在線解答養貓新手問題(7)

啱啱到埗唔轉糧係啱嘅，一般都係等適應環境之後先再轉，佢痾左幾多次呀？仲有冇精神，胃口？如果冇嘅就盡快睇醫生，記得要比水佢飲呀，痾水可以脫水架
希望你隻貓而家冇事啦

兩隻各自幾大個呀？全日只係兩餐？定係啲乾會放全日？
只要體重係預期範圍，冇見到一隻重得太快/太肥嘅都還可以嘅，不過要留意阿女嘅飲水量，如果佢淨係鐘意乾嘅話
同埋可以留意埋小便份量，有需要就裝個cam睇住啲砂盤啦

唔該晒
都係一歲多D
乾糧由朝擺到晚轉蒸雞先收
阿仔鍾意食乾, 有飲水
2隻都食得屙得
肥就大冇邊隻特別肥, 不過阿仔仲係同阿女差唔多大隻所以有少少擔心

你都可以諗其實阿女大隻左啲嘅

貓貓而家七個月大 食開濕糧
請問幾時要開始同佢轉成貓糧？
溝糧慢慢轉嘅意思係幼貓糧+成貓糧溝埋 定係 一餐幼貓糧 一餐成貓糧？
謝謝

我個陣就嚟一歲先開始轉
溝糧即係幼貓+成貓撈埋，每餐加小小成貓糧
睇返貓仔腸胃，如果屙軟便就減返成貓糧份量

想問呢隻條溶線，定係要普通嗰啲線？

黎緊會領養bb貓，已經斷左奶，大約一個月大
想問下荃灣區有冇邊間動物診所好？想接隻貓果陣帶埋去診所做一次檢查
屋企人就叫我去綠十字，不過唔就腳，得沙田旺角

大家幾時先放心由隻貓係屋企冇人既時候自由活動？
三個月大既貓b 來左屋企一個星期 係屋企周圍跑跑跳跳 又咬野又抓野 驚佢亂食野入肚

一個月大斷奶好似太快
同埋啱啱去你屋企可能都要隔離返兩個星期先可以去睇醫生
不過荃灣區我自己冇去，所以冇建議

一開始最好都係坐籠如果冇人嘅
俾佢知道個籠喺佢屋企安全嘅地方
同埋真係唔知道佢會搵咗啲咩嚟玩
所以最初都係睇吓佢平時喺屋企會做啲乜嘢
同埋將所有危險嘅嘢都拎走晒先開始慢慢由短時間自由行開始

養咗隻貓女 依家6個半月大 重2.6kg
開罐罐都唔食 一定要撈新鮮雞柳或者醬醬先肯食
有時一日可以連乾糧 罐都淨係食小小
但個樣又算精神 跑得叫得
請問點樣先令到佢可以食返多啲野

新手養
3個月大，住緊紙皮箱
第一晚都唔嗌係咪正常用布遮埋

正常

撈住雞柳
慢慢減雞柳份量

同埋天氣凍有時都會食少啲訓多啲

個女愈大愈挑食
挑食到我頭都大埋

btw但我已經長開暖氣俾佢
應該唔會覺得凍
諗住都係聽日帶佢睇醫生睇下點講

Samesame
我女 只食細個食開啲野
唔食新野
但衰在啲糧成日斷貨

唉我都係長開暖氣
但天氣一凍佢就即刻咳+打乞嗤

有冇試過拎隻匙羹餵貓貓食幾啖？
我隻貓依2日
一拎碟雞出嚟就埋砂走人 明明平時都食開
但拎住匙羹餵佢幾啖又會繼續食
不過衰貓都係鍾意衝去食乾糧多啲

點解隻貓係咁打乞嗤

有時要帶隻貓出去睇下醫生同沖涼 有冇推薦嘅出街貓袋

凍親 ， 感冒 ， 有菌

即睇醫生唔該

記得比主子飲多d水 我個隻上星期爆左肛門腺 條友成日都唔肯自己飲水 餵又肯飲 又駛幾千

我想問下貓貓隱睪症嘅反應係點?

因為我隻大貓時不時會騎隻細貓, 仲要不停咁踩同咬隻細貓後頸. 但隻大貓係佢5個月大左右就絕咗育, 有啲擔心真係有隱睪症要開刀