買左死海鹽,想知用幾耐會見效,同埋佢係舒緩定有機會理想到直頭斷埋尾?
我就係用死海鹽斷尾 樓上都有位巴打用完好好多
我係隔離開過post講過,google搵返黎睇睇
我search 死海鹽 高登,唔多見...唔知我眼殘定點...
應該係你眼殘
舊登/view.aspx?type=LV&message=6394768&page=1
其實呢邊D會員係咪唔係舊班過黎個班?
好似好多個邊D野連登呢邊D人都唔知
做開CD-ROM
咁你買左d死海鹽用成點?
近排好忙所以正係用過一次:
冇好準確咁量幾多水,用左大乜樂啲外賣黑色膠兜泥裝半兜水,鹽就落左一茶匙左右,用紗布係手同腳既濕疹到抹水上去,印下印下咁,最後有剩就沖落腳面同浸左5分鐘手
講番本來呢啲位既情況先:腳面最嚴重但成忽黑左,手就呢排keep住紅同搽極cream都乾
用緊果陣都冇咩感覺,係feel到腳有好少吉吉地,其他地方好似敷正常水咁
用完之後,腳果日痕少左,手就硬皮個位冇紅冇痕
唔知係因為果幾日凍番少少定點,呢幾日熱番手就冇乜痕,但腳都係痕
其實用得一次都唔望有咩變,遲啲會繼續試下用
有冇其他人用過?情況點?
希望呢啲唔係廣告,因為濕疹人真係唔想再有假希望