【末日輪迴】《末日後的那些人》當一切必迎來終結，我們應該以甚麼方式存在？

其實而家諗返樓主真係好勁之前寫末日故時已經諗好而家連載緊嘅內容 個複雜程度同思維清晰程度真係要好勁先得 你值得被更多人欣賞到！！！

睇到我消耗緊已經唔多嘅腦漿，本身唔係聰明醒目諗好鬼耐

有少少殘忍

唔使擔心
仲有「卌」呢個字

圩

依加目標係聖誕前完故

+1
所以細細個睇故都唔會用腦
好好享受就算

黎爾BE LIKE :

多謝你 真係落左好多心機
不過由未咁誇當日寫第一集已經諗到依加咁長遠
都係得個原形概念咁
寫呢集前都有溫書睇返自己前面兩集 睇下有咩位可以俾莉莉佢地返去過去插手同「促成」, 最緊要係有呼應
有你地支持已經好開心, 多D 推POST同PENANA LIKE就好了THX

唔算好複雜啫

用腦會再好睇D架

有腦先用到

寫推理鬥智都好攰

推。

睇第一集嗰時仲諗緊點解佢會預知到未來
嗰時仲喺度諗既然寫得末日都係故仔，唔爭在作埋佢有超能力
屌你真係解到

所以我覺得如果正哥唔係喺香港出世嘅話，啲嘢一定多好多人睇
唔係講笑，呢個末日故嘅完整程度，絕對屌打日本啲輕小說，就算講緊一線最多人睇嗰啲都係

向晴姐
呢part真係好感動，原來點解要由向晴去進入末日輪迴就係呢個原因
莉莉仲要親手送呢個姐姐去死

以前睇啲野題材好多時簡單啲，好似啲王道漫畫咁打嚟打去 或者係啲唔洗點諗嘅題材，唔睇偵探類個腦好少要郁，依家睇好多作品個腦都要郁，諗唔同嘅野，唔知係啲作者進化咗定我諗野多咗

依句直接證明咗你個腦勁啲
我覺得複雜 方舟輪迴計劃個段睇完第一次get唔到要再睇，之後個留言起碼打咗半粒鐘，組織咗勁耐都唔係正解

香港做創作好多時都係窮，日本 台灣依啲寫作明顯比香港易啲，日本你一個新人埋頭苦幹寫完有多啲途徑比人見到，有啲知名度高嘅大獎項新人都可以有份咁，有時會見到啲書封面寫住咩新人作品拎咩直木賞之類嚟介紹 有啲乜乜協會之類。

之前聽咗個節目講話日本人搭車睇書算普遍，書店係真係主要賣書為主，唔係好似香港誠品咁一堆唔關事嘅野仲多，又唔係三中商咁倒模每間一樣，係唔同地方開 就算係連鎖經營都好 都會似香港啲獨立書店間間唔同特色，同埋啲書店周圍都係，好似香港去西洋菜南街咁有一堆，但係講緊係開地鋪喎，香港有幾多間唔係連鎖會開地鋪賣書為主，雖然我唔會識曬所有書店但估計唔過十間，我諗到嘅唔過十間

台灣都好過香港，個業界圈子好似大啲，香港嚟嚟去去大型活動都係書展 金閱獎之類，無乜印象有啲咩大野，香港做書店 做作者唔洗執笠 唔洗乞食都算數啦。

應該話香港依家唔想打份工，想訓身寫故仔 寫劇本 做導演 拍電影 拍youtube 做歌手組合樂隊 做舞蹈員 做運動員之類，開頭都會面對同一個情況，就係好窮 唔知窮到幾時，同埋用熱愛去燒，燒到盡放棄就完結，做作者有咩依靠？自己勤力囉 無其他。寫劇本，有人搵你寫 寫完睇下要唔要，寫個過程好多時無錢嫁喎。拍電影叫有啲資金可以申請下嘅，但無投資者多數都係唔夠錢，無票房就蝕入肉，但小眾片邊有咁多票房。youtube就唔紅少人睇 無廣告等於窮，上到一線搵到食但都係行錯一步就麻煩，人氣下滑就收入減少，唱歌無大公司睇中嘅都係自己燒錢做，燒燒下就好易消失。舞蹈員依家個mon跌完大家都知乜鳩保障都無，又無人識無人留意。運動員唔係有錢扔落去令佢地有得專心練 有成績，係掉返轉有成績就比多啲，個運動唔主流 出賽無獎咁唔係甲級咁就幾千蚊啦，踢波咁普遍乙組都係踢緊石地波無配套，啲主辦 球證都流嘅，茅波都可以，港隊都唔係好景，何況其他無咁出名嘅運動

香港最歡迎咪黎生囉，返工搵錢買樓結婚生仔，政府同有錢財團最愛

向晴個心態勁強大，幾百年孤獨輪迴，知道自己會死都叫莉莉照做，好似某啲歷史人物咁有機會促成某啲事 係自己理念 正確嘅，死咪死無乜野

唔知係咪見識愈多乜都知所以咁強大，無比啲社會上發生嘅事 身邊嘅事打冧，黎爾 羅醫生 馬教授都係精英級，一件事就變曬滅世魔王，青龍算係要乜有乜但都係諗錯曬行錯方向

所以一係就本身有錢

我覺得係因為嗰班精英根本唔知現實世界係點，所以咪諗埋晒啲咁奇怪嘅嘢