一手居屋/綠置居/首置盤討論 - 1

居屋無名，但有雙親名買落，子女如無享受過資助房屋福利
繼承時駛唔駛補地價？

點解唔google呢

未補地價居屋的繼承條件

假如居屋戶主年老過身時，子女並未持有物業或只持有私人物業，那麼子女就可以無條件繼承該居屋單位而不需要通過入息審查，因為在手續上，他/她並不是購買而是承繼，所以不需要接受資產審查。

相反，若果當時子女已持有居屋，則不能再承繼另一個居屋單位，因為政府規定不能同時持有兩個居屋物業，因此子女需要將其中一間居屋售予居屋第二市場的人士。

題外話 有關第二段
“相反，若果當時子女已持有居屋，則不能再承繼另一個居屋單位，因為政府規定不能同時持有兩個居屋物業，因此子女需要將其中一間居屋售予居屋第二市場的人士。”

問過1823職員 同埋居屋辦事處職員
兩邊都話繼承遺產可以無視double benefit 問題
只要有遺囑 即使係未補地價居屋屋主 都可以免補地價承繼居屋遺產

究竟邊樣先真

想問問年過八十既外婆有一人公屋
（1）我係十八歲以上，零收入，但係咪因為只係外孫，公屋點都冇得加我名？
（2）如果冇得加名既情況下，係咪得返綠表居屋同綠置居兩條路？係咪冇機買兩房單位？

「天倫樂加戶計劃」好似只可以加子女，你自己再去睇睇

一人公屋戶無論幾多歲，都係排單人隊
想要兩房可以買二手

二手係咪指白居二？

如果交返間公屋出嚟，唔駛抽白居二，去地產舖睇啱單位，再去房署申請購買證就得，但要留意按揭年期

你冇公屋又想買二手，就可以抽白居二，抽中咗再申請購買證先去揀樓，有效期一年

住私樓，1家4口，父母加2兄弟，如果2兄弟一齊用白表抽居民係咪好難抽中？

抽房協或者白居二冇問題
抽房委會新居屋變咗白表非核心家庭，過去幾次嘅揀樓機會係0，拆兩張單人隊機會仲大

詳情爬文或者google白非核

我自己過左入息limit
我細老排白表單人係咪機會極細？

過居屋入息，可以考慮首置上車盤
今年有煥然二期，其他都陸續起緊

細佬買樓就等佢自己諗啦，陣間佢女友/老婆嫌棄你嘅決定呀

今次 google 錯，遺產繼承真係大哂，繼承者有無資助房屋業權唔影響繼承。

如果自己有一間居屋，阿爺死嗰陣立遺囑比間居屋佢，父母死嗰陣又比埋佢，咪可以一個人有3間
人生贏家

山麗世一

係，只有人肯送俾你，你收幾多間都得

首置盤 我自己月入過咗4萬2
兩老退晒休 連埋佢哋一齊申請又唔夠月入6萬
係咪可以放棄考慮煥然懿居？

等佢今次正式公佈入息限額再決定啦

會唔會抽一世都抽唔到

我聽一個講法係
如果佢本身有一間未補租置/居屋
要收另一間未補既屋時
佢只能用遺產承辦人去處理
一係賣左佢，或者賣左你手上果間先得

綠表係咪要放棄現有公屋？

其實一直用遺產管理人既資格去管理
唔將個遺產轉名咁樣係咪可以一直擁有落去?