【歷史po】法唔法國。。。。

1885年6月法清簽天洋條約，承認越南同瀨尿蝦以後跟法國。

屌你老味

1892年法國國會以絕對多數通過咗印度殖民法令，把印支定為“被法國同化嘅殖民地”，以壯大法蘭西民族。表面上越柬老三國君主依然在位，但只係傀儡。

法國總督府設喺今日被稱為胡志明市嘅西貢，即南方湄公河三角洲。法國人好落力咁喺越南推行普及教育，將耶穌會修士發明嘅拉丁拼音化文字推行全國，日後各路越南民族發明家都係受法式教育長大。

法國人將印支殖民地分為五部份，其中越南被劃分為南北中三圻。三圻受地形影響，亦民風各異：北圻漢化較深，變得同中國人一樣小農順民，亦係出流寇嘅地方。中圻旱季時好撚熱，雨季又成日水災，窮山惡水下民風彪悍，日後好多革命家都係出身呢度。

南圻就屬於熱帶季風氣候，物產豐足所以生活比較寫意，住民亦生性樂觀。呢度同外國人嘅接觸較多，商業活動發達，更充斥住土豪私梟一類江湖人物，所以法國人一走就成為軍閥割據之地。



柬老兩地法國人相對冇咁重視，所以樓主都懶得寫；劇情返到去法國本土，法普戰敗後德國平步青雲，令法蘭西既妒且恨，呢種反德情緒催生咗布朗熱潮。

布朗熱將軍喺1886年出任弗雷西內內閣嘅戰爭部長，佢係一個傑出嘅管理者，更傑出嘅係佢做show才能。佢喺軍中大幅改善士兵伙食住宿，收獲咗佢哋嘅愛戴。



阿布朗另一個舉措就惹來較多爭議，佢簽署命令褫奪奧爾良家族軍職，包括路菲個仔，但此舉令佢得到左派人士支持。

布朗熱又大搞反德宣傳，鼓吹民族主義，經常舉行閱兵，希望搶返失地阿爾薩斯-洛林。法國民眾當佢神咁拜，睇好佢可以繼拿一世衣缽，MFGA。

1887年5月因內閣倒台，牙布不再留任。但佢人氣依然好勁，喺一次塞納省嘅地方選舉中，冇報名參加嘅牙布竟然取得十萬票，震撼全法。

風頭太盛嘅牙布被調去外省做軍官，當時就有過萬民眾自發去火車站挽留，阻止火車出發。

牙布喺脫離軍職後正式參選取得眾議員資格。但太過出位令佢樹立咗好多敵人，其中就包括內政部長弗洛凱。

1888年7月13日，兩人喺議會激烈爭論，弗洛凱串鳩牙布冇資格cosplay拿破崙，仲話拿一世喺你個年紀死鳩咗啦柒頭(牙布時年51碎，拿一世享年50有1)。兩人初則口角繼而動武，牙布受咗輕傷。




唔夠打冇損害到牙布嘅聲望，人民以佢嘅名字創作頌歌，甚至希望佢以武力奪取政權。但牙布似乎比宇城飛打傷咗佢嘅自信，唔敢用武斷手法奪權，仲成日掛住瘟女。

牙布情婦瑪格麗特·克魯澤



法國deepstate視牙布為心腹大患，佢哋以調查布朗熱嘅當選內幕為名政治迫害佢，並取締佢嘅支持者極右翼愛國者聯盟(又名布朗熱血公民)。1889年4月內政部以陰謀叛國罪下令拘捕牙布，牙布因為唔想同身患絕症嘅情婦分開，於是雙雙逃亡去比利時。1891年7月瑪格麗特死喺牙布懷裡，萬念俱灰嘅牙布兩個月後喺佢墳前自殺。

殖民者其實都提高咗人權呀
比利時除外

共和制殖民做得仲差過君主

法殖出名劣

而家法國仲處理緊之前喺非洲留低嘅蘇州屎

布朗熱好似曇花咁派完膠就走咗，但佢嘅崛起亦反映人民對第三共和政治腐敗嘅不滿。而因為猶太人喺法國財經界嘅龐大影響力，加上佢哋的確成日介入金權交易，令猶太人成為替罪羊。

1892年爆發嘅巴拿馬運河醜聞亦令反猶主義升溫。事緣建造蘇伊士嘅雷賽布想喺巴拿巴照辦煮碗，但因為低估當年惡劣天氣同地理而失敗。88年巴拿馬公司破產，投資咗嘅法國人有成80萬，合共損失18億法郎。

92年11月，喺公司同政府之間充當白手套嘅西納男爵不堪壓力自殺身亡。佢臨死前將政府官員中嘅受賄名單同內幕比咗反猶報章《言論自由報》，言自報用唧牙膏方式日日報啲，迅即成為法國最具影響力報紙。最後有成500議員同幾個部長牽涉其中，佢哋被指控隱瞞巴拿馬公司財務狀況同協助佢濫發股票。

被迫死嘅西納


由於西納同佢嘅幾個同伙都係猶太人，反猶情緒更加高漲。而不久後又發生咗另一件同猶太人有關，震驚法蘭西4千萬人口嘅大事。

94年9月，法國情報機關放喺德國大使館嘅清潔工女間諜，發現咗武官斯瓦茲柯本中校垃圾桶入面有張撕碎咗嘅廢紙，內容係法軍參謀部某人願意為德國提供法國軍事機密。

由於提供嘅資料以火炮為主，調查人員於是覺得炮兵上尉屈里弗斯相當有嫌疑。



屈里弗斯係猶太人，出生於亞爾薩斯，喺亞洛割德後移民巴黎，但依然有親戚留咗喺德國。佢之後參軍，成為總參謀部唯一猶太人。喺當時整個社會反德反猶嘅氛圍下，牙屈比人屈到應一應。



雖然牙屈嘅字跡經專家鑑定後同紙上並不相似，但佢依然喺95年1月被軍事法庭裁定有罪。牙屈被帶到一群士兵面前，佢嘅劍被折斷，再被送到去法屬圭亞那嘅惡魔島監獄終身監禁。



因為太多疑點，次年反間諜參謀長皮卡特重啟調查，發現真凶好可能係伊斯泰哈奇少校。但軍方為咗保住顏面，先係將皮卡特調去北非突尼西亞，然後又堅稱伊少校係無辜。

此時風向開始轉，多咗人認為軍方陷害忠良。作家左拉就喺98年1月13日發表名為“我控訴”嘅公開信，為牙屈叫屈，信件刊登喺黎明報之上。



喺當時牙屈事件成為咗巴黎最熱門話題，朋友家人夫婦之間好多因為爭辯而反目成仇。因為太多人嘈，軍方迫於壓力下喺99年將牙屈帶返法國重審。重審結果係維持原判，但牙屈無再返到圭亞那。同年總統盧貝特赦咗佢，正式重獲自由。

[唔quote]
樓上單野最後被一個奧地利記者報左出黎
成為近代猶太復國主義既起步點

直到1906年，牙屈嘅冤屈先被洗刷。佢重新擔任軍職，並晉升至少校，後來以55歲之齡參加第一次世界大戰。

牙屈事件係法蘭西民族構建嘅一個里程碑，喺當時共和國雖已建立多時，但保王黨喺軍中依然樹大根深。反猶嘅勢力就以軍中貴族、天主教會以及布朗熱嘅民粹右翼殘黨為核心，喺佢哋眼中法國依然係君主制嘅法國，而從來唔當兵嘅猶太人並唔算係呢個體系一部份。

而撐屈派就以共和主義者為主，佢哋嘅民族理論就係我哋熟悉嘅N族共和；而最後嘅結果係共和派獲勝，保王派殘黨被掃地出門。

時間踏入20世紀，法國嘅外交政策依然圍繞向德國復仇、奪回燕雲十六州。為此法國同英俄喺1907成立三國協約，六年後總理普恩加萊當選總統。

當1914年6月28日奧國王儲喺薩拉熱窩遇刺，普總正喺度睇緊馬仔，得知消息後不以為然。但不久奧匈向塞爾維亞宣戰，牽連到法國盟友俄羅斯，於是法英兩國亦一齊落水。

社會主義者一向以反戰為原則，但當佢哋嘅首領饒勒斯議員喺7月31日被狂熱民族主義者刺殺，佢哋亦改變態度；而法蘭西愛國者則樂見戰爭爆發。



8月3日，德國向法宣戰。為求速勝，德軍決定借道比利時佔領法國東北嘅里爾重工業區，以期重擊法國嘅煤鋼產能。

9月初，因為德軍步步進逼至首都巴黎，政府機關準備遷至波爾多。法國人決心堅壁清野，將所有道路橋樑盡毀。

德軍喺9月嚟到巴黎附近馬恩河，好快就殺到巴黎。法國軍部諗出一條奇計運兵，就係搭的士❗



軍隊將全巴黎嘅的士調度，一架車前面坐一個，後面坐四個(好迫喎)，兩轉就成功將幾千人運往前線。數還數路還路，dc佬照樣跳表收費，埋單7萬零12法郎🙏。

兩軍喺馬恩河北岸展開激戰，最終法軍成功擊退德軍。但法軍亦死傷25萬人，德軍佔領其東北工業區。

馬恩河之戰後兩軍陷入拉鋸，直到1916年嘅凡爾登戰役。



凡爾登一役又被稱為絞肉機之戰，無數血肉喺戰場上被絞至粉碎。兩邊死嘅人數相約，加埋有成30萬人，為歷史上戰爭殘酷巔峰。

1916年2月德軍為打破僵局，決定進攻凡爾登，幫法國放血。此處係巴黎東邊嘅門戶，亦係進攻嘅必經之道。法軍本來已經打算棄守凡爾登要塞，但就因為得知德軍計劃進佔，改變策略準備死守。

2月25日法軍總司令霞飛任命貝當將軍為凡爾登地區總指揮。貝當指揮麾下52個師輪番上戰場，平均每個師只留在戰場2星期。另外又利用被稱為“聖路”嘅巴勒迪克-凡爾登公路，晝夜無間運送武器彈藥軍隊，為人類戰史上首次大規模汽車運輸。



德軍因為前進太快，導致補給跟唔上。佢哋雖然佔領咗附近幾個村落，但就一直未能一舉擊敗法軍。

7月1日，英國亦都出兵，希望聯合法軍突破德軍防禦，將其逐出法蘭西國境。兩軍喺法北索姆河交戰，英軍喺9月中首次使用新式兵器坦克車。




德國士兵初時對呢隻金屬怪獸心生恐懼，更放棄陣地不戰而退。但因為此役戰線拉得太長，英軍派得18架上場冇乜大用；加上早期坦克技術未完善，以致未能達到重大戰略效果。

戰情繼續膠著，兩邊都未能取得戰果，只有屍體數字好似善款咁不斷增加。單喺7月1日英軍就有6萬人死亡，軍人喺修羅場上持續無意義嘅撕殺。

到咗秋雨季節，道路比雨水同炮火炸到爛曬，德軍唯有喺12月退卻。

17年4月，貝當就任法軍總司令。由於戰爭太過慘酷，士兵們好多都患上ptsd，厭戰情緒更令佢哋爭相叛變。貝當知道士卒嘅苦況，往往從輕發落。

法英德三國嘅有生力量都因為此役嚴重虛耗，法國喺之後戰役只能仰賴非洲殖民地嘅阿爾及利亞同塞內加爾士兵(英國靠加拿大)，呢班復員軍人日後就成為獨立軍嘅主力。

同一時間美國人終於出手，佢憑住強大嘅工業基礎為協約國提供大量補給，但佢哋一直到18年夏天先正式出兵。18年7月，一戰最後一役喺馬恩河爆發，孤注一擲嘅德軍被法英美聯軍擊敗，一戰已形同結束。

1918年11月11日兩方宣佈停火，次年和會喺巴黎舉行。



四巨頭中當然以法國總理克里蒙梭最為強硬，身在政壇多年嘅佢已78歲，佢嘅主張包括歸還國人朝思暮想嘅阿爾薩斯-洛林、由法英瓜分德國嘅非洲殖民地、收取德國鉅額賠償(初時定為2260億馬克，喺1921減至1320億)。

法國亦都希望削弱德國嘅工業力量，從而閹割佢嘅軍事實力至不再構成威脅。戰後法軍迅速控制魯爾工業區部份重要城市，並將產煤運往法國，當德國人抗議馬上被血腥鎮壓。克總甚至提出吊死德皇威二世。



另外喺法國堅持下，德國好似同港女拍拖咁，要為一次大戰承擔所有罪責fatc。由於對德國人嘅過度懲罰、各種前後矛盾又難以兌現嘅承諾、以及美國人太理想主義嘅民族政策，令到凡爾賽體系被後世視為苟且而失敗。法英外交家因為貴族精英子弟都喺戰場上死曬(當時英國上流社會八個淑女當中，只有一個搵到人嫁) ，變得好似斷子絕孫嘅老人一樣萬念俱灰，令佢哋喺戰爭同會議期間作出好多只顧眼前不顧身後嘅決策，實際上係為下次戰爭埋下伏線，其禍害甚至延續至今。

因為西部戰線絕大部份喺法國，佢好似烏克蘭咁為戰爭付出極大代價，500餘萬軍民傷亡。到1918年又因為西班牙流感，造成25萬人死亡。法國政府為咗增加人口，於1920年宣佈願意撫養4個細路以上嘅女性為英雄母親，獲發法國家庭銅勳章，6個就得到銀牌，8個奪金fatc。




由於條數實在太大，德國人根本還唔撚到。不久前回巢擔任總理嘅前總統普恩加萊喺23年1月發兵佔據魯爾工業區收數，德國人民舉行示威抗議，被法軍武力鎮壓，百幾人死亡。

法國人嘅行為引起英美反彈，佢哋認為凡事太盡，緣份誓必早盡。喺佢哋壓力下法軍被迫退卻，並大幅減少德國賠償(德國嘅賠償由1320億減至500億，不過實際只係賠咗50億)。

有意見認為魯爾被佔領導致咗1923年德國嘅惡性通貨膨脹，到咗年底四兆馬克只值一美元##fatc。

1934年法國爆發咗斯塔維斯基醜聞，當時有個出身烏克蘭猶太人嘅金融撈家斯塔維斯基，正喺法國西南貝雲經營當鋪。佢憑住長袖善舞同好多權貴搭上，喺保護傘下大量發行垃圾債券斂財。當33年底此事被報刊揭露，牙斯唯有著草。1934年1月8日警察喺阿爾卑斯山上滑雪勝地霞慕尼
發現咗佢，不久牙斯就頭中兩槍。黑警嘅說法係佢畏罪所為，但一般人都相信係因為權貴想滅口，令佢被自殺。

事件引發咗34年巴黎騷亂，示威者橫跨不同光譜，包括傳統右翼保王黨同波拿巴派、同意大利法西斯份子過從甚密嘅新右翼、同埋得蘇聯背後支持嘅法共。佢哋冇統一嘅政治訴求，唯一共通點係對第三共和不滿。

2月6日晚，數萬人喺巴黎波旁宮前同協和廣場聚集，高叫口號打倒小偷！到咗凌晨警察向群眾開槍，十幾人死亡。

貝當都慘，一戰英雄臨老做替死鬼晚節不保（不過有一半都係佢自己衰戇鳩返嚟接火棒）

汪精衛

30年代以嚟鬍鬚囝喺德國迅速崛起，佢同拿三世/布朗熱一樣靠煽動民族仇恨起家，自傳“我的奮鬥”就講過要法國人十倍奉還，令佢哋如芒在背。

而英國人因為一戰虛耗太深，流露住厭戰情緒，加上對德國亦有同情之心，所以對佢多番讓步。喺當時大眾民主程度已大大增加，英國嘅外交政策變咗需要聽取民意，反而變得無以前由老奸巨貴族主持咁靈活。張伯倫政府被後世譏為綏靖主義，但佢嘅軍事準備係日後英國能夠反攻嘅基礎，正如牙澤採摘咗波羅申科軍事改革嘅果實。但因為人民需要政治家做代罪羔羊，佢亦無可避免地被污名化。英國人喺35年就容許德國擴大海軍規模，當36年德軍佔領萊茵河非軍事區，佢亦不置一詞。

同德國比鄰嘅法國自然女比隔岸觀火嘅英國緊張得多，但衰弱嘅佢已經缺乏獨立行動嘅能力。36年西班牙內戰，德國藉著支持佛朗哥乘勢發展空軍技術，好快就超越咗同盟國(法國心諗英國佬你都耐喇)。

38年3月，德國同跪喺度唉佢嘅奧地利合併。不久著名嘅慕尼黑會議召開，牙希以威爾遜總統民族自決原則為大義名份，要求兼併捷克嘅德語區蘇台德區。




喺英國人眼中捷克人同元朗民族一樣係笑話嚟，張伯話既然村民想跟返德國咪跟囉!而因為蘇台德同捷克嘅產業鏈互為一體，分拆後兩邊都會破產，於是牙希又喺1939年3月食埋捷克。縱大咗個膽嘅豹頭喺39年8月同蘇聯簽訂互不侵犯協議，再喺9月1日聯手瓜分波蘭。




布拉格作為神羅帝國自古以來嘅神聖領土，德國尚有理由併吞，但侵佔波蘭則純屬貪婪。加上佢仲同啲壞人眉來眼去，人民就算對政治再遲鈍，今次都感到憤怒鳥，佢哋高呼暴德膺懲，9月3日英國聯同法蘭西向德宣戰。

喺最初嘅8個月，兩邊都按兵不動，呢段時期被後人稱為“靜坐戰” 。40年5月，德國入侵挪威。同期英國國會對張伯提出了信任動議，張伯見自己臭已朵，只好黯然下台，由一名雪茄肥佬接任。

當時法國亦有一個人同邱相一樣不斷講told ya：夏爾•戴高樂1890生於法國東北里爾，佢昂藏七尺，仲高過193幾cm。戴蛇少年立志從軍，軍校畢業後被授予少尉軍銜，之後20年一直喺貝當麾下。佢喺一戰中曾三次受傷，之後喺凡爾登一役中毒氣昏迷，被德國俘虜後困咗兩年幾。戴蛇喺獄中得到十八銅人教路，學識咗德文。獄中嘅枯燥生活亦令佢諗咗好多嘢，佢喺凡爾登見識過坦克嘅威力，日後極力倡議建立裝甲部隊(不過冇人理佢)，喺二戰爆發時佢係官拜上校。

我都諗起佢

戴高佬因為童年時經歷過1898年法紹達事件，畢生對英國人都不信任。喺當時一支法國遠征軍抵達東非尼羅河流域嘅法紹達(位於蘇丹)，想喺嗰度戙旗，但就受到英國人阻撓。喺交涉中雙方都表現有禮，但都堅持對法紹達嘅主權。



當事件傳回巴黎同倫敦後，兩邊都民族主義上腦，但法國心知自己已同德國結下深仇，除咗攝英國佬褲浪底做人根本別無他法。加上當地嘅英軍係法軍十倍以上，根本冇得打。幸好當年牙屈事件越演越烈，公眾嘅視線被轉移。10月3日，法國政府下令低調退兵。



此事被愛國者戴蛇視為奇恥大辱，仇英嘅種子喺佢年幼心靈埋下；法國人因應德軍喺一戰時嘅攻勢，建造咗馬奇諾防線。名字來源於陸軍部長馬奇諾。防線主要由鋼筋混凝土堡壘、障礙同相應武裝所組成，29年開始起，40年先完工，主要位於法東蒂永維爾。佢造得十分堅固，但由於太貴，僅能防禦法德邊境。




但每個戰略家都只能為上一次戰爭做準備，今次德軍選擇繞過馬奇諾，借道比利時攻擊法北。法英軍官本來計劃喺比國樹立新嘅防線同馬奇諾防線，然而由於法比邊界嘅阿登高地地勢崎嶇，法軍認為德軍難以跨越，所以防守薄弱。但德軍卻藝高人膽大，選擇由此突破。40年5月德軍佯攻比利時誘盟軍支援，以主力偷襲阿登高地。德軍以空軍轟炸配合地面坦克攻勢，一路席捲荷比盧三國，好快就殺到巴黎。總理雷諾眼見首都快將淪陷，喺40年5月26日親自飛到倫敦搵邱吉爾商量對策，佢矢言自己絕不向敵人投降，但就憂慮自己會被願意咁做嘅人取代。同日盟軍下令進行發電機行動，即鄧寇克大撤退。



鄧寇克係法國加來省一個海邊小鎮，遙想當年正係百年戰爭風雲之地，今日就成為咗法英聯軍退守之處。盟軍用盡一切可以浮水嘅嘢，喺6日內成功將26萬英軍同9萬法軍運到英倫，當中民間嘅愛國者出力甚多。鄧寇克撤退後魏剛將軍尚有43個師防衛索姆埃納二省，但無論技術、人數、士氣皆落於德軍下風。6月10日，意大利嘅墨索里尼跟隊向法國宣戰。



法國因為將所有雞蛋放曬喺馬奇諾，以致首都防禦虛空。邱相自然希望法國人為佢做人肉盾牌頂多陣，但當佢詢問法軍仲有幾多個後備師嘅時候，得到嘅答案係一個都冇，佢當堂O曬咀(一戰時有60個)。

法國政府決定放棄巴黎，以法國中西部都爾為行在。雷諾總理係個品格高尚嘅人，誓言同納粹不共戴天。但佢個二奶早已被納粹收賣，仲令到耳仔軟嘅雷諾任命唔少親德份子入閣。而到咗呢個時候法英已形同大難臨頭夫婦，已是同床異夢。雷諾開始懷疑自私嘅英國佬打算放棄自己(都係事實) ，佢喺都爾同邱相放風法國將獨自同德國議和，邱相表示不會苛責受苦嘅盟友，但就要求法國軍艦要停喺英國港口，以免落入敵人手上。英法兩國當建立不可解除之聯盟，兩國國民身份互通，由一個共同內閣指揮。

喺雷諾眼中咁樣同比英國吞併無異，實在不能為任何有骨氣嘅法蘭西人所接受。但佢已回力乏力，佢喺6月16日向總統勒布倫請辭，推薦副總理貝當接任。

一戰老英雄貝當元帥已屆高齡84，佢以自身高德重望接下燙手山芋，並獲國會授予全權，第三共和至此結束。

總係要有人出嚟曲線救國

阿戴生都算有遠見㗎啦，feel 到大戰之後歐洲會變歐豬就想搞個歐洲人意識出嚟。差就差在太仇英，唔當英國佬喺歐洲人

貝當同戴蛇一樣對英國人有偏見(尤其是戴金絲眼鏡)。佢喺40年6月22日同德國簽署停火協議，當時法國已有九萬人死亡，二十萬人受傷，兩百萬被俘虜。

貝當遷都法國中部城市維琪，法北約6成領土被德軍佔領，新政府主要控制南部同法屬北非三省(阿爾及利亞、突尼西亞、摩洛哥)




由於維琪政府冇正式加入軸心國，因此仲保留住一個中立國假象。但被俘嘅200萬法國士兵將會確保貝當對德國人言聽計從，包括迫害猶太人同向納粹進貢。

雷諾退職前埋下一支伏兵，佢任命戴蛇為准將同戰爭部長。當戴得知貝當準備投降，就喺雷諾比佢嘅祕密基金中提取十萬法朗飛往英國籌建流亡政府。6月18日，戴高樂喺倫敦通過英國廣播公司開咪，佢勉勵法國人唔好認輸，號召佢哋抵抗德國侵略。自由法國就此誕生。

自由法國以聖女貞德用過嘅洛林十字架為標誌，短啲嗰條代表耶穌被釘十架時寫有拉丁文嘅木牌。



法國淪陷後其留下之海軍頓成隱患，盟軍要求法軍將戰艦駛到英美港口或法國嘅加勒比海港口，否則格殺勿論。但驕傲嘅法國人抗拒屈服，佢哋將戰艦開往北非阿爾及利亞港口凱比爾，並拒絕英軍接收。7月3日皇家海軍上將薩默維爾以英語表示“delay no more”，並定下當天五點半為deadline。到咗5點45分，喺得唔到法軍回應下英軍向其開火，三艘戰艦或嚴重損毀或沉沒，過千士兵陣亡。



戴蛇對凱比爾一事痛心疾首，但佢亦喺形勢逼迫下同英國人攜手合作。不久英國電台就出現一啲奇怪嘅法語短句，例如係“食咗宵夜未”或“床前明月光”，佢哋會以詭異嘅慢速重覆兩三次，自由法國就係用呢啲暗號向淪陷區嘅游擊隊下達指令。

初時本土抵抗運動主要係撕毀法西斯海報或者幫德國車放下軚啲小打小鬧，之後發展為掩護英國情報員，為佢哋往來全法嘅飛機做帶路黨。游擊隊成員好多都只係販夫走卒，佢哋以匹夫以身為國家興亡出力，而且好多都唔係後生仔。

就好似漫畫中設定為洋蔥農夫嘅游擊隊員


後來得邱相大力支持武器裝備，越燒越烈。佢哋一身硬骨頭，就算遭蓋世太保逮捕施以酷刑，都能守口如瓶。一被放走又繼續反抗。

40年8月自由法國得法屬赤道非洲(加蓬、剛果共和國、中非共和國、乍得)響應，令佢獲得首塊領土，並喺嗰度大量招兵。但北非仲係法奸嘅地盤。



41年12月珍珠港事變，美國正式參戰。42年夏英美聯手策動代號為火炬嘅軍事行動，佔領法屬北非：摩洛哥冇咩反抗就投降，阿爾及利亞抵抗較頑強，但都好快被擊敗。

巧合地維琪政權嘅代總理兼海軍上將達爾朗喺盟軍登陸前一日，前往阿爾及利亞探望佢感染小兒痲痺症嘅仔，結果意外被俘。佢答應同盟軍合作，說服阿爾及利亞法軍投降。並被盟軍任命為北非地區負責人。

貝當政府得悉後，解除達哥所有職位。德國更出兵佔領法國嘅剩餘領土，並準備接管法國海軍。然而法國海軍決定聽從達爾良德國人大勢已去嘅勸告，將所有艦隻鑿沉唔益佢。

戴高樂對於同大法奸達爾朗合作十分不滿。達哥無幾耐喺42年平安夜於阿爾及利亞被一名愛國青年刺殺，多年後得知係英國情報人員同自由法國所為(慘成condom)。

43年6月戴蛇抵達法屬北非首府阿爾及爾，同美國人屬意嘅吉羅將軍成為“法蘭西民族解放委員會”雙辦事。吉將軍係個逃獄天才，一戰被俘時曾逃出戰俘營，40年再次被捕又俾佢爬繩走甩，佢被盟軍帶到北非，以攤薄日益囂張嘅戴高樂權力。

兩位將軍絲毫不掩飾對對方嘅不滿----當兩人被要求握手合照，佢哋因為握手時間太短記者影唔切，而被要求重握。



吉將軍雖然逃獄叻但就冇咩政治頭腦，而且佢比戴仲難控制：佢對英國人嘅憎惡不下於戴，又公然讚揚納粹德國成就。

佢好快就俾有無上威望嘅戴蛇排除架空。戴將吉羅改調為總司令，令佢退出委員會，自己獨掌大權。

北非勝利仿佛為盟軍打下強心針，冇幾耐佢哋又喺意大利登陸，墨索里尼政權兩嘢就打咗柴。

隨住盟軍諾曼第登陸在即，戴蛇同盟友關係越發緊張。雖然法英有共同敵人，但大概邱戴二人唔會認對方為友。喺一次對話中，戴蛇吹奏自己已被法國人視為貞德轉世靈童，覺得佢好撚煩嘅肥邱忍唔住即刻駁咀：“咁你係咪想比英國佬燒多次數簿呀”，可想而知小鳩器嘅戴蛇會係幾嬲。

民族自尊心好強嘅戴蛇成日覺得自己同國家比英文人冒犯，周時發皮四。連邱相都慨嘆自己被迫背負嘅十架當中，以洛林最重。

除咗英國人外，戴高樂同美國人一樣唔妥。羅斯福總統對頑固嘅戴極度不信任，甚至唔想比佢參與登陸行動----法國人一直堅持使用幾分鐘就能破解嘅密碼，死都唔肯用英美系統。由於佢對英美盟友嘅唔配合，邱吉爾甚至聲言要將佢用鎖鏈解返去非洲。

d-day之後，戴蛇終於返到去法國故土。經過兩個多月嘅激戰，盟軍終於迫近巴黎，當時守護巴黎嘅德軍已經失去戰意，佢哋唔想執行希特拉炸毀巴黎嘅命令，寧願保存自身。

德軍守將喺8月25日決定向盟軍投降，巴黎經歷四年淪陷終於重光。

8月26日，戴蛇以勝利者姿態凱旋歸來，佢先喺凱旋門接受軍隊敬禮，再喺抵抗者“法國內地軍”領袖陪同下，沿香謝麗舍大道前行。當一行人到達協和廣場時，埋伏喺克里雍酒店嘅德國殘兵突然以狙擊槍向人群開槍‼️但戴蛇不為所動，改為搭車前往目的地聖母院。到達現場後槍聲更多，但戴蛇仿佛深信自己有天命在身，毫不畏懼地緩步走向教堂，even有子彈飛過身邊。



盟軍逐步收復法國多個城市，德軍傷亡慘重；而此時戴蛇正馬不停蹄地趕往莫斯科，佢希望蘇聯可以鎮住法共等佢哋唔好攪事。史太林因為要靠美帝嘅物資租借法案搵食，於是欣然同意。雙方喺飲咗好多伏特加之後達到協議，為日後合作打下基礎。

希特拉不甘失敗，喺44年底孤注一擲，派遣最後一隊德軍妄圖越過默茲河攻擊布魯塞爾。藉此擊破英軍中唯一尚有戰力嘅加拿大兵，迫美國講和。



德軍將領心知元首不過痴心妄想，但反正已輸無可輸。二戰最後一役喺比盧邊境阿爾丁打咗三星期，牙希都係搏唔到翻本，佢嘅下場就如同所有窮途末路賭徒一樣，45年4月牙希喺柏林一個地下室自殺身亡。

為商討地盤劃分，羅史邱三巨頭45年2月喺蘇聯克里米亞召開雅爾塔會議，羅斯福話見到戴高樂就憎所以無嗌佢。



雖然戴蛇冇被邀請，但三人最後都達到共識，就係為咗世界平衡，唔可以將法國人拒之門外：德國被劃分為美蘇英法四國佔領區，新成立嘅聯合國五常中亦有法國一席位。

戴蛇對被杯一事耿耿於懷，佢將怒氣發洩喺在法英國人身上。45年6月18日巴黎舉行勝利巡遊，戴明令禁止英國人參加，所以當佢喺巡遊中見到斯皮雅斯夫人嘅救護車上有英國國旗(英旗同三色旗平排)，就馬上命人趕佢哋走，連同車上嘅英國人遣返英國。



斯皮雅斯夫人喺戰爭期間集資建立救護車隊，救咗超過2萬法國人，佢丈夫為駐法武官，喺40年幫手將戴蛇屈蛇去英國。

方丈雖然對街外人小器，但對自己人就幾寬大。佢嘅老上司貝當被視為頭號法奸被判死刑，但就獲佢特赦為終身監禁。貝當被放逐到法西外海小島，直到95歲先離世。

亦因為自由法國只係一班雜牌軍，無一個完整嘅治國班底，因此維琪政府嘅官員大多獲得輕判，只有最惡名昭彰3人被處死。另外有2千人因通敵被判死刑，但只有不到800人執行。

但愛國民眾唔想輕饒法奸，全國各地無數人被認定通敵而被處以私刑。好多女人喺戰爭期間為咗自己同仔女生存而獻身德軍，戰後淪為愛國人士嘅洩憤對象，被剃頭遊街示眾。



戰後法國百廢待興，人民生活仲慘過三年零八個月。因為納粹德軍將所有運輸工具帶往戰場，令全城缺乏糧食，幸好喺盟友協助下逐步改善。

由於戰前眾政界元老已失清白，眾人公推戴蛇為首成立臨時政府。佢選擇唔搬入愛麗舍宮，而係同家人住喺市郊嘅簡樸一戶建。

45年9月法國舉行公決，捨棄第三共和建立第四共和國。但其實都係換湯唔換藥，第四共和嘅體制同第三極度相似，而且加大咗議會、削弱咗總統嘅權力，令總理成為事實首腦。

戴蛇被選為臨時政府總理，但慣於獨斷獨行嘅佢對第四共和憲法十分不滿，佢認為應反其道而行，加大總統權力，給予總統組閣權，以免政權被黨爭癱瘓。

但佢同佢嘅門徒始終不敵溫和左派(社會民主黨)同溫和右派(天主教徒)為主嘅大多數。戴高樂喺46年1月被迫辭職，佢本來以為會群情洶湧，可以挾民意反cap。但法國人同45年嘅英國選民一樣，喺戰爭結束後已經忘記佢哋嘅英雄。

首個第四共和內閣由溫和左派主導，同極右嘅戴派一樣被排除在外嘅仲有極左嘅法共。戴蛇只好回到家鄉里爾老驥伏櫪，一伏就係十二年。

喺美國馬歇爾計劃帶動下，第四共和法國國力慢慢回升。但事態發展應驗戴蛇預言，由中左中右組成嘅第四共和極唔穩定，導致一連串短命內閣嘅出現。而佢哋面對海外衝突時，亦顯得表現拙劣，進退失據。
 
越南保大帝喺二次大戰期間曾經同日本人合作，加入大東亜共榮圈。日本戰敗投降後法國人重返印支，但越南人唔想跟返佢。45年9月胡志明喺河內宣佈獨立，建立越南民主共和國，背後有蘇聯同中共撐腰。



46年底開始法越雙方爆發全面戰爭，情勢陷於膠著，直到54年3月奠邊府戰役爆發。



嗰度係一個四面環山嘅盆地，四周為峻嶺叢林，交通極為不便。法軍以己度人，誤判越軍好難將重型火炮運到此地，以致越軍以數倍於法嘅火炮擊敗法軍。

此戰法軍大敗，整個越南戰爭陣亡士兵人數達9萬人。主戰嘅右派總理被迫下台，由鴿左孟戴斯-弗朗斯上場。

孟總決定唔再喺遙遠嘅亞洲殖民地曬時間，佢喺日內瓦同胡志明達成協議，北緯17度以上由北越控制，南部依然由保大帝領導，法國順便亦放埋老柬兩國獨立。好快保大就比佢嘅首相吳廷琰廢黜，流亡巴黎終老。



越南成功脫法鼓舞咗法屬非洲嘅被殖民者，法國人喺非洲嘅經營以阿爾及利亞為重點，佢哋將嗰度升格為海外行省，係法蘭西人心中不可分割嘅領土。



喺北非當地嘅人口以柏柏人同阿拉伯人為主，但其實佢哋嘅分別只係生番/熟番，即阿拉伯化嘅柏柏人同未經阿拉伯化。

54年11月，爭取阿爾及利亞獨立嘅民族解放陣線開始反抗法國人，佢哋針對性咁破壞各種設施，手段酷似近代嘅伊斯蘭極端武裝。而因為法殖喺北非強推法語普及教育，阿獨份子領袖同胡志明佢哋一樣，都係受法語教育長大。

法國人對於阿爾及利亞明顯比印支看重得多，佢哋喺百多年來大量移民北非，形成被稱為“黑腳”嘅群體，名稱由來有說係因為法國士兵同軍裝一樣著黑色boot，同唔著鞋嘅當地人呈強烈對比。佢哋最高峰有成百萬人。

因為阿爾及利亞嘅特殊地位，使孟總唔能夠好似放棄東南亞咁灑脫。佢將阿獨活動定性為叛亂同內戰，堅決鎮壓。

但巴黎政府一直無力平亂，孟總旋即下台。之後嘅四年內閣好似走馬燈一樣，駐阿法軍同黑腳人對巴黎越來越不耐煩，喺58年5月組成統派“公共安全委員會”，自立門戶。

巴黎國會此時已對亂局束手無策，佢哋需要一個喺軍中有無上威望嘅人打救佢哋，一個塵封已久嘅名字浮上水面。