【末日輪迴】《末日後的那些人》當一切必迎來終結，我們應該以甚麼方式存在？

我有錢會出GAME

的確
寫得好唔好同紅唔紅真係無咩必然原果關係
但身為作者就只好寫最好既野出黎

TLOU2我無玩, D人話大伏
我覺得我寫故最首先係要建構出世界觀
再將其中既人事寫出黎, 咁樣會生動好多

PENANA突破60K閱讀, 多謝大家
突然被大家咁讚我都好開心, 呢份滿足感就係我一路寫落去既動力
的確人紅唔紅除左作品質素都好睇運氣
所以我只好寫自己最好既水準出黎
至於紅唔紅，題材，運氣都有影響的
如果你覺得我唔紅無天理既，勞煩俾個LIKE我既故同PAGE已經幫到好多

FB:h[url]ttps://www.facebook.com/vantablackstory[/url]
IG: https://www.instagram.com/chanlapjeng/
PENANA: https://www.penana.com/story/119806/%E6%9C%AB%E6%97%A5%E5%BE%8C%E7%9A%84%E9%82%A3%E4%BA%9B%E4%BA%BA-%E4%B8%96%E7%95%8C%E5%B7%B2%E7%84%B6%E7%B5%82%E7%B5%90-%E6%88%91%E5%80%91%E5%8D%BB%E6%9C%AA%E7%9F%A5%E4%BD%95%E8%AC%82%E6%B4%BB%E8%91%97/

PENANA作者專頁: https://www.penana.com/user/123061/%E9%99%B3%E7%AB%8B%E6%AD%A3/portfolio

／／／／／

最後想特別講一講上面有巴打提及既日本輕小說
我諗營造出成個閱讀風氣，平台，讀者群唔係一朝一夕既事
畢竟香港的確唔名日本既輕小說咁成行成市
所以除左「寫好自己」之外，身為作者或者仲可以做多少少
亦即係所謂既做大個餅
而讀者既話，希望你地見到有作者係值得鼓勵既話
唔好慳，推下POST，正皮，追文， Share下
希望有朝一日，香港網絡小說既成個圈子都可以追到台灣甚至日本

阿作者可唔可以話比我知
其實係咪有參考到薩爾達王國之淚
時間穿越變成促成歷史 公主變龍又同咁多位賢者講要幫助之後嘅林克
大師之劍應該都係你個把閉環物件嘅參考物之一？
爛劍番左去一萬年前 由公主整好再由一萬年後嘅林克拎番 同時存在兩把大師劍
時間嘅方向唔同但過程一樣

唔係，我一集薩爾達都無玩過

傑少超型

要發咗達先

何超儀都唔止扔錢拍，自己演埋一份，應該真係鍾意

無睇 比我睇應該唔明

推廣方面，如果想到大項目，可以試一試大課金。

雖然有會員計劃，但很多人心目中都是不同的概念。

例如未必會給100元當付費讀者，但反而願意捐500元支持一個作者的熱血行動。

樓主的軌跡有些像某些紅作者，有足夠數量和類型的作品，有一定讀者的良好口碑，可能差一個關口就爆了。

射波一日, 聽日出文

正評的可以順便推下。

果然係要禁言

講起冷臉仔未遇到伯樂 有一刻諗如果仲係高登嘅世界 會唔會有唔同呢
無可否認 高登講故台係熱鬧過連登好多 無論讀者人數定出書機會都係 究竟點解一嚟到連登就無以為繼
會唔會如果仲係高登出文 冷面仔啲故都會爆到幾個post 結局又會加速

如果跟返未來三人可以促成某啲過去已發生嘅事依個路線，白虎最後叫走莉莉同向晴可能係推到自己被放逐嘅其中一個原因
阿當：屌 我女朋友都敢郁 扔你條八婆去遠啲添呀

高登熱鬧啲但整體質素係差啲，有啲好差 我直接覺得係垃圾題材 垃圾文筆嘅都出過書，雖然我唔知有得出個原因係乜，就算係啲有少少知名度嘅作者，高登出個本書有啲聲氣，但後面再寫嘅故事係好啲都未必有得出，或者人氣無咁高

我覺得高登初期爆得起只係因為新鮮感同算係多後生嘅人用高登，時間過咗就步入平穩期，連登故台同高登同一模式唔再新鮮啦，而香港睇書嘅人本身都唔係多 我諗得廿萬 三十萬咁上下，包括曬所有書種類，咁個市場唔大出書自然難 出版社 書店 作者都要生存到

我假設冷面出書賣曬 其實扣完出版 書店抽一舊，冷面落袋嘅錢估計係三成，但可能半年先出糧，冷面全職寫應該會餓死咗係鍵盤前。我雖然唔清楚作者實際搵幾多，但我有試過遇到一啲算係出名 甚至係曾經某間網絡故大出版社出書嘅作者，都係sales模式開啟咁現場落嘴頭想你買多本，當然都有作者簽書每年書展打蛇餅簽到手軟嘅，但萬中無一

有些藝術工作者，作品打響名堂，然後生計靠開班和講座。

另外，如果從突圍的角度，其實「短」好過「長」。

純統計學得出的結果。

Lm

向晴姐倒是冷靜，她倒是先冷笑了一聲：「哦，原來想滅聲。」

「唔好講到咁難聽，我只係為左未來世界既穩定。」白隊長板起臉道，她是白虎部隊的隊長，負責西方戰線，之前於數碼港與傑少交戰但卻被他迎頭痛擊，最後夾著尾巴逃回方舟建造區的人就是她。名字我不知道，所以暫稱之為白隊長。

「我做左記者咁多年，你估下你係唔係第一個威脅我滅聲既人？」

我有一點不明白，如果白隊長要滅聲的話叫我來做甚麼。

「……東條絢香，一聽就知道係日本人名，仲要係東條姓。」白隊長不回答向晴姐的反問，反而望向我，「我就未見過日本人金毛。」

「染既。」

「我未見過日本女人咁高。」

「告你種族歧種喔？」

還好阿當教過我被人質疑怎麼答。

「咪亂講！！你唔係東條絢香！！」白隊長拍案大罵，「冒名登艦好大罪，我警告你，無論係你，定個個叫阿當既，叫米寧既，你地三個都係冒名登艦，雖然依加無左赤柱監獄，但我依然可以剝奪你地登艦權放逐出…出…去……」

白隊長以眼角餘光望向向晴姐，發現她根本不為所動。

「哦。」向晴姐還諷刺地回她一句。

「你就覺得咁做無所謂？」

「我同佢三個唔熟。」

「向晴姐？！」

「唔好姐姐聲，我地唔係識左好耐。」向晴姐抱胸別過面去道。

「但你地唔係話係朋友？」發現要脅無效後，反而是白隊長怕起來了？

「係就係，但我係記者，唔會為左佢地三個放棄傳承真相落去，末日世界既人要知道你地呢班方舟護衛隊以保護方舟之名做左幾多無人性既事。」

白隊長竟然有點緊張，額上盡是密密麻麻的細汗，反而向晴姐一臉輕鬆，畢竟白隊長很清楚方舟護衛隊做過甚麼，即使以「保護方舟」為名—也不會有人原諒。

絕不原諒，絕不原諒，所有人也絕不會原諒。

「如果我地輸左，全部人都要死，我地唔可以冒任何既絕對風險…咩黎?」

「錄音筆，當下呢一秒都係取材既一部分，你可以留返係未來再解釋。」向晴姐把錄音筆收到懷中，連被爸爸傳承了文雀技術的我也看不出她是從那兒掏出來，又收回到那兒去了！

「豈有此理！」被刺激至勃然大怒的她舉起手槍頂住向晴姐的眉心，「你一係刪左佢，一係我就係度打撚爆你個頭！」

我們日後會在方舟城中看到向晴姐，證明這時向晴姐根本沒有白隊長一槍爆頭吧。

「咁你同我打準啲。」向晴姐完全沒在怕，更是捉住她手中的槍壓向自己眉心，還幫她解開了保險鎖！

不過如果我們其實是在平行宇宙，那麼向晴姐……不就在我面前再死一次了嗎？

「我殺左你後可以自己刪除，你咁只係白死。」白隊長道。

不行，我不想賭！想到這兒我已探手到腰間準備拔去斬殺這傢伙，但——

「東條，呢個係大人之間既事！」

「但我，我都係大人…！」

她看一看我握住的刀柄：「你仲未係。」

「但咁落去！」

「槍管已經貼住我額頭，任你既刀再快都無用。」她說。

我無言而對，向晴姐明顯想得比我更遠。

「如果佢真係要刪除既，頭先確認左係我本人之後，佢地就可以殺左我然後搵人刪除，你諗下我地一路入黎經過幾多槍管前面？」向晴姐說。

同樣地我被向晴姐反駁得啞口無言，難怪她眼中我還是孩童。

「把口講到咁大聲，實際上係點？」向晴姐滿臉怒容卻展露傲然的笑意。

然後白隊長卻扣下板機。

「咔」

嚇得如個小女孩一樣緊閉雙眼還縮後了兩步的我聽不到預期中的槍聲，聞不到腦漿的腥味，於是緩緩張開眼的我望向向晴姐。只見向晴姐活得好好的，她用手輕輕一挑，彈夾滑出槍身摔到地上，入面沒有任何子彈，是空槍。

「咦？」我傻眼，看著彈夾摔到地上噴出的火花。

「受訪者無講出黎既事往往最重要。」向晴姐說，「即使佢講到幾大聲幾激動都好。」

房中由沒有任何武器與權力亦不諳武術的向晴姐，憑其膽色與專業佔著上風。