一手居屋/綠置居/首置盤討論 - 1

如果老婆要刪埋名，點會拖到今日

無問題呀 但第一句話何來綠表資格

我意思係佢應該唔係講緊佢老婆，係借外家quota

佢想做咩個個都知

我都同意呀，成日話鄺球個case係漏洞，你諗吓如果唔俾佢買，佢兩公婆刪戶走，啲仔再申請轉戶主，又可以留番間公屋，但賺唔到佢200幾萬課金。

其實公屋要流轉直頭子女21 歲後要分戶除名先得

黎緊好似有白田同鑽石山有冇CHING都想抽

仲有冇鑽石山

岩岩買左新一手居屋，2024年尾先要做按揭，但上年年頭搵銀行做左條結餘轉戶貸款。 由而家到2024年尾呢1年半時間我可以做啲咩增加到時獲批按揭機會？

比多些少資料：
-由上年年頭申請左條結餘轉戶貸款後都無再申請/了解任何貸款
-條貸款2027年先完
-上年尾同一間銀行個相熟經理打過來問我想唔想將而家呢條貸款月供數減輕，但我冇理佢
-層居屋落左我同老婆2個人名做業主
-現時唔夠錢一筆過還哂呢條貸款，要月月供先得

邊度話仲有

https://www.hb.gov.hk/tc/publications/housing/public/phpf/Attachment1tc.pdf

自己睇政府嘅預測建屋資料，唔好靠人、聽講

根據財經台嘅借錢PO,想執靚tu有以下方法：

- 信用卡唔好只還min pay,每個月還多少少
- 循環貸款盡早清哂，最傷Tu
- 二線財仔盡快還清
- 普通私人貸款順供就得
- 唔好亂申請信用卡、貸款，比資料問下都唔得，因為每次都會影響Tu
- 如果已經還清所有欠款，每個月用信用卡，準時還款，慢慢會升返；想升得快，可以去銀行或一線財仔借一筆一兩萬貸款，分6個月還，順供

我應唔應該隔幾個月就搵環聯付費check下TU?

其實呢個LIST係必定順住落???

你指綠置啟鑽，居屋啟翔嗰啲？
應該收樓前會有啲撻訂單位，放去新居屋、新綠置一齊賣

好似有年費plan,我唔肯定
不過查自己係唔影響Tu記錄

估唔到咁多人回應, 唔係成有時間睇所以有時會覆我好慢..
但都多謝大家先...

講返而家我個CASE先..
本人有樓啦, 細細地夠兩個人住..我自己就未享受過政府D資助房屋果D..

老婆公屋出身..3人家庭, 兩老 62 & 65..
點解之前唔刪名係因為怕刪左名之後佢兩老間屋會由4人公屋搬去2人公屋..
所以就一齊由佢..

咁黎緊計劃有小朋友, 原本就想兩家人住近D大家有個照應..
因為而家住緊康城 (層樓得我個名), 但佢兩老就元朗..

原本以為可以用老婆屋企綠表再平平地抽間3房居屋...
但睇返大家討論好似一定要計埋我入去..

咁就順其自然算...

世界上邊會有必定嘅嘢？
例如朗邊因為地底而要延長施工期，起樓嗰陣先知嘛

又好似房協安達臣，冧天秤搞到要延期喇

睇個list只係自己有預算，清楚過睇其他媒體懶人包

過左60歲唔會要你換樓 可以放心除名
然後可以照計劃抽居屋 完

全部成員65以上都唔駛搬細單位
而佢哋兩個有人過60，用綠長抽居屋/綠置係最簡單
有能力嘅，用綠表價買二手居屋算啦，簡單方便又多選擇

哎呀，你哋行錯路喇
應該直接用綠長抽綠置居2022嘅油塘，好大機會買到一房，好彩嘅有兩房

果時都未計劃要小朋友..

想問下綠表價買二手居屋呢個OPTION..
係咪即係可以用未補地價既價錢黎買居屋咁解?

1. 如果係呢個情況係咪都要我老婆除名先?
2. 之後去政府申請購買資格證明書
3. 然後係市場上搵到岩心水就OK?
4. 但係如果揀岩想買係咪無得用我老婆個名, 就一定淨係佢兩老個名ONLY? 要補返地價先轉到名俾我老婆?
5. 佢兩老都無做野, 按揭果度又做唔到..層樓老婆無名做唔做到按揭?

好多問題

我所知道係市場上睇啱盤，再去房署申請購買證（好似7-10日就得）

按揭方面，未夠25年仲有房署擔保（不過20年以上做唔到九成按揭，供25年），兩老收入來源可以係仔女比嘅家用

你老婆要唔要除名呢樣真係唔清楚，等相熟人士答，或者你問返房署（唔好信管理處職員仔，好多係外判嘅管理公司職員，唔熟又亂答）

你老婆除名
兩老用綠表抽咪得

只要間屋一日有過六十既人，都唔會趕你走

房署簡稱一覽表，新手可以睇睇，其實知道計劃全名，就會減少好多不必要嘅誤會

簡稱一覽表
公共租住房屋 公屋
白表居屋第二市場計劃 白居二
未補價資助出售房屋-出租計劃 出租計劃
居者有其屋計劃 居屋
香港房屋委員會 房委會
香港房屋協會 房協
租者置其屋計劃 租置計劃 (多數人會叫租置公屋）
綠表置居計劃 綠置居
綠色建築環境評估 綠建環評

房委會公屋 60歲就唔使搬，房協嗰20條邨要65。