【末日輪迴】《末日後的那些人》當一切必迎來終結，我們應該以甚麼方式存在？

我發現我戇鳩 方舟城103個度將黎爾打咗做阿當，不過你都答到我
黎爾先第一次出現，咁啫係毀滅原因係其他唔同嘅野
你咁講完，我覺得係一次有852個，唯獨852方舟城嘅阿妹先有拉平仔一家過嚟，而852就出現咗黎爾，最後向晴選擇留低擋唔自己飛。
咁啫係阿當本身就預咗黎爾會出現，但黎爾去到852先出現？方舟杖 阿爾法權限 米寧係一直都準備咗？
向晴依家就好似天航D06咁有角色要自己一個重複以達成目標咁
慘到癲

一次有852個＜—唔會啦，唯然唔係一個接一個但都唔會全部８５２個同時運作

黎爾出現條件係「距離世界末日」既倒數去到1000年以上 (目標千年之城完成)
方舟杖 阿爾法權限 米寧係一直都準備咗既原因牽涉劇情 唔解釋

852最特別一點係彩虹橋計劃成功，將楊子平一家人拉左過黎

Ｄ系列我都有追，去到曼德拉個集已經唔記得之前講咩，所以更加唔明發生緊咩事
老實講對佢結局有D唔滿意

但向晴我會話佢既遭遇真係好慘

我問曬啲劇情野
D其實都無諗過咁發展，個結局就係成功阻止囉，都係咁嫁啦

天航太過耐先完一個系列 都唔記得曬講乜，寫下停下 又忙，雖然算出名但都係窮撚作者，五環仲係得兩篇 依家寫緊曙光，但曙光唔好賣，D系列應該好啲，當年隔咗好耐出第六集有啲難買

咁重複法人都癲
啫係佢望住方舟城毀滅851次
認識嘅人本身都死得七七八八，得返楊芷欣熟少少 但睇住楊芷欣死咗851次

咁驚

我一早已經覺得個所謂滅世洪水計劃係唔work，講真成個方舟啲人，都係貪生怕死嘅自私鬼，仲要行啲不義體制，邊有可能唔滅亡

我一早已經覺得個所謂滅世洪水計劃係唔work，講真成個方舟啲人，都係貪生怕死嘅自私鬼，仲要行啲不義體制，邊有可能唔滅亡

方舟啲人係點本身就行錯咗，搵曬啲唔得嘅人上船，一定滅亡，所以依堆人係比阿當嚴格限制同導向要做乜，先杜絕到滅亡，輪迴計劃實際上咪啫係除錯。

實際上佢咁樣行，攪攪下又有個表面和平
啲人基本安全 方便 衣食住行無問題 可以唔愁生活，阿當處理所有野，好似走出嚟打莉莉堆毒撚咁可以追求自己想做無後顧之憂，已經可以馴服大部分人。

加埋自製敵人歧種人，同星軍保護自己嘅謊言，放逐方舟護衛隊，扼殺資本主義，實際上方舟城852真係過千年，無黎爾出嚟，唯一影響嘅因素係歧種人 械人真相，阿當一定唔會比任何人知。

方舟城啲普通市民又唔會知歧種人都係人類 又唔覺得阿當會害捉走嘅人，唔會覺得佢錯，唔知被捉嘅會改造變械人，守住秘密就可以。
我地上帝視角會屌阿當話曬事實際都係極權係不義體制，但居民普遍都係受落，啲引致毀滅嘅因素比阿當係輪迴中去除曬，啲居民舒舒服服都唔會理咁多，會理都要知道先，但唔知真相。

只能講阿當都係計算出最可以延長方舟城壽命嘅方法，咪選擇依種體制製造表面和平，係犧牲咗選擇權利同部分根本無犯咩錯嘅人個下衰，簡單嚟講方舟城就係阿當養寵物咁，聽聽話話就無事。

其實就算比個純民主制咩都有得投票選擇，一定投到炒曬車 處理上又慢過龜，人數太多，行揀民意代表制，又要有個可信又有料嘅，上方舟啲人咁樣邊搵到，搵到啲人都可能投個差嘅，九成都高速滅亡，啲人唔諗一定係揀返啲舊世界嘅管理者多，咁咪無分別，就算揀其他人，揀言老豆個啲咪資本主義推到盡 揀青龍個啲就精英制 揀二號咪政府主導門面功夫叻但自己地位穩 揀楊芷欣就科技大曬，根本無完美做法。

不過我寧願投票炒車 處理慢過龜，啲人炒下車先會知點樣選擇，唔會有假手於人代議制投垃圾，無啲獻世派做表面功夫實際跣鳩你 廢柴民主黨咁做唔做都有人投，投票直接咩都自己決定，就算炒車都係市民自己受，雖然個社會都會炒車。現實社會一定無國家夠膽玩全民一人一票 無代議士 政府掛個名無乜實權，淨係負責執行投票結果

第十四章：朱月

終於我看到米寧張開了眼晴，被安全帶繫住的她左看看右看看然後才與我四目交投：「莉莉，呢度係…」

「朱月既低月球軌道，你唔好解開安全帶，你未試過身處無重狀態。」我遞上方舟御杖，「你知唔知道呢個係咩事？」

方舟御杖的杖首是一大塊結晶那樣的東西，平時米寧發動阿爾法權限時都會閃爍光芒，但是自從剛剛進入朱月的軌道起，那結晶便在閃動著紅色光亮，似乎接受到了某種信號。

「呃…」米寧看著方舟御杖完全不知所措。

「按向晴姐講，朱月上面應該有一個類似基地咁既地方俾我地降落，但我完全搵唔到，方舟御杖應該就係關鍵？」

「我…唔知，定係你叫醒阿當問佢？」米寧望向在旁邊昏睡著的阿當說。

「…我…」

我不想。

我現在不知道怎樣面對阿當，他竟然把那些人改造成械人，我…一時間還沒法接受。

「…我試試，方舟御杖好多時都係同腦波活動有關，我試下集中精神呀呀呀？！」

「咩事！？」

米寧才一握住方舟御杖，馬上嚇得驚呼一聲放開手，還好這是無重空間，否則方舟御杖便被她摔到不知那兒去了。

「視野入面有好多…介面咁既野，係…我再睇一睇。」

米寧再次握住浮在旁邊的方舟御杖，這一次我也看到在她握住的同時，瞳仁的倒影中馬上浮現出很多只有她才看得到的介面。

「有無類似入口既野？」

「有…有個類似座標既野。」

我啟動腰間的噴氣裝置回到駕駛席上，於無重空間中我們便是透過這裝置流暢地移動。

「你講。」

把座標輸入，獅山十字號建立了一條通往座標的航道，我重新催動油門加速飛向座標，心中忐忑不安著。

到底在朱月上的會是甚麼？

於外太空，由於沒有重力和空氣阻力，獅山十字號的速度更快，座標距離也不遠，我們只飛了一小時左右便已經到達。

那兒—

「咩都無啊。」我說。

透過舷窗，鏡頭，感測器掃瞄，那兒根本空無一物，但同時掃瞄結果顯示在地下存在著巨大的空間，那時…

「咩都無？點會？明明我睇到入口就係…開緊喇！」

米寧說得對，本來空無一物的朱月表面突然間出現一道裂縫貫穿了赤紅色的岩石，岩層裂開，塵埃於朱月表面揚起，一個巨大坑洞展露在眼前，左右的岩層縮起如活門，果然這是向晴所說的…人造月球。

根本沒甚麼新地球，這還是同一個地球，同一個月亮，只是多了眼前我們這個紅色的人造月球罷了。

岩層徹底收起後我們便可以消晰看到被陽光照亮的坑洞—或者說，機庫。

機庫內有著指示燈，我把獅山十字號切換成手動控制模式，然後緩緩地穿過岩層活門降落到機庫內。

就在獅山十字號進入機庫的同時，機身突然下降，不只機身，本來在機艙內漂浮的東西也往下掉，這是人造重力！

「莉莉！？」

「你有無事？」

「無，無… Chok左下係嚇親啫。」

重力突變，還好在可以應付的範圍內！

機身停定在機庫內的同時，頭上岩層活門又再次關上，陽光被擋了在機庫外頭，舷窗外變成一片漆黑，我們好像被朱月吞噬了一樣，四周一片安靜，即使有微弱的光亮從舷窗往外滲卻沒有照亮任何東西。

「嗡」

就在我要伸手打開獅山十字號的照明系統時，外頭的機庫地板突然泛起了光茫，那不是任何一種我看過的照明，而是地板本身在發光，隨著光芒亮起，一把宏亮的聲音響起。

「表明身份，方舟御杖既持有者，你並唔係方舟上既船長級登艦者，你到底係咩人？」

既然聽到聲音，就代表機庫內有空氣了。

「我，我，我係米寧．尼曼雅。」

「你地係由邊度黎？」

「方舟城８５２！」

「方舟城８５２啊。」聲音說，「原來係咁，向晴既旅程…終於完結啊。」

「你識向晴姐？你到底係咩人?」我忍不住問。

「……莉莉。」

「我係問緊你係咩人。」

「我都係阿當，不過係朱月上面既阿當。」

我就知道…既然他是朱月上的阿當，那麼在８５２的阿當前恐怕還有８５１個阿當吧。

「朱月基地內人造重力已經啟動，空氣含氧量亦正常，你地可以打開艙門出黎，我明白你地應該經歷左好難受既一日，亦有好多問題，我會盡量幫你地，莉莉。」

才第一次見，這傢伙卻已經親暱地叫我莉莉，這倒使我有點不自在。

但我們看樣子也別無他選，我把爸爸媽媽，姑姐姑丈他們一一弄醒後，連同被米寧弄醒的阿當走到艙門旁。

「呢個係…？」姑丈把玩著我交給他的那東西，除了他我們手上一人一個。

「獅山十字號上既供氧面罩，入面有壓縮空氣可以供氧一個鐘。」我說，這正是之前歧種人母艦作戰，獅山十字號失壓時我用作呼吸的面罩，就像外科口罩那樣不過是金屬造的，其實挺帥氣。

「準備好啦嘛。」我說。

眾人點點頭，包括要由媽媽扶著的爸爸。

我推下拉桿，艙門打開，除了空氣有點乾燥外沒有任何特別。

「歡迎黎到朱月基地，方舟城８５２既咁多位。」

朱月阿當一直都只聞其聲不見其形，包括當下也是，我們四周張望但機庫內除了遠處的一列登月梭和一個空置的泊位外沒有看到任何類似人形的東西。

「依加你地最需要既係休息，我已經為大家準備好休息既地方，請…」

「朱月阿當，你呢個基地有無防禦系統同武器？」我有點緊張地問。

「當然有，莉莉，點解咁問？」

又直呼我名字了。

「黎爾佢追殺緊米寧，佢一定會追到黎，星軍既地冕戰鬥梭同登月梭…」

「請放心，黎爾無辦法染指呢度，至少佢無辦法直接干涉呢個基地，唔好話朱月基地，佢既權限最大距離只到近地軌道，如果你飛到地球既近地軌道上，就同佢通訊都做唔到。」

我想起母艦強襲作戰那時，一如以往我們才飛到衛星頭上，所有地冕戰鬥梭與阿當的通訊便馬上中斷，我們被告知那是因為我們比衛星更高所以才沒法連線。

回想起這根本狗屁不通，末日前的舊地球…我還是習慣這樣稱呼，即使登月太空人在1969年也可以與地面控制中心雙向通訊，那句「我的一小步，人類一大步」流傳千古，怎可能我們才到衛星上就沒法通訊？

不過那時候阿當說甚麼我們也全盤照收，別說思考，根本連質疑的念頭也沒有過呢，畢竟他是「光榮，偉大，正確，道路，真理，生命」的主宰。

「既然落得限制，所以你早就知道會有黎爾出現啊。」爸爸瞪向阿當說。

「我，我唔知…」阿當搖搖頭。

「我亦唔知。」朱月阿當說，「但係過去有方舟城的確發生過人工智能叛亂，亦造成方舟城毀滅，從此之後其他方舟城其中一個安全限制就係由源碼層級限制電腦系統既範圍，避免毀滅擴散開去。」

「人工智能叛亂…」爸爸吞一吞口水，面色比起剛剛更加蒼白。

「放心，個個係另一個低級系統。總之，黎爾佢絕對無辦法干涉朱月基地，亦因為咁佢先咁執著米寧，因為佢需要米寧身上既阿爾法權限突破種種限制…總之係呢度你地唔需要擔心黎爾既襲擊，稍後你地知道朱月既真面目後就會明白。」

他的真很喜歡說「總之」呢。

「朱月既真面目…」

「走廊直行，左轉穿過大堂，上一層後右面第三道門就係休息室，寢室就係旁邊，請盡情休息。阿當８５２，請立即傳送紀錄，我要全盤了解方舟城８５２既現況。」

媽媽她們一行人面面相覷，但還是走向了休息室的方向，至於阿當說要去另一邊傳送紀錄所以離隊。

「爸爸，你跟一跟我黎，我教一教你獅山十字號點樣緊急啟動以防萬一。」

「我？」

「嗯。」我凝重地點點頭。

「…好，我等陣再去搵你地，寄葉。」

「咁…唔好煩你爸爸太耐啦莉莉。」

「放心喇媽咪，一個掣就會自動返航地球架啦，我指俾爸爸睇一睇就係。」

我與爸爸重新回到獅山十字號上。

「做咩專登要同我獨處？」爸爸一眼就看穿我的企圖。

「……」

但我不知道怎樣說，更不敢說。

「莉莉，你慢慢講，你講咩我都唔會嬲。」

「唔係…唔係呢個問題…」我痛苦地皺起眉搖頭。

「嗯，我聽緊。」即使狀態同樣糟透了的爸爸，這時還是擠出一個苦笑安撫我。

「……」

他甚麼也沒說，就這樣靜靜地等著我。

「…我，我，我，我覺得，我覺得呢…呃…」

要說出來，要說出來，一定要說出來！

「姑，姑…姑姐同姑丈佢地好似有啲唔妥。」

彩虹橋基地的管控台是被整齊斬開的，那些都是金屬結構，能做到的就只有斬機刀。

械人沒有斬機刀。

那時現場有斬機刀的，只有姑丈一人，那麼就是他故意斬爛管控台使計劃失敗。

黎爾被釘到牆上的屍體上沒有一處刀傷，而是被巨力扭轉爆裂的，那力道無論是姑姐姑丈也沒有，要不就是坦克型做的—

—要不就是黎爾扭斷自己身體自殺，故意死在現場給後來到達的我們看，使我們不起疑。

「你講咩啊莉莉…」爸爸沒有生氣沒有激動，反而是一臉疑惑。

「更重要係…個時係方舟廣場，獅子十字號冷卻緊個時，機上面得三個人…」

阿當。

姑姐。

姑丈。

姑姐姑丈二人雖不會文雀殺法，但聲東擊西二人都會，只要一人引住了阿當的注意，把拉桿拉下來使散熱口重新關上也不是難事。

結論就是：姑姐與姑丈其中一人，甚至二人都背叛了我們，站在黎爾的那一邊。

「點，點可能？佢地根本無動機…佢…阿妹佢…莉，莉莉，你，你真係點可以咁樣講…」

「我，我都好亂，爸爸，姑姐姑丈佢地咁錫我，我都唔敢相信，但…你可唔可以暗中監視住佢地兩個？你應該好擅長呢個任務…求下你，我都唔想係真，但…」

不知不覺間我哭了起來。

「……」爸爸沉默。

「……」我亦沉默，只剩哽咽聲。

終於—

「…唔使喊，就交俾我，莉莉，如果自己個妹真係行差踏錯，做阿哥既一定要拉住佢。」

爸爸這時眼中卻沒有一絲混濁和遲疑。

其實就算比個純民主制咩都有得投票選擇，一定投到炒曬車

人唔仆街唔識大，啲鬼佬又咪係炒撚到兩次世界大戰，而家先識玩民主套嘢

所以結論就係根本上末日係無撚用，

第一，你根本就無可能揀到只有好人上方舟
而你即使揀到得好人，好人係咪識run個社會先？
邊個去保護其他人先？
到最後結果一係就好人攬炒，一係就需要惡人去run個社會。
但咁樣其實咪即係而家個世界咁

好難想像姑姐姑丈做25

人唔仆街唔識大，啲鬼佬又咪係炒撚到兩次世界大戰，而家先識玩民主套嘢

所以結論就係根本上末日係無撚用，

第一，你根本就無可能揀到只有好人上方舟
而你即使揀到得好人，好人係咪識run個社會先？
邊個去保護其他人先？
到最後結果一係就好人攬炒，一係就需要惡人去run個社會。
但咁樣其實咪即係而家個世界咁

末日純粹係一個減少人口，同大洗牌嘅機會
就係run唔到先有埋輪迴計劃，阿當自己揸旗調整算數

無，其實真係無完美方法，就算係台灣咁樣有票投好多野都係碌柒咁，外國都係精英打骰多，只係比極權好。香港個例子就係雖然無民主但由有選擇變無嘅結果係變差

除非全世界都聖人級唔會互相攪鳩對方 又有一定智慧唔會做柒事自爆掛，唔知點樣先完美

係囉 但真係佢個邊古怪 我都估係黎爾自扭扮死 就算話唔係扮死 係楊芷欣搵到方法控制械人偷黎爾雞，都諗唔到阻止散熱係點解
無理由做但有古怪

同一副啤牌你點洗牌，都唔會出到一個蛋糕出嚟

同樣嘅人，你點篩選，個世界都係會演化成咁

個概念應該類似假定有無限時間，馬騮都可以打到篇沙士比亞出黎

同一副啤牌你點洗牌，都唔會出到一個蛋糕出嚟
同樣嘅人，你點篩選，個世界都係會演化成咁

個分別就係大部分剩返都係有權有勢有能力嘅人，有啲社會上令人覺得比較無地位嘅人根本上唔到方舟，人數少咗，至於個世界點行，係咪都係向壞嘅方向嫁啦，剩返幾多個都一樣，係少人啲阿當易啲控制。

不過又咁講，都係黎爾嬲鳩玩小行星滅世殺人，為世界變好籍口嚟，方舟就係政府同有錢佬嘅走佬工具，依班人享受開邊捨得末日死，唔係令世界變好而諗出嚟，令世界變好做目標個選擇人嘅方法就唔係咁。想延續個方舟城有表面和平安穩所以攪咁多嘅得阿當同向晴。

好老實，我唔係黎爾咁經歷慘劇，但真係諗咩延長居住地壽命，最實際真係搵個方法將啲人收皮，反正係人都會做衰野，差在大單定細單，無曬人唔洗諗最簡單，有人又要教育 又要法律，但依啲野根本就好難做，好似阿當向晴咁玩咗851次先得一千年，仲要得個殼，個餡都係啲咩言老豆 二號 淨係理自己興趣工作嘅毒撚 輕鬆送人去做炮灰嘅阿妹 殺人無數嘅阿洛 二五錘妹咁，係安居樂業先唔洗做返以前啲野

但係你都係打唔出鍵盤無嘅嘢，而且更大鑊嘅係，個鍵盤唔見咗大部份嘅制

因為呢個世界根本就唔應該畀「設計」同控制，只要由得啲人發揮，佢哋自然會解決自己面對嘅問題

佢都無改過啲居民，係提供咗依靠同安居樂業 想追興趣就追興趣 想咩都唔做就唔做 唔過佢條界就得，加埋嚴格限制，個個都只會係阿當可接受嘅範圍入面生活。當滿足曬所有需求又有限制，啲咩打劫非禮強姦個啲都無乜必要，有念頭都唔敢做，已經比阿當馴化曬，做咗就比星軍捉去集中營，安穩生活定集中營，係人都揀前面
放返今日個楊芷欣 阿洛去末日，你出嚟掂楊芷欣一條毛已經比阿洛扔死咗

因為呢個世界根本就唔應該畀「設計」同控制，只要由得啲人發揮，佢哋自然會解決自己面對嘅問題

所以我咪想要全民投票決定所有，揀錯啲人衰咗先識諗真，唔會再想伏鳩自己，又唔洗比政府 政黨左右，政府淨係做下啲行政野 管下啲非禮強姦爆格打劫依啲危害他人嘅之類就得，要自己選擇都唔用腦諗咁抵死啦

try and error, 有無限時間，如果用閃電俠概念就係不停回到起點，不過未必可以翻到盤

學美國咁就最好，行小政府