好高質嘅紀錄post!深入虎穴仲鉅細無遺記錄哂個過程,
Respect!
呢啲人生課程或者傳銷都係靠半禁錮同洗腦手法去行騙,利用人嘅弱點或者貪婪去控制人,嗰人意志力弱啲都好易上當。
無可奈何身邊總會有朋友中過招,但就算我地知道係呃人嘅,都愛莫能助。就算有樓主呢個警世post,都好難避免繼續會有人被騙,只希望有更多人睇過呢個post,可以留意下身邊有冇親友被邀請上呢啲課程或講座,阻止佢地出席,Day 1都唔好去先可以減低被洗腦風險。
我以前讀大學嘅時候都被U mate邀請過去Amway,問我想唔想返part-time,不過去到聽就講咩會藉,又話要入會,要比錢,心諗當我水魚on99,扮哂嘢聽完就走咗。
另外有個好朋友就比1040陽光工程洗哂腦呃咗返大陸,就算我地點提醒佢都冇用,要比人榨到冇哂錢先識醒,不過好彩返到香港就踏實返,所以話呢啲乜嘢課程又好,抑或咩搵錢大計,都係萬變不離其宗:洗腦手法,控制人心理同意志。
BTW樓主描述呢個課程嘅時候我不斷諗起男親女愛入面嘅心靈慰藉中心劇情,好有畫面