【歷史po】法唔法國。。。。

留名

英法大戰

英法大戰

諗起維多利亞女皇同拿破崙三世

法

法國同克羅地亞有post，所以決賽就係呢兩隊

對拿破崙時期法國有興趣

當英軍越過索姆河，好快就遇到法軍來使。使者向亨五世表明，法軍正在不遠處，按照中世紀嘅規矩，兩軍應該選擇一個對雙方都有利嘅地點，進行決戰。嗰度就係今日法北嘅阿金科特。

到咗10月24日，亨五世眼見敵軍陣容強大，不禁心生怯意。加上英軍已經疲累不堪，亨五世決定派出使者求和，條件係撒出佔領咗嘅土地，以及賠償法國一切損失。亨五世心知法國答應要求嘅機會不大，但希望至少為己軍爭取一個喘息嘅機會。

喺過去嘅一個星期，阿金科特一帶一直落住傾盆大雨，暴雨令到喺野外露宿嘅英國人幾乎冇辦法休息，但同時亦令到戰場嘅泥土變得濕滑鬆軟，令翌日嘅戰鬥產生變數。

到10月25日早上，法軍因為想等待更多盟軍趕往，一直按兵不動。法軍當時有兩萬人，而英軍只有幾千人。



戰場位於樹林之間嘅狹長空地，由於地形所限，規模龐大嘅法軍難以排成一列，佢哋於是落馬作戰，但就喺前軍左右部署咗重騎兵。雖然有前一世紀嘅教訓，但法軍中都係冇學習使用長弓，法國人深信己方軍力遠勝英國，足夠壓下英軍。



但由於天雨關係，法軍嘅騎兵隊難以衝鋒，結果佢哋就好似今晚跑濕地咁，馬蹄陷入爛泥之中。在此同時英軍嘅長弓手一如以往發揮優勢，射出好似暴雨咁密集嘅弓箭挫下法軍，將以劍斧棍棒等武器，迅速殺敗意圖靠近嘅法國人。（阿寶）



可能係因為害怕戰俘會乘機反抗，亨五世做出咗一個違背騎士精神嘅決定----佢下令除咗身份最高嘅人，將其他戰俘處死。

法國人喺此役中遭受了災難性嘅慘敗，總共約有六千名騎士陣亡，其中更有過百人係大領主，令到一啲地區整個貴族男性世系被摧毀，整整一代領主喪生。

Push

留定名先 8月出到而家

邊個拿破崙
一世定三世

拿一世 嗰十幾年真係好癲
法國大革命前後死咗咁多人 經濟就快崩潰 但拿皇竟然可以帶法國KO曬其他歐陸強國
如果唔係侵俄 都唔使咁快落台

始終人去到咁就收唔到手
瑞典帝國嘅Charles 同希魔都係咁

lm

今晚支持

英軍雖然大獲全勝，但實際上並未取得任何戰略優勢，亨五世戰後亦好快返咗英國。

阿金科特絞肉機除咗令到法國貴族凋零外，亦令勃艮地同阿馬尼克嘅派系鬥爭白熱化。阿派嘅骨幹好多都喺戰役中陣亡，同時佢哋亦被認為要為戰敗負上責任。勃艮第人抓住機會，由公爵勇者約翰領軍進佔巴黎，並且宣稱自己係白卡國王查六世嘅保護人，挾天子而令諸侯。

太子查理（後之查七世）被迫逃亡，勇者約翰為免自己失去人民支持，並無公開與英國人結盟，但就對英國喺法國北部嘅攻勢視若無睹，放任英國人佔領盧昂。



太子查理眼見己方勢單力薄，於是喺1419 年 9 月 10 日，相約勇者約翰喺蒙特羅一條橋上面進行和平談判。

談判氣氛相當緊張，兩邊都草木皆兵。當約翰向太子行完跪禮，想喺劍柄上借力企起身時，太子嘅親隨以為約翰想刺殺查囝，於是一個斧頭劈落約翰塊面度，將佢斬死。



12年前，約翰搵人喺巴黎隊冧對家奧爾良路易（#192），由於路易同查七世老母有路，一直有傳路易先係查七嘅親生之父，仿佛冥冥中要佢親報殺父之仇。

約翰死後勃艮地公由其子“好人腓力”繼承，佢馬上同英國人結盟。喺勃派操縱底下，瘋王查六世同英國簽訂咗《特魯瓦條約》，亨五世藉着迎娶查六世之女，成為佢嘅繼承人及攝政，並將盧瓦爾河以北地劃歸英格蘭。

此時法國領土已經三分天下，分別由英格蘭、勃艮第以及忠於太子查七世（佢已流亡到布爾日）嘅勢力控制。

此時嘅法蘭西已經係風中殘燭，對面海英格蘭就如日中天。但天有不測之風雲，三十幾歲嘅亨五世喺1422年暴病身亡，留低幾個月大嘅仔亨六世，由叔父貝德福德公爵約翰攝政。

法王查六世不久後亦都死去，法國王位亦因此懸空。查七世同嬰兒亨六世兩方都聲稱自己有王位繼承權，但兩人都未正式加冕。

英國人嘅攻擊並未因為主少國疑而停下，1429年，已經席捲法北嘅英軍包圍重鎮奧爾良，佢位處盧瓦爾河上，係最後一個能夠阻擋英國人長驅直進嘅堡壘。

正當奧爾良即將陷落之際，法國人最喜愛嘅女英雄橫空出世：聖女貞德出生於法國東部洛林附近農村，傳說喺佢13歲時，有日喺大樹下見到天使聖彌額爾、聖瑪加利大同聖加大肋納。之後佢哋就係咁同佢講嘢，叫佢帶兵收復英國人佔領嘅法國失地，同埋匡扶眞龍天子查七世繼位。



貞德喺1429年春到達查七世所在嘅行在希農，希望迎接佢去蘭斯加冕（當時正被勃艮地人佔領），查七世同所有正常人一樣對啲神怪嘢將信將疑，佢為咗測試貞德，匿埋喺群臣之中，但神奇地竟然被貞德一眼認出。

查七世於是又將貞德送去俾神職人員測試，點知佢哋無條件核准貞德嘅資格。當時已經節節敗退嘅查七世只好死馬當生馬醫，將軍權交比貞德由佢領軍去奧爾良解圍。



當時奧爾良已經被英軍圍城七個月，城內糧食缺乏，守軍想向加入圍城戰嘅勃艮地公腓力投降，希望作為中立地帶保存奧爾良。

當好人腓力向身在巴黎嘅英王攝政約翰提出呢個要求時，約翰就好搶口咁話：你老味我哋打咗咁耐，你勃艮地人而家出嚟執雞你行撚開啦。

於是腓力就嬲嬲豬走咗，令英軍只能用極少量部隊維持圍城，事後證明呢個係一個重大錯誤。

樓主

當時民間早有傳言，會有一個披甲少女帶住七色彩雲由洛林而來拯救法蘭西，當貞德喺1429年4月尾抵達奧爾良，就令到軍民士氣大振。



奧爾良軍喺5月4日展開反攻，喺戰鬥中貞德條頸受咗箭傷，但佢拒絕離開戰場，終於法軍成功擊退英軍。

自從貞德出現之後英國人嘅運勢就由盛轉衰，喺多場戰役都敗於法國手上，貞德亦因此喺軍中好有威望。

法軍本嚟應該向巴黎或者諾曼第進發。但貞德堅持查七世應該去蘭斯加冕，呢個係一個好大膽嘅建議，因為蘭斯同奧爾良嘅距離係巴黎兩倍，而且深入敵軍領土。



但當時貞德儼然已成為法軍精神領袖，查七世決定聽從佢嘅建議，同佢一齊率軍去蘭斯舉行加冕。

查七世喺7月16日到達蘭斯，隔日早晨喺貞德見證下加冕為王。



貞德表示佢已經唔再聽到天使嘅聲音，代表自己已經完成任務，係時候功成身退返鄉下（如果佢真係喺嗰時退出嘅，就可以保住性命）。但當時嘅佢已經身不由己，喺眾人嘅說服底下，佢繼續參加法軍收復巴黎嘅旅程。