去左人生洗腦課程，記錄晒入面所有內容細節 (2)

傻仔

韓國教主有愛做有錢收

正皮係俾樓主嘅冒險精神同意志力
希望傳播俾多啲人睇

留名

劉明

有口音都可以做到咁真係好勁

不過想像到個好笑

當年其中一個人生導師就係呢個課程嘅畢業生

個個都係為錢，但只有保險經紀明明有授信責任，又自稱幫緊客戶，結果就收保險公司嘅佣，賣最高佣金而唔係最適合嘅產品

慘

我戈陣係唔太投入到但又好想融入佢地
諗返起晒錢晒時間

東張好似報導過類似，但冇樓主咁詳細

自己輸得起嘅時間、錢，好好嘅回憶、經歷

首先，點解賣最高既佣就唔係最適合。
第二，何謂最適合。

舉個例子，你去買對鞋，冇你碼，個sales就sell你著細半個碼，話著著下會鬆，你信左，個刻又真係著到，但你之後覺得太緊。
咁個賣鞋sales算唔算係收左佣金但又推介唔係最適合既產品？ 買個個係唔係完全冇責任？

利申 我唔係撐或踩保險，只係世上好多事情存在都有其價值及原因，單方面靠自己接觸過既經驗推論既話，會唔夠完整地觀看整個事物既本質。

Day 5 洗腦日

終於黎到最後一日，亦係我最期待既一日，用4日搞咁大壇野，目的都係為今日姐。介紹返佢哋強調呢個係畢業禮，儀式會係好莊嚴。

10：00準時開始，入大門口前已經感受到個氣氛，男組長3件頭西裝配襟花，女組長晚禮服，兩行而排，就好似英超列隊歡迎新科聯賽冠軍咁迎接我哋入場。

學生入課室後要手拖手圍圈貼牆企，之後就開始起音樂，所有組長慢步進入課室，再係我哋面前面對面圍成一小圈，呢個時候講師就叫大家合埋眼，一路講呢幾日既體驗，慢慢開始熄燈，即係又準備催眠，問我哋學過乜野？得到乜野？仲記唔記得當初既承諾？不斷令大家回憶呢幾日上堂情況，之後開始聽到喊聲。當講師講完野叫大家開眼，燈都慢慢著返時，竟然係介紹入黎上堂既朋友同上一期既基本課程學生拎住一大札花同畢業公仔企係我面前，呢個時候全班人喊到癲，而我仲係好硬淨，理性控制自己要記錄過程，唔可以受感情影響。最後學生會同組長，介紹人，上一班學生逐一深情擁抱。

1：00pm放break

之後先係重點 - Sell課程，其實唔適合用Sell字，係強迫報名，講師先用兩個鐘講一大輪廢話：基本課程只係開始，你地已經有進步，要突破就報讀高級課程...，一開始已經有過半數人報名，而呢個時候職員，組長，上一班同學配合力sell，現場準備晒卡機又可以分期，今晚11:59分前報高級+領袖訓練 $17000， 12:00am開始就要$19000，邊個有意報讀就舉手，而附近就有一班已報名學生同埋前學員不斷話支持大家參加高級課程，用群眾壓力，課程內容去迫人報名，組長講到喊晒口，咁又多一班人報名，放學前剩低7個人未報，包括我同Partner。

而報讀左高級課程學生要完成一個冒險行動任務，就係要去關心身邊既人，分享自己心中既感受比佢地聽，要完成一項目標 - 用任何方法至少帶兩位去課堂體驗，即係叫佢地報讀課程囉，然後又係送佢地返學，放學，監視佢地完成課程，就係做介紹人既角色。不斷輪迴，直到永遠。

6：30pm完

基本上課程已經完左，佢哋既目標都達到9成，咁一定會剩返未報名讀高級班既人，佢哋又點會放過，所以就有聽日既創新生活面談，即係用盡方法去sell埋未報名既人。

Day6 - 創新生活面談

由於我已經得到想要既資料所以我冇去，而今日目的都好明顯所以都唔想浪費時間，而Partner話都唔想去但個女迫左佢去。有講師，組長，前學員，今日目的係用全力去sell未報讀高級課程既學生。

首先講師叫在場已報名既學生大聲講出黎緊有咩目標同夢想，句子係我要乜乜乜：我要一年內搵到100萬；我要一年內結婚；我要今年搵到女朋友。全場氣氛高漲。當學生講完呢啲廢話後就放break。

Partner同我講佢放break時救左3個學生，因為見佢哋被sell時猶豫所以放break同佢哋講課程有問題。

放break後，未報名學生就要打最後大佬 - 單對單面對講師，6講師對6學生，用盡方法去游說，包括講自己感覺，個個講師都講到七情上面喊晒口，結果除左Partner，partner救既三個人，其他人都報讀高級+領袖訓練，即全班60人有55人都會繼續讀。

最初Partner話因為返工冇大假冇時間讀，講師組長都話係藉口，Partner知道其實講咩都冇用所以強硬講唔會再讀，結果令講師組長對佢不滿。

最終Partner戰勝，職員放佢走。

如果免費比我去記錄高級課程，領袖課程我會唔會參加？我諗未必，因為大概都估到繼續終極式洗腦控制佢哋搵更多學生上堂，而我收到朋友風，佢讀到領袖行動課程有一個挑戰要服從導師指示交指定人數讀基本課程，如果交唔到人數就畢唔到業，大拿拿幾千蚊好難會說到人入去讀所以為交人唯有幫人比埋錢人入去讀所以就明點解我朋友會比錢我去讀，而在場大部份都係有人比錢。

歡迎大家問我野，我盡量答你哋，但唔會答自爆野。

突然諗起
讀U果陣都好似俾個同班既叫過去呢D所謂畢業禮
但個畢業禮都會半上堂咁叫你地分享之類乜乜柒柒

最好笑果部分 我地4個人去 全部都係讀psycho
我地抗壓能力係高到爆同埋對呢D洗腦催眠係免疫
到分組果陣有個組長 我地4個 再加佢地一個媒
組長+媒就係每組都會出現既組合

個組長就話叫大家分享 自我介紹呢D
個媒就好積極咁講 我地循例上做左個好簡單自我介紹
淨係講自己咩名 邊個介紹

個媒開頭唔認自己係媒 話第一次黎乜乜柒柒
到呢個時候我忍唔住講左句
你D戲好屎 我地4個都睇得出你係媒
佢呆左秒之後先認自己係成員之一
個組長見唔對路就拉開話題想洗我地腦
我個FD就話
其實對我地冇咩用 我地4個都係讀psycho

個組長同個媒呢個時候知我地4個唔會落搭就冇再理我地
我地4個果陣大家都肚餓想快D走
於是我就問個組長會唔會影相之類 幾時 冇我地走先
結果個組長就話冇咁快 我地可以等多陣
咁我地緊係睬佢都傻 炸炸聲走人

我有個fd係開PT診所
我男朋友去左幫襯
點知睇完症就俾個fd同佢女朋友2個夾住傾左好多個鐘
要佢報d乜乜柒柒人生洗腦課程
我屌到佢痴線先放生我男朋友
當然個fd仲話我唔接受新事物 唔想改變現狀
後尾問返其他common fd
都有試過俾佢夾左去地鐵站即場撳錢交報名費

以為你哋會洗返佢哋轉頭

工都唔洗返咩，痴線

俾皮幾嘢再幫人俾幾千蚊，真係洗腦洗得好入肉

55個人 17000一位 咁就差唔多一球

成功令到講師悔改
即時派番所有學費比同學

凝視深淵

其實中間我地4個都有不斷撚個媒同組長
到後期我拆穿係因為肚餓想走人
果日好似下午茶果D時間開始
原本預1-2個鐘內完成
結果攪到差唔多6-7點左右咪拆穿佢地唔同佢地癲