一手居屋/綠置居/首置盤討論 - 1

抽唔中唔可以結婚

想問下老婆係綠表核心家庭，想用綠表抽居屋


問題係綠表核心家庭係咪都要做資產審查？
如果要既係咪可以唔落我名？咁就唔洗查我？

睇過白表個入息，因為要審查埋我既話就一定過限額

綠表之前唔駛查入息，詳情請睇鄺生個case,之後有冇改冇人知

Btw,綠表冇分核唔核心家庭

唔該晒，咁要快d搞搞佢

多口問句，你出錢買樓，同老婆冚家一齊住？關係咁好？

唔計房協，市區盤多數得兩房，冇長者最多得一房，夠住？定係全家住大西北？

而家同老婆兩個外面住緊，plan 緊有小朋友又想要大間d…

諗住抽下三房居屋，然後再另外租返間近少少既俾佢爸爸媽媽..

如果你兩夫妻過66000而抽唔到居屋，不如考慮首置盤啦，今年有煥然二期，但數量唔多

若然其中一方可以減少少收入而合資格，直接白核抽居屋啦，三房居屋唔係咁易，到時養小朋友，又要供樓，再租樓比老婆娘家，有能力做到，你買咗私樓啦

又或者直接拎間公屋，綠表價買二手，咁就大量市區三房任揀

我就係有樓係手，但想住近d先諗住另外租俾兩老..

你有樓喺手，你老婆都抽唔到居屋喎

想問下
我係單身人士冇排公屋
家姐係傷殘人士單人排緊公屋，之前有收過要唔要特快公屋

我同佢點樣抽會大啲機率？

排公屋/房協居屋/白居二就兩個一齊，家庭隊配額多啲

抽房委會居屋就分開，因為兩姊弟會去咗白表非核心家庭，過去幾屆都冇機會揀樓

你家姐排咗公屋幾耐？如果已經通過上樓前入息審查，可以申請綠表資格買二手樓/抽綠置居
或者直接要個特快單位，幾年後再買樓

「老婆係綠表核心家庭」？意思係咪老婆同佢父母係公屋住戶？你有樓所以無加名落公屋？

「公屋」嘅綠表戶可以抽。

首先要佢老婆除名，再佢老婆兩老自己抽綠家

應該可以抽到先除名

佢本身結咗婚冇更新戶籍資料，直接申請綠置居就已經可以DQ了
結婚同戶籍下其他住戶唔同，唔可以抽到先除名

原來係咁

如果老婆公屋除咗名，又何來“綠表”資格？

現時綠表係要求公屋已婚住戶，要連同未加名入戶籍配偶一齊申請。

有私樓仲可以，但層樓係資助屋屋就唔得。

佢想用佢外父外母個quota呀

公屋住戶結咗婚但申請表申報未婚，捉到會DQ仲可能告埋佢虛報。如果佢報正已婚但配偶無係申請表上，邨辦會搵返個住戶叫佢一係佢自己刪戶，一係加埋佢配偶入申請表。

除咗，原來本間公屋得一個人戶籍嗰啲要係揀樓前加戶，其他係唔使加戶入公屋。

你應該撈亂咗白表居屋啲規矩啦。

你講嘅嘢同我講嘅嘢應該冇分別，一係加佢名一係除佢老婆名，先再申請綠置居
抽到先除名係綠表資格用白表玩法先做到，即係居屋

上次首置盤係咁

申請資格
—未曾在香港擁有任何物業
—年滿18歲
—香港永久性居民，須在香港居住滿7年
—申請人入息限額：介乎居屋白表申請者的入息和資產限額至該限額加三成

有咩問題？
就係用個quota等佢早啲交返公屋出嚟。
用返呢個case例，唔俾佢唔買咪等兩老幾十年後百年歸老間公屋至收到，即係隨時仲要資助多佢幾十年。
俾佢買早啲收返間公屋，仲可以要佢課金多幾百萬俾房委會起公屋，何樂而不為？