在線解答養貓新手問題(7)

想請問大家既英短幾多歲？

冇英短，得唐貓同布偶

其實係咪好短命？
我見IG個啲全部都係2-3歲
我屋企隻英短5歲走左..好突然..話係心臟病...

貓閒閒地都十幾歲，唔會得2~3歲囉， 會唔會係近親繁殖呀

so far我搵唔到有英短既ig係大個d
我個隻係領養返黎 明明前一日仲好地地又玩又食野又飲水...
第二朝就心臟病...

英短易有心肌肥大
朋友隻英短（13歲）好似要每年都做心臟超聲波檢查

特別係好多人養到隻貓超重，更加易心臟病

佢意思應該係宜家ig搵到啲貓係2-3歲，唔係2-3歲壽命

好勁 養到13歲
我想養多隻 但又驚佢會再發生同一樣。。

可唔可以講埋大概幾重

新手養貓 貓仔返黎屋企幾日 但成日都有眼屎同大細眼
洗唔洗買眼藥水幫佢滴

屋企個隻唔肯食主食罐點算
淨係食百佳糧
想佢補充多啲水分

可以先紙巾濕暖水輕抹
不過太多嘅都係問下醫生 因為新貓

大細眼係點

試下唔同牌子
同唔好佢第一下唔食就放棄
要試多一陣
佢地有時唔一定一嚟就食有介心

有冇試多幾隻牌子？
可以放一兩粒零食/凍乾落去引佢食

英短group有隻叫妮妮 20歲

係咪fb啲group？

我果隻太眼瞓都會大細眼
你觀察下，如果平時都會keep住大細眼，眼角有眼屎，都係貓感冒多
如果眼圈紅腫仲有機會發炎
貓感冒可以補lysine同買抗生素（vibravet 100 paste 又叫朱古力）
發炎/唔食/唔飲/大便有問題/食完抗生素都係咁，直接睇醫生啦

男仔黎 6.x kg

屋企隻成貓食完第一次益生菌肚痾，想問係咪正常？

想問大家啲貓有冇試過打完針過幾日就食少咗嘢又冇咁活潑咁？

唔會
通常會係打完第一日有唔同都

Suppose 唔係
有冇比啱份量
幼貓細份糧 未必跟指引份量

你地整鮮食會點整，用咩食材多

同2隻貓一齊2年 佢地仲係好驚我
已經有間房同好多時間俾佢地住
我每日有幾個鐘陪佢地 但係次次開門佢地都驚到好似望住陌生人咁