【歷史po】法唔法國。。。。

基於以法國人發明嘅語言民族學，俾相爭奪亞爾薩斯-洛林有其正當性。更重要係嗰度有豐富鐵礦同大量鋼鐵廠，可以為工業化進程落後於法英嘅普魯士帶來好大裨益。

消息傳回巴黎後全城狂怒，甘必大矢言法國人絕不屈服❗但係當時普軍已佔凡爾賽宮，以嗰度為總部包圍巴黎，令佢與世隔絕。

為咗聯絡外省各軍，巴黎人諗咗個方法就係飛出去：佢哋揾來1867年巴黎世博展覽過嘅熱氣球，修補到可以使用嘅程度。

飛行員嘅必然之選則為狂熱民族派甘必大，只有佢有足夠勇氣去冒險。

鳩甘必大生於法國西南卡奧爾，係意法混血兒，因故一目失明。可能因為唔係純正法國人，牙甘要用比一般人更激烈方式去表現出佢嘅愛國心。

10月7日早上十一點，蒙馬特聖皮耶廣場上，熱氣球冉冉上升，牙甘喺半空中揚起三色國旗，慢慢消失於半空中。



當牙甘飛出重圍嘅時候，巴黎嘅存糧變得越來越少，市民開始以馬、貓、狗肉為食。老鼠因為太多菌同難食，要經過繁複嘅工序先可以辟味，令食老鼠變成身份象徵。巴黎人因為愛國而吃盡苦頭，度日如年。



當飼養嘅動物食曬人們開始向動物園埋手，食肉動物🦁🐯同皮粗肉厚嘅🦏逃過一劫，但其他動物就無咁好彩，以下係當年巴黎一間餐廳嘅聖誕套餐：

清燉🐘
烤🐫
煨🦘
🐏批
🐻肋排
肉拌
肝串燒
🦝後腿肉

追到live 支持下先

巴黎公社破壞咗好多古蹟文物

法國這世界 永遠太少空間

可以賣英國移民廣告
連法國波旁奥爾良同波拿巴三家族都過去

錢鍾書話過圍城就好似婚姻咁，兩邊都唔好過；當巴黎市民喺度受苦嘅時候，普魯士軍人亦住喺簡陋嘅帳篷，忍受住喺營中漫延嘅瘟疫。唔耐煩嘅毛奇開始炮轟巴黎，轟炸嘅時間通常係夜晚十點到凌晨兩三點，令巴黎市民苦不堪言。

1871年1月18日，威一世喺凡宮鏡廳(15年前拿三世曾經和事頭婆喺度共舞)加冕為德意志皇帝，一般認為佢係受俾斯麥唆使先咁樣做。法蘭西愛國者嘅感覺就好似有人喺佢老母墳頭打飛機一樣。



餓到癲嘅巴黎人妄圖突圍，無異螳臂擋車，一次喺布松瓦爾嘅戰鬥中更有4千人傷亡；無飯食嘅國民衛隊亦開始作反，發生咗幾場嚴重叛亂。

外交部長法夫爾知道再拖落去都唔係辦法，決定再次相約俾斯麥議和。佢喺1月23日乘坐一條有子彈窿嘅船仔，一路用個兜𢳂水，一路撐過塞納河。俾斯麥一見佢就不忘挖苦：



法夫爾懶理佢抽水，一個人食咗十碗飯先埋檯講數。雙方達成三星期停火協議，法軍解除武裝僅保留一個師；法國人會選出新政府，同德國簽和約，法國會賠廿億法郎。

當巴黎之圍一解，嚟自各外省同英美嘅糧食馬上源源不絕降臨。但由於缺乏咕哩，大部分物資都滯留咗港口。而當第一批英國捐贈嘅物資到達巴黎時，成班餓鬼就好似餓狗搶屎咁攪到爭啲暴動。最後連威一世都睇唔過眼，將大量軍糧贈予巴黎人民。

到咗2月中，飢饉陰霾漸退，喺波爾多嘅中央政府亦選出新總統。喺當時法國選民中以保守天主教農民為大多數，佢哋其實係保王派，但就會支持波旁定奧爾良爭持不下。最後由年過古稀嘅元老梯也爾出任臨時元首。

梯也爾盡力同德國斡旋，但俾相毫不讓步，堅持需得亞洛兩地，賠款更升到去50億法郎。



最後喺梯也爾極力爭取下，以40億成交，但亞洛兩地歸德國。佢不情不願咁喺2月26日簽下和約。

準備一戰報仇

咁文字呢？

一如中學西史所教，戰爭喺法國人心中埋下仇恨嘅種子，喺法國人眼中自己從來都係歐洲霸主，普魯士只係日耳曼群邦中嘅蕞爾小國，遭受如此欺侮實在難忍(德國佬踩我書包掉我飯盒)。



而對德國而言同法蘭西結下深仇其實並無好處，吞併亞洛喺外交上亦屬敗筆。勝敗本常事，英國就算喺滑鐵盧擊敗法國，但因為冇割讓領土，一樣可以喺克里米亞戰場並肩。

但就因為德國佔據咗法蘭西“以古以來(2百幾年)”嘅神聖領土亞洛，從此兩國結下深仇。俾相在生之日，尚能與俄奧締三帝盟抗衡。俾相身後而德俄交惡，至爾後法俄協約，皆亞洛之因果也；法英因殖民之利芥蒂頗深，德意志如可居中左右逢源，則歷史改寫矣；可謂德帝之興，功在相國，德帝之亡，彼咎難辭。

當梯也爾要求國民議會批准投降條件時，代議士們大為震怒，甘必大、雨果同亞洛兩地代表更即刻辭職。



同樣慶過火屎嘅仲有巴黎市民，就算喺拿三世時代，巴黎人都係反對中央政府嘅。拿三世上台靠嘅係西部天主教農民嘅保守派票倉，而首都從來都係反對黨角色，多次選出同拿三世對著幹嘅議會代表。

到咗而家，佢哋又要爆啦。事件起因係圍城期間軍紀急速敗壞嘅國民衛隊，因為聽到消息政府會解散佢哋，喺2月26日發起一場有30萬人參加嘅大規模遊行。遊行途中衛隊拖出200座大炮，令情勢更為緊張。

法國當時得返一個師，梯也爾命佢哋收回大炮。但正規軍不敵人數眾多嘅衛隊同民眾，指揮官樂孔德將軍被俘，稍後被槍殺。

此時衛隊已逐步控制巴黎，3月15日佢哋成立中央委員會，唔承認梯也爾指派嘅指揮官。當日下午一名身穿便服嘅退休將軍克雷芒喺街上被發現，由於佢喺民眾心目中相當不受歡迎。佢被帶到之樂將軍被殺嘅同一地點，被一群失控嘅衛隊打到變咗蜜蜂竇。

3月18日，中央委員會宣告巴黎公社2。0成立，2萬名衛隊成員喺市政廳駐紮，佢哋並以一面紅旗取代三色旗。

同時中央委員會由巴黎每區揀出代表，同代替德國人坐鎮凡爾賽嘅梯也爾談判，爭取巴黎自治。

公社恢復咗熱月牧月on99嗰個革命曆，廢除死刑同徵兵。又訂立8小時工作制，並廢除麵包店夜班工作(最快就為巴黎帶來災難)。

走共產主義無神論路線嘅公社最痛恨教會，佢哋認為佢係專制君主嘅幫凶，教會嘅資產土地全被充公，並命令所有教會學校世俗化。二百多個修士同修女被捕，26所教堂關閉。




公社最矚目嘅舉動係喺5月16日將拿一世為紀念奧斯特利茨勝利而立嘅凡爾登之柱推倒，咁做係出於畫家庫爾貝嘅建議，佢批評凡爾登之柱藝術成份頂多得半層樓高，亦係侵略戰爭同帝國征服嘅象徵，根本無任何紀念價值(而庫爾貝喺公社倒台後被政府追究責任，重新豎立嘅費用32萬3千法朗就由佢孭，佢因為無法承擔而流亡瑞士，畫作被政府沒收拍賣)。

身在凡爾賽嘅梯也爾正準備反擊奪回首都。喺法普戰爭期間好多兵士被俘，和解後陸續獲釋，並成為政府軍主力，另一方面佢亦徵召咗各省農民兵。

梯也爾揀咗63歲嘅老將麥克馬洪為帥，6萬大軍喺5月20日殺到巴黎。公社因為缺乏指揮中心同人數遠遜，加上冇受過咩軍事訓練，面對正規軍毫無還擊之力。5月23日政府軍攻下蒙馬特高地，將數十衛隊成員拉到兩個將軍嘅刑場誅殺。

公社成員眼見敗局已成，發揮無產階級一拍兩散嘅反社會本質。佢哋開始喺巴黎到處放火，包括杜樂麗宮、羅浮宮、盧森堡宮、巴黎歌劇院、巴黎市政廳、內政部、司法部、巴黎皇家宮殿、以及香榭麗舍大街兩旁嘅豪華酒店同高級公寓。到時佢哋亦以每日過百人速度行刑，受害者包括巴黎主教。

最後一役於5月27日喺拉雪茲神父公墓發生，血腥一週正式結束，公社成員約一萬人死亡。



巴黎公社僅僅維持咗72日就皮已收，但就算比佢哋玩耐啲，恐怕都好快會步雅各賓後塵。佢喺東方嘅精神子孫數十年後汲取教訓，學懂咗捨棄虛名末節，控制關鍵資源糧食軍隊，先成功建立到穩定嘅無產階級政權。

當梯也爾奪回巴黎後又要面對新挑戰：保王派一直係社會主流，佢哋深信正統王室回歸係解決法國困局唯一良藥。而當中最大障礙就係波奧兩系之爭，但此事因為亨五世(波朝查十世之孫)無後而出現轉機，保王派提議由路菲之孫巴黎伯爵菲七世做佢繼承者。



兩派保王黨合流後喺1871年8月30日向梯也爾迫宮，議會以494對94票，將梯也爾頭銜由行政權力首腦改為總統，受國民議會管轄。

保王派同波拿巴派基於敵敵為友原則聯合起嚟，喺1873年選舉中擊敗以梯總為首共和派，取得議會大多數。5月23日，議會以362vs348通過對梯總嘅不信任動議，梯也爾喺第日辭去總統職務。

議會推舉德高望重嘅戰爭英雄麥克馬洪為新總統，麥總係個有公爵頭銜嘅保王派，佢對總統權位冇咩興趣，反而希望亨五世重登王位。



但亨五世並不安於做個立憲君主，佢公開表示對佢祖父查十世深感同情，甚至否定三色旗只承認代表王室嘅白色。

由於亨五世實在太反動，同叫人留返辮無分別，所以就算最保守嘅保王黨都撐佢唔落，君主復辟因而流產(梯:亨五世係共和國締結者)。

最後議會以353對352，以一票之差通過一項議案，就係將總統化為無冕之王。總統變成超然於黨派政治外嘅攝政官角色，任期為7年，可以連任。

麥總任內推動咗1875年憲法，奠定咗第三共和基礎。而隨住人民慢慢接受共和制，保王派嘅勢力亦日漸消退。

漫長嘅19世紀亦係殖民世紀，第三共和亦喺亞洲同非洲都發展咗好多殖民地。喺北非，法國以阿爾及利亞為基礎，逐步擴展到突尼西亞、利比亞、摩洛哥，而喺中非同西非亦取得一大片土地。

而喺亞洲，法國人主要發展於東南亞。佢哋將越南、柬埔寨、老撾統合，建立咗法屬印度支那殖民地。

法國傳教士喺17世紀嚟到越南，一直對其施加影響。到18世紀末，西山起義爆發，農民軍先後將北鄭南阮兩朝消滅，統一越南大部分，惟阮氏殘黨依然喺南方活躍。



出身流寇嘅西山朝好快就如同太平太國般內訌。而喺南方嘅阮朝後人阮福映為咗復國，喺1777年同法國耶穌會教士百多祿首次會面，7年後阮福映因不敵西山軍，向百多祿請求法國軍事援助。百多祿帶同其長子福景由越南出發，足足用咗三年先返到歐洲。



1787年2月，百多祿同阮福景會見當時國王路十六，得佢答允出兵相助。但呢張只係空頭支票----當時正值大革命前夜，國庫已經虛空，根本無能為力。

國王將出兵越南一事委託比印度殖民地本地治理嘅總督負責，但佢對出征越南不予支持。百多祿無奈下只有靠自己，朝廷雖然又唔出錢又唔出人，但畢竟有一紙誥命。百多祿靠住佢喺法國同印度成功籌餉，亦召募咗好多志願兵。

總督最後都比咗兩條船百比祿，百多祿將佢哋命名為龍鳳戰艦，並用軍火重新裝備。1789年6月，佢又龍又鳳咁離開本地治里前往越南，佢同佢嘅法蘭西義勇軍喺越南修要塞建海軍，並導入現代炮兵訓練，以歐洲軍事思維重整越軍。

法國人對住西山軍就好似大人打細路咁，幾年間已經打到佢哋七個一皮。1802年阮福映喺順化即位建立阮朝，到兩年後佢又受大清嘉慶帝冊封為越南國王。1806年福映稱帝，年號嘉隆，成為首個一統越南嘅君主。

唔記得佢有冇分文字定口頭語言
好耐之前睇 唔太有印象

1820年，嘉隆帝病逝。長子福景先佢而死，帝位由四子福晈繼承，是為明命帝。



明命帝登基後各地仍有反對力量，佢擔心逆賊勾結外國勢力，對洋人疑忌極深；而佢本人亦都係個漢化儒教信徒，對洋人輕蔑地稱為蠻夷。

此外當時越南喺印支嘅勁敵暹羅(今之秦國)同英國過從甚密，喺英國人支持下佢哋入侵老撾，並對越南領土虎視眈眈。

1833年大將黎文“亻褢”起兵反對阮朝，其中就有暹羅勢力支持，而不滿明命帝嘅天主教徒亦參與其中，甚至想擁立福景之子阮福美堂。

種種原因促使明命採取東方君主常用嘅鎖國政策，對法國人過橋抽板。佢開始限制外國商船活動，命令所有夷船都只能夠去到峴港，不得前往其他港口；佢又公佈禁教敕令，禁止國人信仰基督教，違者處死，又摧毀所有教會建築。明命帝又將全國各地傳教士召到首都順化(喺中部)，軟禁佢哋迫佢哋做翻譯。

明命任內亦擴張領土，喺阮朝建立前，柬埔寨已受到暹羅同廣南阮主政權蠶食多時，國弱民貧。1834年，明命乘黎文“亻褢”叛亂之機，以保護柬埔寨為名，派大將張明講侵占柬埔寨，此後柬國已形同被越南吞併。同年，柬埔寨國王安二世病死無子，張立其女安眉為高綿郡主，一切國事由越南人掌握，形同傀儡。



由於越南人一直視柬暹等國為蠻夷，因此阮朝喺柬埔寨厲行越南化/漢化政策，強迫高棉人改漢姓寫漢字，將柬埔寨各地換上漢名。阮朝亦都逼迫高棉人易服蓄髮，用越南人嘅服裝髮型(仲殖民過鬼佬)。

越南人又喺柬埔寨迫害佛教徒，下令僧侶還俗，破壞寺廟。

阮朝對柬埔寨人嘅高壓統治令佢哋十分不滿，僧侶、貴族、百姓紛紛起兵爭取復國。1841年柬埔寨爆發獨立大起義，暹羅出兵支援，將越軍逐出，安二世之弟安東被暹羅推上王位。

1845年越軍反攻重新占領金邊，但久圍烏棟不下，遭柬堅壁清野。最終越暹兩國達成共識 ，越南承認柬埔寨獨立，但柬國要成為越南藩屬上貢。

第三共和好似殖民得仲癲過第二帝國

冇錯
當時係第二大殖民帝國，成1300萬平方公里

廣州灣如果仲keep到就好
粵語勢力又會再勁啲
唔似依家得澳門香港

點解歐洲開始講天賦人權既時候
同時亦都係殖民世界最勁既時候

58年9月，法軍出動14艘炮艦、3千名士兵，再加上盟友西班牙嘅300菲律賓士兵，一齊進攻峴港。

越軍理所當然不敵，法軍一路勢如破竹佔據咗好多要地。但法國士兵好似後世美國人咁，難抵越南酷熱天氣，好多都病咗。而此時亦正值第2次鴉片戰爭，法英正聯軍攻打清國，法國為免兩面受敵，就想同越南議和。



第2次鴉片戰爭起因係大清不願遵守1。0嘅條款，以廣州亞羅號事件為導火線，英法聯軍入侵大清。聯軍喺58年更逼近京師嘅大門天津，清廷被迫締結城下之盟天津條約。

兩年後又因為清朝再賴皮，60年聯軍兵臨北京城下，又簽北京條約。

而越南嘅順化，朝中士大夫對同法國議和大力反對。漢化太深嘅群臣好似東林黨人咁堅守政治正確主戰，睇唔清實力懸殊嘅事實。主和嘅大臣只有潘清簡。

打完大清嘅法國海軍駛往南越交趾支那，62年2月佢哋登陸西貢，並佔領南部多個重鎮。



形勢比人強之下，嗣德帝唯有派潘清簡同法國人談判。1862年6月5日，兩國簽訂西貢條約，主要內容包括：

1️⃣天主教可以喺越南自由傳播。
2️⃣割讓交趾支那東部嘅邊和、嘉定、定祥三省及崑崙島予法國。
3️⃣開放峴港廣南自由通商，法國人亦可以喺越南屬國柬埔寨自出自入。

此一條約被視為越南殖民史開端，亦被越南人視作奇恥大辱。但當時越北紅河三角洲有後黎朝作亂，加上宗主國大清勢衰，已無力同法國對抗。

然而越南輿論始終對讓步深深不忿，等國內亂局平息又變得對法強硬起嚟；而法國亦往往因為國內政局變化而對印支政策搖擺不定。

1863年嗣德帝又派潘清簡去巴黎談判，成功令法國軟化，話只要越南肯比錢，可以歸還部份領土。但當翌年3月潘回到順化，嗣德卻發揮契哥支那嘅無賴本性，要求法國做出更多讓步。被激嬲嘅法國人索性將三省直接統治。

皮之不存，毛將焉附，好快法國人將觸手伸向越南藩屬柬埔寨。1860年國王安東死，二子諾羅敦同西索瓦爭位，牙諾帶住王冠逃去暹羅。雖然喺62年得暹羅相助回國，但王冠就被暹羅人扣起。

法屬印支總督襯住呢個機會介入柬國內政，咁做亦係為咗保障佢新近得到嘅三省土地。佢喺1863年8月約牙諾見面，承諾會協助牙諾。



雙方簽署協議，自此柬埔寨成為法國保護國。兩國互設使館，法國傳教士可以喺度自由傳教，柬國同法屬印支商品亦自由往來。

當時羸弱小國柬埔寨夾喺越泰之間，同時要向兩國納貢 (慘得食兩嚿屎)，暹羅對柬埔寨改投法國人旗下深感不滿，因此向牙諾提出要喺曼谷為佢舉行加冕典禮。

牙諾想前往泰國攞返王冠，但卻遭到法國人威嚇：“你講乜撚嘢呀伍寶⁉️”，伴隨怒吼嘅仲有炮兵齊發嘅火炮聲。牙諾只好慨嘆：“無咗家國，要個冠托”，俯首向法國人稱臣。

(不過暹羅最後都喺64年歸還王冠，並為佢加冕)



1865年4月，法國又同暹羅傾掂過底盤口，暹羅承認柬為法國保護。而因為打狗睇主人，有英國撐腰嘅暹羅獲得馬德望同暹粒補償。兩年後巴黎又再割兩州賂秦。

法國人喺柬埔寨嘅統治時常受到當地官員抵制，令佢哋非常不滿。1884年6月法國總督要求牙諾renew contract，將司法、財政、經濟大權盡交法國人，但遭到牙諾拒絕，以下係佢哋對話：

總督
牙諾

你想讓位定簽約
有冇第3樣揀
見唔見王宮旁邊條軍艦，你唔聽話就帶你上去。
你想對我做啲咩嘢
你估下

牙諾只好屈身簽約，從此柬國完全由法蘭西控制。

牙諾處境令我諗起土耳其嘅馬哈茂德二世
對外係咁畀人侵犯，不過牙諾慘好多

法國喺收咗柬埔寨做保護國後，又覺得柬國同東三省之間仲隔住幾個越南省份唔係咁好😅。加上順化朝廷多次喺法屬三省挑撥民眾騷亂，攪完嘢又方唐鏡式走返越南，令法國人不勝其煩。

法軍喺1867年入侵永隆、朱篤、河遷三省，宣佈將6省合併為法國殖民地。佢喺1870年代又進一步擠壓越南，喺73年11月因商業糾紛，乘機佔領河內等地，嗣德帝於是搵嚟當時喺越南紅河三角洲活動嘅黑旗軍相助。



黑旗軍創設者劉永福係廣東人，天地會出身，當初響應太平天國發動農民起義反清，天國覆亡後轉戰越南。



劉永福得嗣德授官，多次同法軍對抗。但越南終歸唔敢得罪法國太深，喺1874年3月雙方又簽訂西貢條約2。0，越南承認自己為法國保護國，並承認南方六個省割讓法國。

順化朝廷雖然同法國人簽咗約，但就冇遵守嘅意思。而此時越南同大清仲有宗藩關係，清國依然以越南嘅大佬自居，為咗爭奪越南嘅保護權喺83年12月爆發法清戰。

法軍進攻駐紮喺越南紅河三角洲嘅清軍並佔領該地。喺海上，法軍又炮擊中國海軍同福州兵器廠，就好似喺新手村大屠殺一樣。



1885年6月法清簽天洋條約，承認越南同瀨尿蝦以後跟法國。

而法國人嘅野心亦逐步澎漲，新嘅目標係暹羅另一藩屬老撾(寮國)；老撾喺明代時亦向中國進貢，屬雲南行省下三宣六慰。喺當時無人會認為老撾係一個國家，只算係邊陲嘅土司領地。而當地民風習俗亦同暹羅相類。

93年法國以暹老兩國邊界不清晰為由介入(其實關你咩事)，不久又因為有法國僑民喺暹國被殺，派艦隊進入昭披耶河。

暹羅理所當然不敵，但畢竟佢有個大佬叫英格蘭。英國人雖然唔會為佢哋搏命，但亦都識叫法國佬比個面唔好玩到咁盡。93年10月法暹簽約，暹羅放棄老撾，但唔駛割地。

法國支持琅勃拉邦統治者為王，為日後民族國家老撾打下基礎。

1899年法國又從大清手上租借得位於今日湛江嘅廣州灣，終於完成咗法屬印支殖民地版圖。