在線解答養貓新手問題(7)

話說屋企隻貓星期6嘔完乾糧後
嗰晚就開始肚屙 然後就唔食嘢（平時食好多乾糧 而家一粒都唔食）
帶佢睇醫生驗埋血 一切正常
醫生開咗抗生素 止屙藥 益生菌
但因為餵唔到佢食藥 所有藥都會畀人吐口水吐返出嚟
已經用過greenies泥膠同埋ciao流心零食包住都餵唔到
想問下大家仲有冇咩好方法

隻貓幾大？有冇睇吓嘔出嚟嗰啲嘢有冇其他溝埋一齊，例如毛髮
如果藥丸唔太大粒嘅話可以喺咀側邊用手推入喉嚨，再合起佢個口

貓貓今日露咗個jj出嚟
係唔係開始發情
好驚佢周圍噴尿
28號先絕育

而家4歲
嘔就應該真係得乾糧 同埋之後都冇嘔過
等我試下先 今日試過塞入佢口
但可能唔夠入 佢吐口水嘔泡咁吐返出嚟 晒咗粒藥

lm

會唔會食太多又跑反胃？

放入去之後合埋佢個口掃下佢下巴就吞咗

準備半夜洗床單

黎緊會接隻差唔多3個月大嘅bb
一路見其他貓bb都好活潑 跳黎跳去
但係見咗佢兩次都好靜
用貓貓棒都唔會好玩
但係佢冇眼水鼻水
抱佢又會煲水 食嘢正常
想請教大家咁樣其實會唔會有咩問題呢

另外想問啲人話接貓貓返屋企等佢適應大概兩個禮拜先睇獸醫check check
但係咁樣會唔會冇咁好？

呢啲貓砂盤其實係咪唔係幾好呢 啲貓唔會聞到自己啲味

會唔會有時好睇性格同埋可能叫玩具又未必啱玩，有啲波仔或者無求嘅嘢掉下可能佢哋會追下呢？
同埋啱啱好林轉左新環境，又未必太夠膽周圍走

如果冇急病嘅話，都可以坐兩個禮拜先嘅一來有啲診所對你啲新貓都要安全隔離兩個禮拜，二來你隻貓可能都未習慣屋企又俾人運去第二度更加驚

冇用唔清楚，但係之前有啲貓砂機有試過夾死貓

因為賣家要求 我自己就接貓貓嗰日去獸醫check埋
不過醫生有話可以返咗屋企一排先過嚟睇
好似因為驚有啲病有潛伏期
咁早未check到

賣家都話佢由小到大都好乖 偏文靜
係擔心其實會唔會係隱疾
未接佢返黎啊 所以佢係喺貓舍已經好定 唔係好活潑

咁好似之後再睇獸醫好少少

同埋想問大家都話生肉好
不過我自己就應該唔會整鮮食俾佢
因為擔心貨源 同埋之後未必有時間
但係如果想由熟肉罐同乾糧變生肉（風乾/凍乾）嗰啲應該點轉？
因為好似食食下熟食生腸胃會難啲適應？

可能係食太急
呢兩日冇擺乾糧 轉咗白烚雞柳 佢又肯食
同埋餵藥掃下巴同輕輕吹鼻哥都真係有用！
雖然有2粒都係餵唔到 佢嘔晒泡

賣家講嘅都只係參考
冇買過貓我

醫生就點都要睇㗎啦 因為都要基本check同拎杜蟲藥

食生肉就要記得定時比佢食杜蟲藥 可以問問獸醫
轉生肉我冇咩經驗 但佢地轉糧記唔可以一次轉哂要慢慢轉份量
適應問題都係睇貓

我隻有時死命咁食食完又頂唔住嘔返出嚟
所以要睇睇佢地食野有時
肯食雞好啊 夠水夠健康

你粒藥睇下會唔會太大粒 需要時cut半食
如果拎條巾食住佢餵可能好啲
比佢唔好反嚟反去

轉生肉/凍乾的話，多數建議夜晚空肚12個鐘，第二朝嗰餐直接轉生肉，避免生熟肉溝埋

其實點樣轉生肉都好，都有機會會屙幾日爛，好似排清之前啲嘢咁，我兩隻貓屙咗一次爛之後就無事

但如果貓貓唔肯食就另計 見啲台灣人會撈生肉落罐頭到過渡，再每日逐少增加生肉比例

不過我嗰陣無咁做，話就話過渡，但始終又生又熟唔係咁好 咁一開始其中有隻臭貓唔係好肯食，我頭幾日就撈啲醬醬入去，之後就算唔撈都肯食

我果隻接之前都係好靜 到而家係屋企係咁衝 睇到頭暈
要接番屋企2星期 仲建議困一困籠 怕佢驚新環境 唔肯食野果啲 / 有貓癬

如果後腳冇咗少少毛 但係冇結痂冇傷口 係咪貓癬 有冇可能係同其他貓玩嗰時整甩

係咪兩邊腳都有？同埋形狀類似圓形咁？
如果係嘅話可能係跳得多
我隻貓細個都係咁

新手貓奴接左仔仔返屋企，返到屋企都無咩事，肯食野同埋有去廁所有伺埋有通屋走
不過凌晨果陣佢無啦啦有啲開香檳咁嘅聲，嚇到我醒左驚佢有事
之後就見到佢好似段片咁，我係咪帶佢睇醫生好啲？
而家佢又無咩事，不過抱佢一下就又有開香檳咁嘅聲

似煲水聲？

煲水聲
恭喜你證明佢係度好舒服

似呀，但佢煲水煲到佢個頭間唔時chok下咁，好驚佢有咩事

貓貓換晒牙一段時間
但口臭+牙肉紅腫
醫生話幼貓啲牙肉唔應該咁梅
請問點樣可以整返靚啲牙肉？

係咪食得太飽打c egg呀？