USJ 環球影城綜合討論區 (4)

1001 回覆

5 Like 0 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

乃木坂飯 2023-04-28 23:19:59

USJ 綜合討論區

官網
https://www.usj.co.jp

交通資料
https://www.usj.co.jp/web/ja/jp/access
前往USJ既電車線是「ＪＲゆめ咲線」
由其他JR線坐去「西九条」站, 然後同月台轉車去「ＪＲゆめ咲線」

緊記，USJ門口位於「ユニバーサルシティ駅」附近，
記住「ユニバーサルシティ駅」落車，然後步行5分鐘就會到正門入口
千祈唔好去on99坐咗去總站「桜島駅」,
「桜島駅」係入唔到USJ的！

https://transit.yahoo.co.jp/
如果想查詢正確前往USJ的電車路線, 請務必使用以上yahoo網址, 準確無誤

事先準備
1. 手機 (叉滿電)
2. 尿袋 (叉滿電)
3. 錢 (建議最少帶4萬yen+傍身, 以備不時購物食野之需)
4. 護照 (退稅用, 有咩事整親受傷都要用)
5. 至少3包紙巾 (防止園內爆石無廁紙要用手抆屎)
6. 下載USJ官方apps (需要用佢睇即時排隊時間 + 抽USJ整理券, 請預先開定account)
7. 下載Twitter (睇即時USJ突發資訊)
8. 下載Line通訊軟件 (向日本妹日本仔抄牌用)

提款指南
園內只有2部提款機, 但有機會拎唔到錢
強烈建議出發前撳定錢
如果唔記得咗, 入園前隔離有間lawson可以用銀聯提款卡撳錢 (手續費好低, 同7仔一樣, 但事前需要開啟海外提款功能)

信用卡指南
園内現時可以使用 VISA、MasterCard、JCB、AMEX、AEON Card、Diners Club、Discover信用卡, 銀聯卡, Alipay進行付費

現時USJ有10大園區, 主要園區名稱及基本機動遊戲包括:-
1. SUPER MARIO WORLD園區 (主要機動遊戲: Mario kart 古巴之挑戰書, yoshi冒險, 能量手環的挑戰)
2. 哈你波凸園區 (主要機動遊戲: Forbidden journey禁忌之旅飛行, 鷹馬的飛行小型過山車)
3. minions園區 (主要機動遊戲:小小兵瘋狂乘車遊, 冰凍雷射光乘車遊)
4. Universe Wonderland園區 (小朋友+高中女子集中地) (主要機動遊戲: hellokitty夢幻蛋糕杯, 旋轉木馬, 芝麻術gogo滑板, 芝麻街小車車, 芝麻街氣球升降, 飛天史諾比)
5. Hollywood園區 (主要機動遊戲: 太空幻想列車 (如果有cool japan會變XR ride), hollywood乘車遊過山車 (向前行 & 逆轉行), 史力加4D歷險記)
6. Newyork園區 (高中女子自拍聖地) (主要機動遊戲: 蜘蛛俠4K3d, terminator 3D)
7. San Francisco園區 (主要表演: 浴火赤子情 (睇火災救火, 女士個妝會熱溶)
8. 侏羅記公園園區 (主要機動遊戲: 飛天翼龍, 侏羅記乘船遊 (會濕水))
9. 大白鯊園區 (主要機動遊戲: 大白鯊)
10. 水上世界園區 (主要表演: 水世界 (睇水上特技, 坐前排會被水淋濕)

機動遊戲指南2023板本 (日文)
https://castel.jp/p/2681

另外, 每年春季至夏季會舉辦COOL JAPAN ,
每年萬聖節會舉辨萬聖節活動,
每年聖誕節會有聖誕節慶祝活動,
以上日子會有額外機動遊戲或表演

今年COOL JAPAN 2023包括
叮噹XR RIDE室內過山車 (2月23日開始, 太空幻想列車改裝而成, 室內過山車路線有不同, 遊玩時需配戴VR眼鏡)
SPY X FAMILY極秘任務 (2月17日開始, 會於指定位置派發任務書, 完成後可以影Cosplay相, 非合照)
名探偵柯南 the escape (已開始, 大型館內解謎逃出遊戲, 需要2人以上組隊合作, 需手持園內提供的IPAD進行遊戲)
monster hunter XR walk (VR專用機器遊戲, 遊玩時需配戴VR眼鏡及VR背包)
咒術迥戰 4D 表演
NO LIMIT 大型巡遊表演 (包括MARIO 及首次登場的比卡超)

另外萬聖節主要遊戲包括
生化危機 the extreme+ (生存逃出遊戲, 需要拎槍殺喪屍)
鬼娃儀式
貞子
福爾摩斯
娃鬼喪屍亦都會隨時起USJ園內出沒, 周圍嚇人

聖誕節會有超巨型聖誕樹, 天使唱聖詩大型演唱煙花表演

乃木坂飯 2023-04-28 23:31:53

Q & A (UPDATED AT 28-4-2023)

Q: 什麼是Universal Express Pass (簡稱Fast Pass)
A: Fast pass係一張可以進入快捷輪候隊伍的機動遊戲券(幾乎不需排隊, 多人同時使用時可能需要排5-15分鐘), 需要額外付款購買, Fast pass分別有 Express Pass 4, Express Pass 7及Express Pass Premium, EP4包含4個遊戲的機動遊戲券, EP7包含7個遊戲的機動遊戲券, EP4同EP7各有幾款不同遊戲組合包, 而Premium則包含所有遊戲的機動遊戲券, 價錢上Premium最貴, 而EP7亦會比EP4昂貴。部份EP4, 部份EP7及Premium會附送哈利波凸或Mario land的入場整理券, 可以確定進入這2個園區(下面會再詳細講解整理券), 詳情可以去英文及日本官網查閱。

Q: 第一次去需要購買FAST PASS嗎?
A: 如果你是第一次去USJ, 經濟能力許可嘅話, 強烈建議你買 Express Pass 7, 體驗上會較好, 減少排隊時間,體力消耗上無咁攰.

Q: 如果無錢買FAST PASS, 會唔會玩唔到好多遊戲? 會唔會有好大影響?
A: Fast Pass等如有錢人玩法, 但窮遊亦都有「窮遊既玩法」, 只係體力消耗上比較大, 但一樣可以玩到好多遊戲, 甚至都可以玩晒所有遊戲 (下面會再講解「窮遊」既玩法)

Q: 邊度購買FAST PASS?
A: 建議第一選擇去日本官網購買, 因為日本官網可以購買所有種類的Fast Pass(FP)及VIP, 而且可以自行選擇timeslot, 但有機會在日本官網購買FP時無法使用香港信用卡付款 (有機率性封鎖盜刷). 如果無法使用信用卡付款, 可以考慮使用市面上的日本代付服務, 找人幫你去日本便利店代付,

第二選擇係用英文官網, 英文官網的fastpass種類選擇較少, 但也可以自行選擇timeslot, 如果使用IOS上英文官網則會自動以APPLE PAY付款, 其他方式上英文官網則會使用信用卡付款.

最後選擇是Klook或KKDAY, 這2個是USJ認可的代理, 在這2個代理購買的FP是由日本官網系統直出, 但由於經電腦系統代購, 則無法自行選擇timeslot, 如購買2個或以上FP, 有可能會分派2張不一樣timeslot的FP, 購買後無法更改亦不能退款, 請注意

Q: 什麼是整理券?
A: USJ內有2個園區(哈利波凸及Mario land), 設定上如果入園人數眾多的時候, USJ會在這2個園區實施封區人流管制, 需要使用整理券才可進入, 現時, 哈利波凸已經好多年不會再封區 (唔知點解仲保留依個設定), 只剩Mario land園區會有封區情況出現, 根據2023年的情況, 基本上Mario land每日都會實施封區。如果園內人數變少, Mario land園區有機率性會在傍晚時份解封變成自由出入，則不需要整理券進入 (這個情況在2023年4月份平日出現過)

Q: 如何能獲取整理券?
A: 有２種方法可以獲取整理券。
1) 付款的話, 購買部份EP4或EP7會附送哈利波凸及/或Mario land 的整理券, 可於指定時間進入園區(注:哈利波凸整理券形同虛設)

2) 不想付款的話, 每天早上USJ開園後會派發一定數量的免費整理券, 可在當日使用，派完即止, 可經USJ APPS或到USJ園內中間湖口領取免費的整理券, 經USJ APPS的話, 需要掃抽入場門票的QR Code後才可以取得, 中間湖口右邊有發券機則可領取實體的免費整理券, 入場人數眾多的日子一般9:30am至10:00am派完, 入場人數較少的日子一般12:00pm至1:00pm派完。當整理券派發完畢後，便會進入第二階段的抽選程序, 可用USJ APPS進行抽飛, 但由於能抽選整理券的數量極少, 基本上可以無視抽選。想拎免費的整理券就一定要早上入園拎。

Q: USJ會提早開園嗎?
A: 會, USJ官網上顯示的營業時間並非實際的開門時間, 一般會比官網寫的時間早15分鐘至120分鐘開門. 例如官網寫當日營業時間9:00am ~ 10:00pm, 開門時間則有機會是7:00am ~ 8:45am (2023年暫時未試過會早過7:00am開門), 可以上Twitter search "USJ", "ユニバ”, "#USJ", "#ユニバ”這4個搜尋字眼, twitter有幾個相關的usj bot會每天預測開園時間, 更可以查看當日閘口情況 (因為實會有人影相放上Twitter), 亦可以於連登問其他手足.

Q: 什麼是Early entry (アーリーパークイン)券?
A: Early entry是能夠在實際的開門時間再早15分鐘至30分鐘優先進入園區, 例如官網寫當日營業時間9:00am ~ 10:00pm, 假如實際的開門時間是7:30am, Early entry則可以7:00am或715am優先進入園區, Early entry需要經klook或kkday這類旅行代理才能購買, 無法在官網上購買, Early entry亦會提供超連結, 預早通知你優先進入園區的時間. 但Early entry必須在優先進入園區的時間前使用, 如果遲到, Early entry的閘口會關閉, 而且無法退款, 只適合能夠極早起身的農夫使用.

Q: 什麼是VIP導賞團?
A: VIP導賞團是一個有日本導遊帶領的付費導賞團, 需要額外付款, VIP團可以享受lounge(有小食), 並有導遊以日文講解園內細節同特點, 導遊更會帶領團友經員工通道體驗機動遊戲, 不需排隊. VIP有4種, 1)小型mario vip團, 2)小型mario團(小朋友向), 3) 5小時VIP團, 4) 8小時VIP團體, 只有日本官網可查詢詳情.

Q: 什麼遊戲最熱門?
A: 根據現時2023年的情況, Cool japan 叮噹XR ride最人氣 (平均排隊時間120-240分鐘), 然後是Mario的古巴賽車(平均80~160分鐘), 飛天翼龍(平均70~180分鐘), 哈你波特禁忌之旅飛行(自從ps5隻game出左之後多番人玩,平均60~180分鐘), 鷹馬的飛行小型過山車 (平均60~80分鐘), hollywood過山車 (平均50~70分鐘)

Q: 有沒有一些遊戲必須買額外的飛才能玩?
A: 有, 柯南the escape及monster hunter VR, 這2個遊戲必須要額外買飛才能玩, 部份少人的日子可以在當日早上仍會有少許即日飛可以購買.

Q: 如果無錢買FASTPASS, 但又想玩最多既遊戲, 可以點樣做?
A: 除日本假期或特別日子外, 基本上頭2個鐘同尾果2個鐘係最少人排隊的時間, 這2個Timezone可以令你需要排太耐隊就可以玩到熱門遊戲, 亦都係唔需要比錢買fast pass玩mario園區既關鍵策略, 可以參考下面的過去排隊時間表, 你會睇到頭尾2個鐘的排隊時間係特別少, 所以要好好把握這2個Timezone.

建議勁勁勁早起身做農夫, 730am~800am到USJ閘口排隊, 進入園區之後, 用APPS領取mario整理券, 然後優先第一個遊戲玩叮噹XR ride (因為這個排隊最耐, 所以利用頭2個鐘玩左依個game先), 再根據進入mario land整理卷的入場時間, 攝入相應排隊時間的遊戲, 一般中午會係熱門遊戲排隊最長既時間, 這段時間可以選擇次熱門既遊戲 (例如大白鯊, 侏羅記承船遊, minions, 蜘蛛俠等等), 然後傍晚時間再開始排熱門遊戲,最後閉園前2小時, 大部份日本人都好守時去食飯, 旅行團遊客亦會去退稅, 尾段2個鐘大部分遊戲既排隊時間會再大大減少, 有時候可以直入, 可以選擇玩哈利波凸, 飛天翼龍, hollywood等等, 甚至二刷.

僅記頭尾2個鐘請你開盡turbo, 睇住USJ apps的排隊時間, 玩完一個game盡快跑去另一個game繼續玩, 有可能2小時內玩3-5個遊戲.

Q: 有沒有方法可以睇到過去排隊時間紀錄?
A: 有, 請上依個網址. https://usjreal.asumirai.info/index.html
依個網可以睇到一年既紀錄, 以便安排自己既排隊時間流程

乃木坂飯 2023-04-28 23:39:12

最新EVENT:-
マジカル・クリーチャーズ・エンカウンター～魔法生物との出会い～
哈你波凸與魔法生物的邂逅