一手居屋/綠置居/首置盤討論 - 1

祖父母+孫可以用白長，因為祖父母本身係核心家庭

祖父+孫，中間嗰代死哂都可以用白長

佢呢個情況，祖父母未離婚，因為夫婦要一齊申請，其中一個有物業，所以唔駛玩

除非佢祖父母將層樓轉比佢或其他子孫，甩名兩年後，祖父母自己申請白長就得

可唔可以用老母名白表去抽單人居屋，我冇名但我供得唔得？

可以,但如果你有其他兄弟姊妹,就要小心日後爭產,最好寫定平安紙之類

而你老母做咗業主,未來用唔到政府部份福利
補充埋，就算你老母過咗60歲，長者單人抽居屋都係單人隊

老母70幾會唔會影響按揭

個底唔花就冇影響，到時同銀行講返係仔女供款就得

未必做得足25年

係咪用99減歲數？

滙豐就100減歲數，恆生就99減歲數，中銀無限制。

佢話阿爺十年前「賣左間居屋」換樓，賣左阿爺就轉唔到業權 & 成為「居屋前業主」，咁阿爺同咩人一齊申請都會 DQ 。

小弟想問下宜家屋企爸 媽 我 2位阿妹住公屋 因有少少積蓄同成家需要 黎緊都想購買居屋 係咪應該填寫白表。另外聽朋友話單人申請好似成功率較低，很少單位係for 單人申請，應如何申請成功率大D？ 如果想買大少少單位 係咪應該同家庭成員聯名（例如阿妹）？ 麻煩大家 謝謝！

居屋2022係咁樣，日後有冇改玩法要睇條文

揀樓次序：
- 清拆戶
- 長者隊2700個 (即係長者隊入面，2700個家庭可以買，買完就停，如果綠表長者用唔哂1080個配額(2700 x 40%)，會比白長揀，相反亦然，不過冇乜可能發生)，所以唔係排到長者隊就一定有樓揀
- 家庭隊：綠表家庭冇分核唔核，亦唔係睇家庭人數分先後；白表分核心家庭 (白核)同非核心家庭 (白非核)，白核揀完到白非核
- 單人900個：當剩低900個單位時，家庭隊會暫停，轉由單人隊揀樓
( 同樣：如果綠單用唔哂配額，會比白單，相反亦然，不過冇乜可能發生)
- 如果全部單人隊揀哂，都未賣完單位，就會去返家庭隊繼續揀


如果你同姊妹抽白表，會成為非核心家庭，近幾次嘅揀樓機會係0
而居屋2022有540個配額比白單，最後去到8xx都有樓揀

想買大啲單位可以抽白居二，或者全家拎間公屋去抽綠表

Wow!!!!先多謝C兄 我慢慢睇睇學下先！ 感覺好多功課要做

房委會有分係咪核心，房協就冇分嘅
不過都要考慮清楚日後兩姊妹分家點算

理想就係賣樓賺幾球轉私樓，但而家樓花期+禁售期長，中間呢幾年可以好多變數

收唔收到風煥然二居幾時推

只係知2023咋，熱切期待中

好似一世人只可以有一次福利
如果佢係曾經有居屋既業主
即時賣左都唔可以再抽

成功出售居屋單位的業主及其配偶不能再參加房委會轄下的任何房屋資助計劃 (包括公共房屋、居者有其屋計劃、私人機構參建居屋計劃、置業資助貸款計劃、居屋第二市場計劃、租者置其屋計劃) 及房屋協會轄下的任何房屋資助計劃。

係，你哋啱
我睇漏咗當年係居屋換樓，以為一直係私樓

有無人知近年夾屋係咪有房協擔保，可以唔駛過壓測？
例如翠嶺峰果類？

另外一問，白表入面，業主無公居屋，但住戶曾經甩左名居屋，係咪都唔可以夾埋一張表抽？

房協嗰啲而家叫「資助房屋出售項目」，冇擔保，要過壓測

有擔保嗰啲係房委會，清水樓嚟嘅

如果個住戶係申請人（業主）配偶唔得
或者長者隊個長者都唔得