一手居屋/綠置居/首置盤討論 - 1

私人支票,邊個開都得 (唔可以用公司支票)
如果冇支票戶口,可以用銀行本票搞掂哂

感謝感謝🙏🏼

私人參建⋯⋯係咪無左聲氣？

舊年11月有提過，之後我冇留意

https://www.news.gov.hk/chi/2022/11/20221107/20221107_191518_521.html

第八，我們希望可以善用市場力量，提升公私營協作。我們會推出全新的私人參建資助房屋計劃 （私人發展商參與興建資助房屋先導計劃），希望約於2023年第一季再提供一些詳細的政策框架跟大家分享。在這個計劃下，我們有兩類（方案），第一類，我們會於下個財政年度，即2023至24財政年度分批推出三幅土地，讓私人發展商透過投標興建資助房屋單位，以指定折扣賣出。第二類是私人發展商本身有土地，如果他願意做改劃的申請，在補地價方面可能有一些優惠，亦要以折扣售出單位。

另外新世界喺元朗，玩漸進式供款嗰個，有冇新消息？

宜家已經第二季

睇完新聞透視
見到D人睇完，又跟風鼓吹要收緊呢樣限制果樣，真係覺得好悲哀
一來清水放盤唔係真係好多，但傳媒影左幾個出黎，就講到好似大部分都係清水咁
二來居屋之所以賺錢，係因為同私樓價錢爭太遠，一手居屋賣太貴市民又上唔到車，加大折扣率變左同私樓中間有差價，變左賺多左錢，但賺多左錢都唔係壞事，唔賺錢點有錢換私樓呢？
三來加大限制只會令二手新居屋市場供應更少，價格只會被推高，應該要諗既係點樣加大供應令價錢更合理

BTW，地都未賣，私人參建睇黎都要2030後

23年2月22日新聞公佈有提過

https://www.info.gov.hk/gia/general/202302/22/P2023022200319.htm#:~:text=行政長官在二○二,售予合資格人士%E3%80%82

汲取過往的經驗，政府會為先導計劃訂立一套機制，既能提供足夠的誘因鼓勵私人發展商參與興建資助房屋，同時亦可以確保單位的質素。在這個前提下，我們不打算為私人發展商興建的資助出售單位提供保證價格水平的銷售收益，亦不會回購任何未能售出的單位。我們現正循這方向制訂先導計劃的政策框架和發展參數，例如申請資格、單位折扣率、轉售限制等。另外，政府亦計劃分批推出三幅用地，以公開招標形式把用地售予私人發展商，以發展更多資助出售單位。我們會適時公布政策框架的詳情。

新世界元朗個盤好似今年起

其他就唔知搞幾耐，等首置上車盤可能仲快

個盤好似有D伏
唔知折扣同轉讓點做
反而居屋有哂現行機制

今期綠置居揀完樓幾時開始供？
係咪P按同H按都有得揀？

收樓先開始供，銀行都未幫你比錢，供乜鬼
但我建議而家實習下供樓，每個月將供樓筆錢放銀行賺下利息，到收樓嗰陣比多啲

以為有即供同建期咁揀

你估買私樓咩

第一次買
上網check 又好似無人問過

私人發展商想你早啲比錢佢起樓，所以有即供折扣

政府大把錢，唔駛靠呢啲都夠錢周轉

其實唔太關我事
只係唔想D未上車既後生仔咁慘姐

其實綠置居數量少，單位細係應該賣畀白表
居屋數量多，單位大，應該賣畀綠表
香港既居屋制度真係好得意
D野係可以錯哂

過去嘅制度就算啦，未來都唔見得好完善

大家分享下各樣資訊，等我哋呢啲真用家、自住客搵到啱自己嘅單位就已經係好事

利申：堅持白表比率要增加，因為綠表有綠置居
支持打擊濫用公屋，有物業應該全家踢走
公屋富戶要收緊或白表入息上限增加，而家太唔合理（白表家庭$66000要買私樓，公屋戶3人家庭$12萬，繼續交平租）

新手問，P 按H 按呢d 去邊睇？
我屋企人黎緊買二手居屋未補價
仲有政府擔保期7年 首期會比40%
係咪唔洗比入息都可以供到？

搵你打算幫襯嗰間銀行嘅按揭部職員直接問，而家銀行太多新人，小心問錯人

咁係咪揀左P/H 之後就無得改？

買二手居屋記得留意埋有冇改則，非法改建（開廚、廚廁對調、拆露台之類）銀行有機會唔批