有冇十幾二十年前嘅年輕人講吓千禧年代係點

https://youtu.be/JULGHyfp3YA

最近迷上咗Y2K年代嘅廣東歌
咁啱睇到哩個男孩像你嘅MV, 應該係2007年嘅大學group project?

睇完覺得好微妙，2007年話近唔近，話遠唔遠
片入面嘅學生好似偏日系，幾有年代感

到底2000s同而家分別大唔大，科技嘅變化大唔大？
當時嘅年輕人係咪同而家嘅年輕人嘅生活差唔多？

前排睇孤疑，見到主角用iphone,又覺得2009年好似同而家都唔算有好大分別

以為無咁多咁泛濫既資訊，做一條mv無咁多電腦後期製作，反而睇到以前既作品係用心啲，包括點解tvb以前電視機劇好睇過依家咁多，因為無手機，娛樂大部分時間都係睇電視，自然唔會粗製濫造。
而家隨便開youtube就乜資訊都睇到，資源都係飯來張口，禁個制就搵到，睇畫質又靚，又點會珍惜而家咁容易得到既野。

以前物質享受唔多，相反精神上容易滿足。
而家物質過於豐盛，精神上越來越被忽視。

就講反以前我地點識男仔女仔，邊有速食文化，無交友apps見面岩就上去爆房呢啲野，以前要識一個人到拍拖，朋友搭朋友識，或者打onile game 識，用msn icq通訊軟件傾計，到交換電話，到約出嚟行街，到拍拖都要過五關斬六將，但依個過程好回味，即使追唔追到對方，以前打固網電話好貴，無whatsapp咁方便，傾電話每句都會好珍惜，加上以前拍拖真係單純好多，點樣好似拍拖前問你有無車同樓先，你問我有無好似首MV入面既情節既初戀感覺，以前會有，但依家後生果班好難有，太多誘惑。

以前d女著得冇咁色色
而家色彩鮮艷好多坦胸露背逼你望咁

以前手機Sony Ericsson 最受歡迎
推機摺機好多花款
喺學校枱底覆msg 唔使望住打字
好多時同台先做到frd 因為send msg唔使錢
好多女都鐘意吹K
Xanga追post放負
MSN震9人玩閃字
組隊去網吧玩信長l4d喊到拆天
千千動聽學歌詞
好多唔同mp3機仔
大大隻usb 帶返學插學校嘅speaker成班聽
返學拉條耳機線入冷衫托頭聽歌
iPod classic同iPod shuffle

色色係因為e加韓系 以前日系

你可以睇下四葉碰上劍尖時

我覺得同當年大學生活差唔多感覺

https://www.youtube.com/watch?v=oCaXY34wojw

果期興台劇，之後過就少女時代殺曬，香港都已經少偶像派

2014年傘運 轉個眼就十年，時間過得好快

互聯網未興起 d人無咁奸無咁多野諗

大把人呃點數 呃蝦條

https://www.youtube.com/watch?v=j-UqpaYdqmQ
https://www.youtube.com/watch?v=XAlie9LAy0g
https://www.youtube.com/watch?v=bOdk8VP5jto

雖然你放響感情台但我一個毒撚無經歷唔答, 而10年時間既變化, 科技我可以話好大轉變, 現實我知道既, 可能係00年仲有人唱K, 03年沙士後全部收皮?

首先係踏入00年之前既90年代, 仲用緊定額儲值車飛, 用緊撥輪電話, 家陣啲後生聽到撥個輪應該R頭, 同埋係用傳呼機, 電器就厚電視, CD+錄音帶+收音機三合一之類, 打邊爐仲要入氣, 手提遊戲機唔一定係GAMEBOY, 講緊有啲匙扣款得1隻GAME既, PC唔係家家戶戶會有, 386+大碟都係新奇玩意, 56K上網要俾花生,

去到千禧年代頭, 全面用晒八達通, 固網電話仲有人用, 有幾年仲要流行用無線款, 傳呼機得返部份群體用, 手提電話普及, 為咗SMS仲要揀部支持中文顯示既, 電視應該都仲係厚, CD唔能夠話淘汰, 家陣都仲有賣, 但出街IPOD01年開始賣, 電磁爐普及唔肯定幾時, 手提遊戲機由當初GBC玩PKM到後來變咗PSP打MH先係主流, PC咩D2就係00年既遊戲, 開始講單核時脈多過1GHZ既Pentium3, 由56K上網變成全幢樓共享無取消唔到既有線寬頻,

其他唔講, 短短10年間, 手提電話由有天線, 黑白有背光到智能電話, 雖然IPHONE早出, 又有NOKIA MOTO鍵盤機, 但三星入場講緊2010, 早年講SMS, 但網友係用ICQ, 台灣係YAHOO即時通, 後來係MSN, 由厚電視變到天價等離子再到後來LCD, 由網上行56K到有線寬頻然後HKBN光纖入屋, 全部都係10年間爆發式發生, 所以你睇相會咁大差異,

2023年又望返轉頭, 感覺智能電話仍然係咁, 都係小修小補, 條邊窄咗, 額頭下爬無咗, 單鏡頭變3/4鏡頭, 由祖傳500萬像到2億, 3G到5G, LCD到OLED, MSN都收埋皮變咗用RC/LINE, 而家係TG/DC, 電視開始講智能, 無邊框, PC已經發展到8核6G+16小核定點, 上網除咗1000MX2仲講緊WIFI, 由10年前802.11N到而家咩AC, AX, BE, 分唔清,

聽過一個名詞叫科技奇點, 有人話加快緊, 有人話變慢會進入科研黑暗時期, 其實我地只係經歷咗一段無到有既過程, 例如由無電到有電, 有別於由船到飛機, 例如互聯網提速同3G行動通訊係由無到有, 短短十年間爆晒出嚟所以好大分別既感覺, 就好比70-80年代, 由風扇+黑白電視到冷氣+彩色電視, 用過後者返唔到轉頭, 但有前者其實已經唔太差, 再往前數咩戰後, 連煮食爐都仲用緊火水, 莫講話電器

我初戀都係icq識
傾左好耐先約到出嚟

2010年前都仲好多人唱k
08 09咁上下約女出嚟有時都係唱k，仲要等位

我覺得咩歲數嘅人都愈黎愈冇耐性睇長片
可能因為大家每日慣咗喺唔同平台睇幾十秒至一分鐘嘅廢片
又或者慣咗網上飛住睇一套戲/玩住電話睇戲
對短片嘅質素愈黎愈低要求

入得嚟都係死老鬼

SE係有錢既中學雞先熱門, 不論早期T系列或者後來K同W系列, 但老牌子點都係數NOKIA, 而窮學生一律買韓仔貨, 另外IRIVER都係韓仔貨, 好嘢嚟,
XANGA我自己無用但我會上無名小站, 但印象已經係00年代既尾, 唔係頭,
我去網吧講緊00-02年左右? 啲人係玩CS, CT仲未有盾, 信長同L4D我都無經歷過, 同期我應該玩緊魔獸世界多, MSN同M群流行都差不多講緊00年代既尾, 但係咩震鳩人閃字都無, 我係同朋友一齊開個扭扭炸彈玩既多,
千千動聽又係太新, 初代網民應該用WINAMP+WINMX,
雖然你講緊既都真係千禧年代但都太新, 近乎係有線網絡+PC末期, 移動網絡+智能電話既前期, 但如果講09年做切入點, 09年同而家, 其實分別都好大

但00年代頭講緊有活力, 前衛定乜鬼, 山頭林立, 要拎住本雜誌搵歌單同優惠券之類, 同埋唔知點解唱歌都話要入會, 所以又要夾下去邊間好麻煩,
沙士後除咗兩大其他都執柒晒, 去到10年前, 都真係沒落或者睇唔到未來, 嗰時約朋友係會去, 但叫做開間房用嚟睇波打機多過唱歌, 後來陳法拉嫁俾太子爺, 收購埋加州紅, 風頭一時無兩, 然後咪無然後囉,

ICQ同online game係咪都有人用嚟食女
交友app真係連結咗好多現實差好遠，唔同背景嘅人

以前好似健康性感啲
而家好似露多咗

其實老師個位睇唔睇到學生枱底覆msg
網吧雜唔雜，會唔會有不良少年踢人入會
xanga同ig係咪差唔多功能，點解網上日誌會收咗皮

注意看, 這個男人太狠了, 其實劣既唔關短片事, 短片都可以好正, 例如初代Vine玩家zach king就好正, 當你不斷睇廢片, 佢咪又不斷feed俾你, 又例如廢片top3一定要有既美國慌了, 我拎過我屋企人部機嚟碌, 每5-8條就有一段哩啲東升西降片, 全部都係大數據嚟, 所以唔一定係平台無資源, 只係判斷唔適合你

啱啱睇咗少少片段
呢套劇係反映咗大部分當年嘅年輕人生活
定係會偏向離地中產嘅年輕人生活