［1月新番］Vinland Saga/海盜戰記/冰海戰記/農夫戰記 第二季

頭十一卷睇老翻，對唔治

thorfinn大可以走
但佢今次係為咗唔想失去重要既人而出手
同埋徒手作戰係嘗試不殺人下以達到目的

務農務咁耐先表達到依個選擇其實意義好深遠
更加令讀者會肯定佢以後都赤手空拳解決暴力
同更期待佢點樣打造一個無戰爭既樂土

屌你停起呢到

好抵死
次次都篤Thorfinn痛處

https://www.youtube.com/watch?v=jKDfCZX9H5w
King of Leftard

You are home

岩岩追post 條撚樣煩到癲
唔中意又要彈 同佢講事實又要包咬頸咁

你收收皮算啦 好肉酸

自己代入唔到就話人唔合理 沖出黎7
唔洗話代入 但要明有幾難

而且呢套邏輯完全無問題 咁有深度佢focus係d on9位度
講真合唔合理幾時輪到你講

惡過共產黨
唔鐘意都要唱好農場故事

收刀入鞘吧！凡動刀的，必死在刀下。
馬太福音 26:52

唔鍾意唔係問題
唔鍾意既理由justify唔到又柒先係問題

d配樂同個畫面襯撚到一絕

睇返你之前既reply
又同普京類比又話人不殺主義太聖人
其實你真係唔明套野講乜

果個係一個殺戮無度既世界
先講講北歐神話起源係島國政治
蓄牧同農耕都發展慢，地緣關系政治控制力弱
所以誕生左北歐神話，而北歐神話又催生出維京人

一個以殺戮搶奪為主既人文概念，與現代戰爭概念大大不同，現代戰爭本質係講緊政治對立，同經濟差異


北歐神話點解有其需要？
島國政治最明顯既弱勢就係政治控制力弱，王，領主，貴族既私兵就係佢地既權力，由於島同島之間隔住海，延伸力有限，所以治安問題一直存在，北歐神話鼓吹人與人私了，但北歐神話比純粹既私了，有一套更接近公平既法則，就係決鬥與榮譽，公平既決鬥死左可以入英靈殿，即使條友犯錯，做左偷野搶掠殺人等背德行為，只要佢通過正義既決鬥，即使死左都可以入英靈殿，咁樣逃亡既人會少，依靠群體勢力做惡事既人，都會接受決鬥，而接受決鬥，受害者為報復而發起決鬥，都係榮譽，政府管唔到就神黎管，神既果套就係公平正義既決鬥，全民都接受呢種私了，咁確實治安得到大程度既改善，係一種普遍被接受既生活形式，做壞事既人擔心報復而少做左壞事，社會認同為報仇而殺人並提供報仇場合令受害者感到保障，所以toolfinn會話唔為父報仇係屈辱，佢當時認為正當既報仇方法要通過決鬥，呢條底線就係北歐當代既人文風氣


而地處極北島國係會好窮，蓄牧講緊牧草有限並唔係所有人都可以通過蓄牧過冬，農耕技術低落土壤貧瘠亦唔係人人都可以務農，打獵依靠有限既森林與及過冬困難，所以當代既北歐人比較易既出路就係出海掠奪

掠奪本來就係背德既行為，為左要衝破心理關口，所以北歐神話大行其道，戰鬥係男兒本份，只要手握武器於戰鬥中死亡，就可以入英靈殿，奧丁既要求係你要成為一位了不起既戰士，你既私德如何無所謂，你去掠奪都冇所謂，只要夠好揪就得，被掠奪既係佢地弱小，係佢地唔好，受害者們大可以報復，前題係你有能力報復，被報復既人依然可以入英靈殿，有呢個信仰，北歐好容易就組織到大量維京人，橫掃豐饒既英國


北歐神話為北歐人帶黎財富，長足發展既航海技術，鑄造技術同武器軍事技術，你都咪話唔勁

但北歐神話有個好大既缺點，就係無道，人性既喪失，弱者得唔到保障，但呢度既弱者只係戰鬥中既弱者，並唔代表佢地係生存既弱者，所以當北歐文明發展到一定程度，就停滯不前，只有打交勁既可以留低，佢地日諗夜諗既都係打交，從農牧技商旅發展既人都係袋底泥，而偏偏呢d人先係發展文明既強者，所以響thors眼中，真正既戰士，係唔需要劍

響王子角度，代位作者講出左佢見到既問題，就係失去左愛，呢種大愛並唔係左膠大愛，不殺，扶持弱勢等等，而係好普遍，好純粹既平等，佢認為造物主既愛普及自然每一個角落每一物種身上，但人類此刻失去左愛，只見到眼前既殺戮同掠奪，除此之外當時既北歐人乜都冇，所以佢地唔快樂，唔喜樂，即使係維京人，都得不到平等，佢地既武力冇得到正確既運用，佢地既人生被戰鬥脅持，維京人同時都係王子拯救既對像

王子要透過普及王權，將王既力量展現到所見及既地方，黎普及愛，令北歐人發展殺戮以外既野，維京人既武力用於征服並維持國土，並唔係單單既搶掠，在國土內“弱者”得到保障，並得以發展，佢認為咁就係樂園

但要做到呢樣野係非常困難，之前都講過島國地緣就係先天有政治控制力弱既問，王子既行為講明d就係增加政治控制力，所以佢要非常強大既軍事力，令維京人貼服既非常強大既財力，變相佢要有非常多既豐饒土力，向國內大農主開刀都係為左維持軍事力量，但確實同佢理念相勃，所以佢父王既陰霾不斷出現，直到toolfinn響農場遇見佢



要解決北歐失去人性
並唔係只有王權普及既方法
toolfinn提出一個極為重要，令王子安心做佢既事，亦係北歐人遺忘左佢地之所以係北歐既概念

就係逃亡，亦即係遷徙
呢度講一講遷徙既概念，與北歐人對英國做緊既或者歷史上既殖民唔完全相同，殖民要壓逼原住民，搶奪原住民既權利黎達成，遷徙係講緊搵一個冇其他人既豐饒地方，或者同原住民達成互利關系咁共同生活

遷徙並唔係唔現實，係非常實際既發展方法，人類既歷史就係遷徙既歷史，唔係我地先祖偉人搵到好既定居地，我地都唔會有今日，時至今日人口膨脹，70幾億人但遷徙仍然係一個好既，可行既，好多國家及地區既人進行緊既方案，填海造地，開發荒嶺，甚至外星移民，依一刻人類都做緊，在座相信有唔少上輩都係避共產黨走難落黎先有自己


冇錯toolfinn既核心理念並唔係不殺，佢既理想並唔係不殺，不殺只係佢個人既戒律，見到戰爭，逃亡，見到天險，逃亡，見到貧瘠既地方，逃亡

逃離一切不利生活既因素，係人類既本能，反而戰鬥，並非人類既本能
bb出世，並唔識握拳打人，但遇到危險，佢係識得爬走，大喊要人帶佢走

故事後期，toolfinn有三類方案，都係逃避用既
上策係對話，通過對話達成共識，互利互存

中策係談判，通過讓利黎達成共識，後期亦達到互利互存

下策就係逃走，乜計都冇就走，死左就乜都冇，最緊要生存落黎

3種都係從根本解決問題既方案，用武力使人屈服，並唔係從根本解決問題


所以到後期亦都唔會有toolfinn明明好好打，即使佢不殺，都大可以用武力壓制唔聽話有敵意既人，先打低佢慢慢講呢d橋段，係唔會有，toolfinn由農場戰記之後起，都唔係靠不殺而服人，而係靠同自然搏鬥，同人心搏鬥，從根本解決問題既方案而行，再大既問題解決唔到，佢都會簡逃走


有d人認為逃走最後都會蝕，都係會有逃無可逃既境地，其實人類既歷史已經講出作者觀點，逃走係生存率最大，即使toolfinn最後唔能夠成功打造新樂園，即使歷史上toolfinn冇成功移民到文蘭，但逃走，遷徙既概念係最成功既方案之一，作者係想帶出呢樣野，到左現代，我地只要有呢個概念，就可以迴避，解決絕大部份問題與紛爭，唔會跌入無道冇人性既世界，你沒有敵人，作者係要透過帶出呢個被我地遺忘左既概念，逃走，遠離爭鬥，開拓足夠生活既地方，係需要有極大既勇氣，放棄擁有之物既勇氣，向未知冒險既勇氣，同自然搏鬥既勇氣，同人心搏鬥既勇氣，並唔係一個左膠大愛可以解釋


而歷史上，王子即使可以算係成功，但佢既樂園本身並唔完美，呢個王權亦都唔係千秋萬世，好快歐洲又陷入大規模戰爭之中，呢個後期作者都有個概念，就係時間會解決一切，呢一代唔能夠完全根除問題，但只要抱持理念，向好既方向行，時間會令d難題慢慢消失，令好既變得容易

結果論上王子雖然根除唔到戰爭，但失去人性既戰鬥確實少左，王子確立左政治力量一定要夠大呢樣野之後，世上確實係少左野蠻而純粹為左搶掠失去人性既戰鬥，維京人亦從此式微，北歐神話由生活態度慢慢正式成為神話，佢最少都救左維京人吧

哥達條線係咪終於完 感覺有少少拖太長
第12集高潮後 用左5集分支講呢個新角色 令人感覺有d失焦
加上我對呢個新角色都唔太同情/care 除左develop時間短之外 咎由自取 單純一個臨死先識反思既暴戾維京莽夫 又一直plot armor死唔去咁款
希望後續會更好 其實第1-12集我都好鍾意

其實係借哥達去帶出番個靚女奴隸既無奈
前幾集又話幫場主生B,當老公已死
但知老公未死又走去幫老公想點，黑人問號

不能認同更多既正評下都有人俾負評
都知邊個負評架喇

thx bro
高質回覆

今集好撚好睇

我諗起道德經一句話: 夫唯不爭 故天下莫能與之爭