【歷史po】法唔法國。。。。

可能因為對長年宿敵哈家心懷怨懟，亦因為受到急於建功立業嘅軍隊所裹挾，天性軟弱嘅路十五決定企喺普魯士一方對付奧地利及其盟友英格蘭。但呢個決定對國家而言絕非正確----勢力茁壯嘅普魯士會喺將來統一德意志，成為法國嘅心腹大患。

戰事於1748年結束，普魯士成為最大然家，得以保有西利西亞，從此成為日耳曼地區中足以威脅奧地利嘅強大勢力。

而法國則一無所得，路十五出於奇怪嘅榮譽心，不屑於兼併佔得嘅領土。佢仲好型棍咁話“我係法國國王，唔係商人”，可想而知出生入死嘅將領們反應係如何啤～一聲。

而由於當時已經係殖民時代，列強都有海外利益，因此戰火亦燃燒到北美洲同南亞次大陸，主要對手依然係百年宿敵法英兩國。1748年嘅亞琛和約並未為兩國妥善解決殖民地盤糾紛，仿佛要為下場戰役埋下伏筆。



打完仗又係時候打下炮。路十五結婚初期對妻子十分忠貞，然而佢終歸同陳港生一樣難抵七年之癮，開始拈花惹草。從心理學角度分析路十五因為自幼缺乏母愛，所以特別需要女性陪伴(野史記載佢喜歡食奶奶play)。

路十五嘅著名情婦包括瑪奕-內斯萊四姐妹，一男四女嘅風流韻事舉世聞名，國王陛下更嚴格按照年齡順序寵幸佢哋。



國王嘅女伴一直如走馬燈來來去去，直到佢喺1745年2月，一場化裝舞會上遇到佢嘅一生最愛：23歲嘅讓娜-安東妮·普瓦松。



讓娜當時已經係有夫之婦，亦不妨礙路十五對佢展開熱烈追求。一個月後兩人已經開始喺凡宮同居，到7月路十五更賜封佢為龐巴度貴妃。

不同於其他cheap雞，龐貴妃絕頂聰明又受過良好教育，even當代文豪伏爾泰都好尊重佢。佢亦都好識做人，同王后keep住良好關係。

龐貴妃從此成為宮中以及法國政壇嘅紅人，國王幾乎日日同佢形影不離，無論係打獵、賭錢同出巡都帶埋佢。

法國佬號稱歐洲支那人

我淨係知英格蘭係法蘭西自古以來的領土

法國自古以來的領土

+1

龐貴妃另一方面亦積極支持文藝活動，包括監督建造現名協和廣場嘅路十五廣場、凡宮嘅小特里亞農宮、以及歐洲最著名嘅陶瓷廠塞夫爾。



龐喺政壇上嘅龐大影響力亦都改變咗歷史走向，佢成功說服路十五放棄普魯士改撐奧地利(其中原因亦包括腓二世喺奧地利王位戰期間兩次私自停戰，但就連通知盟友法國都費事)。再加上俄國女沙皇亦都頂唔順腓二世嘅陰謀間諜活動(有興趣可睇下我嘅俄羅斯拙作🙏)，對普魯士十分反感。於是法奧俄就喺1756年5月簽訂凡爾賽條約，共同反對野心家腓二世。

仇視女性嘅腓二世心諗平時已經唔夠妳哋爭仔，而家妳班臭❌仲要夾埋造鳩我，實在令人難以接受‼️佢輕蔑地稱呢個聯盟為“三條襯裙”，但佢不久就要為自己嘅自負付出代價。



而奧地利嘅原盟友英國亦因為被法國威脅到漢諾威利權而捲入旋渦。大英多年嚟同歐陸隔住個海，一直享有秦對六國之優勢。佢嘅政策一直係拉一派打一派，以免大陸有勢力獨大威脅到佢。當時無陸軍嘅普魯士就成為佢嘅天然合作對象。

1756年英普亦都結盟，兩大集團對壘之勢已成。當年8月腓二世正式入侵奧國附庸薩克森，7年戰爭正式爆發。

冇海軍謝指正🙏

歐洲大國
法國俄國同以前嘅奥地利樓主都寫過
仲有土耳其

土俄歐洲死毒能邊緣人

唔經唔覺就見到美國同大革命

1756至63年嘅七年戰爭，總共打咗七年。戰事未在非洲發生，反而喺北美燃起。當時法國已經喺加拿大、伊利諾、路易斯安那等地經營殖民點多時，但呢幾個地方都被英國殖民地所包圍，形成甕中捉鱉之勢。

大概英國佬就係發覺人嘅天然剋星，1759年英軍已佔領魁北克(呢度到而家仲係講緊法文)，之後又喺法國手上奪得幾個加勒比海島嶼。

1760年英國已佔領整個法屬加拿大。而喺歐洲戰場上腓二世一度被俄軍迫到上絕路，幸運地62年女沙皇伊利沙伯去世，由其姨甥彼三世續位，咁啱牙彼極度崇拜腓二世，普魯士因此執番身彩🎉。

1763年巴黎和約結束咗法英之間嘅對立關係，英國又又又再次食到法國佬滑夾順。北美洲絕大部份殖民地過戶咗俾大英，南亞次大陸also。

法國被剝奪大量殖民地，並背負沉重嘅戰爭債務，導致咗十多年後對英國嘅報復戰爭。



龐貴妃1750年死於肺結核，伏爾泰由衷地表達出哀傷之情。其位置好快由原名讓娜·貝屈嘅杜巴利伯爵夫人所取代。



不同於學養豐富嘅龐妃，杜妃多年嚟都係巴黎上流社會嘅著名交際花。佢對政治毫無興趣，只愛手袋靚衫珠寶。沉曬船嘅路十五為佢無限奉獻，但可想而言宮中嘅人對佢比龐妃更為憎惡。

「勃蘭登堡王室的奇蹟」

路十五因一次重病時得全國臣民為其禱告，而被稱為“受喜愛者”。但當臣民們發現佢生活糜爛放縱，大概都後悔曬時間祝福呢條友。

1757年1月5日傍晚當路十五喺凡宮探完個女諗住返歸時，黑暗中突然殺出一個後生囝揸刀刺佢側腹。幸好當時係寒冬，路十五著住好多衫，因此僅受輕傷。

刺客被嚴刑拷打後處死，路十五對自己嘅遇刺感到百思不解，認為自己對得住天地良心。



但事實佢嘅所作所為全部都傷害緊法國人民，佢性格軟弱無能又懶過西，幾乎日日掛住玩不理政務。連年征戰加上佢嘅奢華消費，沉重嘅負擔都落喺人民頭上，尤其是巴黎首都圈。

路十五嘅行徑連個仔都唔妥佢，但因為太子早死過佢九年以致奪位陰謀流產。1774年路十五第二次感染天花(乜唔係有抗體咩)，5月10日病逝終年64歲。留下歷史金句“我死之後，將會洪水滔天”。

王位由太孫繼承，路十六當時已20歲，波旁王朝首次不需要攝政。



路十六係個肥柒毒撚，性格優柔寡斷，但佢身邊嘅人都認為佢有一顆善良嘅❤。佢缺乏交際手腕，說話態度往往嚴厲又唐突，比人一種唔c服嘅感覺。路十六雖然缺乏魅力，但絕非蠢材。佢精通英語意語，而且仲有一個特殊嗜好就係整鎖(咁似明朝天啟)，時人稱其「鎖匠國王」。

路十六娶奧地利公主瑪麗·安東妮，佢係瑪利亞·泰瑞莎幼女，自少備受寵愛，性格活潑貪玩，不喜讀書(即係mk妹啦)。



路十六因為性格太毒撚，加上佢個虔誠太子老豆成日同佢講述阿爺嘅墮落事跡，以致佢好驚女人。

兩人嘅洞房花燭夜並唔順利，路十六一入房就瞓咗。到之後7年兩人都未能順利圓房，以致民間出現不少流言蜚語，話王后周時攪埋啲3男2女sex party。

好彩到咗78年瑪.安終於誕下一女，3年後更為國王誕下太子。

路十六時代正正係啟蒙時期（法語：Siècle des Lumières），當時嘅作家提出咗現今被視為左膠嘢嘅民主自由平等反宗教等思想。Siècle des Lumières喺法文中代表光明，意思係要照亮黑暗愚昧。




就連國王路十六都受到啟蒙思想影響，儘管性格優柔寡斷，但佢決心要做一個聽取民意嘅好國王。佢廢除咗祖先路十四嘅宗教不寬容政策，1787年簽署咗凡爾賽法令授予非天主教徒包括胡格諾派、路德派、猶太人信仰自由同公民權利，推翻咗已經成為法律過百年嘅楓丹白露法令，正式結束宗教迫害。

而為咗解決始終揮之不去嘅財政赤字，路十六喺74年任命著名經濟學者杜閣為財政大臣(自路十四廢相以來，財政大臣已形同實質宰相)，伏爾泰形容佢嘅理論能為法蘭西建成一個人間天堂。



杜閣採取開源節流辦法希望改善財政，佢自己帶頭減薪四成。並喺76年推行六大改革，包括廢徭役、黜行會、取消若干苛捐雜稅。

但呢啲政策就受到即得利益者抵制：銀行家同稅吏因利益受損而反對、農民亦不滿佢嘅穀物自由貿易政策、被路十六恢復嘅高等法院貴族們亦不滿杜試圖削減佢哋特權、連王后都不滿杜嘅緊縮政策，限制佢大花筒亂駛錢。

而路十六本人十分耳仔軟，加上杜閣為人恃才傲物、高高在上嘅態度刺痛咗佢脆弱自尊心。

如果路十六始終能夠信任杜閣，或者法國大革命就唔會發生。76年5月國王解僱杜閣，財政改革亦隨之取消，拯救法國嘅唯一希望就此幻滅。伏爾泰沉痛地表示：「我的❤永遠不能平靜」(花貓你。。。)

其實路易十六一定唔係暴君
比前後期路易十四同路易十五玩到國家收皮

一係就 keep 住壓迫，一放鬆就要放到盡

中間多數收皮

有人留言話法國係歐洲嘅中國，人口幾百年黎第一