類出黎，套用返方舟城８５２個套可以維持千年既制度，確保人類文明永續，呢個就係黎爾口中既正確答案，亦係佢話我地先係叛徒既原因。」呆然的媽媽艱難地說。

「…無錯，背叛既人係你地啊，阿哥，阿嫂，莉莉。」姑丈說，「我地只係冒充者，我地只係…我地只係贗品，唔係真正既人類，亦唔係真正既楊芷欣同楚思洛，真正既佢地仲係朱月深處冷凍睡眠緊，等緊甦醒既一日。」

我，爸爸，媽媽，米寧，阿當五人的臉上表情都纏成一團，糊成一堆。

根本沒有任何語言可以形容眼前這真相，我們根本就…

「朱月阿當，你有無野要補充。」爸爸欲言又止了好幾次才說得出這話。

「呢個係登艦者搜尋系統既介面，米寧．尼曼雅，請你授權俾楊子平使用。」

「…授，授權。」

從終端室地面升起來的一個工作平台上出現了一個鍵盤。

「你可以輸入名稱，生日，所屬方舟編號等等去搜尋全球既登艦者，楊子平。」

爸爸以抖震著的手按到鍵盤上。

［楊芷欣，２月１７日，８５２］
［找到了一個結果］

他倒抽了一口涼氣，然後接著輸入了三個名字。

［楊子平］
［查無結果］

［言寄葉］
［查無結果］

［芷莉．勒菲弗爾］
［查無結果］

證實了。

「只要幫佢殺死米寧，我地…至少我地就有自己既價值，而唔係作為楊芷欣，唔係作為楚思洛既演員生存落去…身為偽冒者既我地可以幫到真正既人類甦醒，令真正既文明復甦…」

姑姐哽咽說出使我心碎的自白結語：「…令自己既生命有意義。」

從阿當滋生的罪人，從夏娃漫延的原罪，從伊甸園繁衍的虛偽，現在血淋淋地攤在我們面前。

經歷了８５２次的輪迴，終於找到了正確答案的黎爾取代了阿當，來到了收割成果的時候。

只要把方舟城８５２毀滅，那麼就能釋放於朱月上的真正人類到地面，然後以方舟城８５２那套管治，使他們永垂不朽地繁榮下去。

這就是他口中，差一步便完成的伊甸園計劃：毀滅世界，末日輪迴，最後永垂不朽。

而米寧就是阿當背叛的成果，敵擋著黎爾的最高權限所有者，只要她還在，黎爾就沒法發動滅世把方舟城８５２毀滅，迎來輪劫萬年才得到的正確答案。

而我們亦保護著米寧，使他沒法再次滅世，為了那些人造人們與黎爾及整個方舟城為敵，而成為他口中的人類叛徒。

姑姐也好，我們也好—全部都是罪人。

我罪，我罪，我罪。

第十五章：罪人們
完
第十六章：你的人生，你的存在

如果你睇到有種窒息感
係我專登的

下次出文係7月24日, 敬請期待

向晴見證每個方舟城既起首同終結
例如一個方舟城300年就滅亡, 300年黎向晴都係度都實在太勉強
但唔影響劇情, 我亦搵唔到位係故事入面講

佢同莉莉一伙人一見面就叫莉莉個名既原因我無野講

852有呢D野的確係關楊子平一家穿越成功事
一如文中所講, 方舟城852不但係最後既方舟城, 亦係最特別更方舟城, 其中一個原因就係有佢地三個係度

而當然亦係因為咁，只有 852 先會有方舟權杖？
否
其他方舟城都有方舟御杖, 但因為未達成千年之城就玩完
黎爾無復活, 米寧亦無復活拔出方舟御杖, 視乎毀滅方式一齊被破壞或者長埋廢墟

至於末日博物館, 我無野講, 稍後再講

當地球上同時存在多個方舟城時, 阿當會阻止所有向外探查既行為
對佢地黎講, 地球上就只有自己個方舟城
所以亦無飛機呢個概念, 之前講過
之前你話過星星既問題, 已經過左一萬年, 星座係會改變位置, 我地睇緊既星座同古人睇既已經唔同左

歲差

歲差，又稱地軸進動（英語：axial precession），是指某一天體的自轉軸指向在其他天體的引力的作用下，相對於空間中的慣性坐標系所發生的緩慢且連續的變化。[1]地球的歲差主要由太陽、月球及其他行星作用在地球赤道隆起部分的引力矩引起。[2]在天文學和大地測量學中，歲差一般專指地球自轉軸緩慢且均勻的變化，周期約25,722年。其他周期較短或不規律的變化則被稱為章動。

https://zh.wikipedia.org/zh-hant/%E6%AD%B2%E5%B7%AE

至於太精密既科學, 例如歲差引發冰河時期呢D 請放過我 我唔係科學家寫唔出100%符合科學既設定, 已經盡左力, 反正阿當為左唔穿煲一路從中作梗


講到登月問題
所有方舟城, 除左852, 都無登月能力(除左向晴)
我講過方舟城係一批批
方舟城852可以登月, 係因為同一批既方舟城已經全部毀滅
現時故事內, 地球上就的的確確只有方舟城一個城市
所以唔會穿煲

朱月係所有方舟合體而成
而方舟塔本身都係方舟
合體完再令十幾首係地球著陸, 成為「方舟城」就可以
因為要樹立「方舟著陸, 人類以方舟為中心發展出城市」咁樣既故事

啫係設定係其他國家都有方舟計劃，但個ai無諗輪迴計劃，所以已經滅亡曬？
朱月阿當實行輪迴計劃，啫係佢係親身見證方舟爭奪戰嘅阿當，之後001至852阿當都只係複製版？

應該每一個方舟城阿當都有黎爾嘅記錄，知道黎爾會唔知幾時出現，所以每一個方舟城有方舟杖同米寧。

咁個問題就係無論係幾多號嘅楊芷欣都會想救返平仔，咁做彩虹橋計劃嘅時候應該會發現到自己仲身處同一個地球，咁點解得方舟城852嘅楊芷欣先會成功將楊子平一家拉過嚟？就算001至851號嘅楊芷欣有懷疑過阿當同方舟計劃，都應該會好似852號楊芷欣咁做到成功先係，楊芷欣又唔係向晴咁有得輪迴去試，無論幾多號都同原版能力一樣。

會唔會係並唔係楊芷欣852號成功拉平仔過嚟，而係阿當係前851一次嘅計算之中發現只得方舟杖同米寧係唔足夠阻止黎爾，最多只能令方舟城阿當重新啟動，甚至連方舟杖都無人幫米寧搵到，而莉莉就係幫米寧啟動方舟杖嘅最佳人選，比方舟城所有人都好，要平仔就係想要馬教授病毒ssd去copy隻病毒做低黎爾。

所以末日博物館只係做個樣？copy返平仔見過嘅野，其實本身只係要ssd，copy埋其他野做間博物館就好合理，咁平仔見過嘅自律炮擊車就出現埋，其實我都唔記得赤柱個時係叫自律炮擊車。

滅亡既係方舟城001~851
原因會再講，但唔太影響劇情

朱月阿當＝見證方舟爭奪戰嘅阿當
001至852阿當算係分靈
佢地有朱月阿當既記錄，但亦有只需於佢自己既經歷

應該每一個方舟城阿當都有黎爾嘅記錄
錯，黎爾係一個後門，阿當唔知黎爾已經潛伏在係自己既內側之中
至於又點解會有方舟御杖同米寧，容後分曉

後面既推測我無評論

赤柱個時係步兵戰車，後來改造成由Kitty控制先變自律炮擊車, 原型係由解放軍手上沒收返黎既「92式裝甲運兵車」

順便一提呢個型號亦係UN-聯合國維和部隊用既車黎, 換句話說當年黎爾跳落黎個架車亦係…

會唔會寫得有少少過份