【歷史po】法唔法國。。。。

大屠殺標誌法國宗教戰爭嘅轉折點，新教喺大量領導人被殺後，好多信徒都信返天主教保命，淨低嘅人則變得越來越激進。

新參駙馬亨利.波旁喺發誓皈依天主教後倖免於難，有說呢個係嘉太后嘅策略，放水留佢一命以制衡吉斯家。而查九世自屠殺以來，精神狀態一直好差，佢抱怨聖巴多羅買嘅死者喺佢耳邊尖叫，令佢寢食難安。1574年，23歲嘅查九世死於肺結核，因為無婚生兒子，王位落到幼弟亨利手上。

不該成王嘅亨三世當時已獲選為波蘭國王暨立陶宛大公，但佢只係喺嗰度留咗半年。亨三世據說有異裝癖，喜歡穿女裝，身邊仲成日跟住幾個Anson Lo咁款嘅侍從，同性戀之說甚囂塵上。



亨三世即位期間新舊派抗爭持續，大屠殺令新教徒元氣大傷，而以亨利.吉斯同胞弟紅衣主教路易為首嘅舊教徒則吐氣揚眉。雙方且戰且和，到1584年因為法王幼弟兼假定繼承人法蘭索瓦去世而白熱化。

由於亨三世理所當然地無仔生，根據薩利克法，下一任王位繼承人會係亨利.波旁，因為佢係聖路九世嘅直系男性後裔。

新教徒有可能成為國王令天主教徒大為驚慌，吉斯家族投靠西班牙同國王腓二世結盟，向亨三世施壓。終於喺壓力下亨利.波旁嘅繼承權被取消。

但亨三世嘅緩和措施並無效用，亨利.波旁亦取得英國及德意志地區新教盟友支持，最終又喺85年演變成戰爭。由於戰爭中三個主角都叫亨利，理所當然被稱為“三亨利之戰”。



當時首都巴黎居民主要係天主教徒，喺講道者煽動下，佢哋普遍不滿對新教軟弱嘅國王亨三世，更憎惡佢嘅奢華生活同肛交行為；人民反而崇拜同佢老豆一樣好打得嘅亨利.吉斯，因為佢擊退咗入侵嘅德意志新教軍。

1588年5月9日，喺西班牙無敵艦隊遠征前夕，得到西班牙支持嘅吉斯公爵帶兵進入巴黎，佢面見嘉太后並得到佢嘅支持。再喺翌日帶領400人，好似吹雞曬馬咁覲見亨三世嚟威嚇佢。

喺之後兩日國王同吉斯公各自調派軍隊入城，亨三世委派法蘭西警衞隊及瑞士傭兵加強巴黎防衞。5月12日上午，兩邊軍隊不斷集結，而巴黎人民亦都自發上街，仲帶埋屋企嘅傢俬砌成街壘。

亨三世似乎消息唔太靈通，誤以為巴黎市民嘅街壘係為抵抗吉斯軍而起，對佢哋嘅自發行為冇咩反應。市民見正苦軍不作為，將路障地點大大向前，甚至起到距正苦軍只有數步之遙。



時間嚟到5月12日下午，一支警衛隊喺莫貝廣場清拆路障時同市民發生衝突，但就遭到民眾圍困。沿途房屋嘅民眾仲不斷扔下重物攻擊士兵，士兵亦開槍還擊，局勢徹底失控。

大量嘅街壘切斷咗警隊嘅聯繫同補給，亨三世只好命其撤退，到晚上亨利.吉斯喺人民夾道歡迎下控制咗除羅浮宮外整個巴黎，亨三世只好連夜慌忙出逃。

咩料

黎塞留唔單以意識形態優先主導外交活動
而家班現代鍵盤戰士連幾百年前既古人都不如

其實同血婚係好似
唔單止係呃人入黎雞犬不留,仲係派系名義第二號人物（亨四/艾德慕）聯姻而且事後死唔去。參加既第一號人物（科利尼/羅柏）被殺

樓主

期待三十年戰爭歐洲大混戰

天主孝子法蘭西昨打騎士團，今日囚聖座；眉來眼去鄂圖曼，拔刀相助新教徒

三亨利時代結束，亨四世最後都步上遇刺後塵。但佢愛民如子嘅親和作風依然被後世人懷念，令佢被稱為大帝同好國王。

亨四世本來娶亨三世之妹為妻，但兩人關係不睦而且無子。亨四世一直想休妻改娶同佢生咗3個仔女嘅情婦結婚，但就因情妻難產而計劃流產。

最終亨四世嘅婚姻被教宗宣告無效，佢之後改娶麥地奇家族嘅瑪麗為妻。

但亨四世同瑪麗關係都麻麻，一來因為好色嘅亨四世再婚後都繼續鹽叔，二來瑪麗係個肉地絲（招王室巴❤）。

不過亨四世依然同佢生咗5個仔女，其中9歲嘅長子路易十三喺佢遇刺後接位，瑪麗成為攝政太后。



瑪麗係個地道嘅意大利人，佢重用同鄉孔奇尼為王國首席大臣把持朝政。另外佢喺外交上親舊教而遠新教，與西班牙接近，並安排兒子路十三同西班牙公主安妮聯姻，令新教徒大感不滿。

留名學嘢

黎生返工啦

黎塞留出身普瓦圖地區小貴族家庭，由於係第三仔所以去咗做教士。佢早年嘅仕途並不順逐，喺1606年黎塞留被亨四世任命為呂松主教，但主要負責賑濟工作，直至16年先升到外交部長職務。

1617年路十三誅殺孔奇尼同流放太后，黎塞留亦被牽連，走咗去亞維農，但好快就得以重歸宮廷。1622年黎塞留被任命為樞機主教，兩年後成為法國宰相。

黎塞留相貌堂堂，留羊咩鬚同有個鷹鈎鼻，比起路十三睇落更有王者風範。佢精通權謀術數，更富於外交才幹，令法蘭西往後數十年得以縱橫歐洲。



1618年，中歐爆發30年戰爭。呢場宗教戰爭可以話係法國宗教內戰嘅加強版，起因係神羅皇帝斐廸南二世推翻波希米亞（捷克）嘅信仰自由敕令，並派遣耶穌會教士意圖復興天主教，引起當地人反抗。

而波希米亞議會喺1619年推舉信奉新教嘅普法爾茨選帝侯腓特烈五世為王，並得到北日耳曼新教諸侯響應。尼德蘭（荷蘭）亦希望喺西班牙獨立，而丹麥、瑞典就早已喉住北海同波羅的海嘅德意志領土同港灣。另外再加上同西班牙海上爭霸中嘅英格蘭，新教聯軍得以同哈布斯堡家族抗衡。



黎塞留樂見死敵神羅後欄失火，但法蘭西畢竟係個天主教國家，王后安妮係神羅公主，黎蛇自己更加係羅馬教廷嘅要員。

但係喺黎塞留心目中，佢首先係法國嘅忠臣，其次先係一個神職人員，佢相信人類先有永恆不滅嘅靈魂，而無靈魂嘅國家頂多只有幾百年時間，國家一但滅亡則無法重生。如果執著於意識型態，任由包圍法國嘅哈家坐大，最終法國必淪為神羅附庸，有負先王囑託。

呢個理論同出師表一樣難以反駁，表面上保持中立嘅法國開始暗中資助新教徒，包括每年資助瑞典一百萬里弗爾軍費。1625年黎又提議英國、荷蘭、丹麥等國結成反哈聯盟，本嚟只係波希米亞人反抗神羅嘅鬥爭由此演變成全歐戰爭。

大混戰

法國喺30年戰爭初期一直保持pre參戰狀態，直至瑞典國王古拉塔夫二世1632年喺呂岑之役陣亡。兩年後神羅同西班牙聯軍再喺訥德林根（位於德國南部巴伐利亞）大敗以瑞典為首嘅新教徒聯軍，黎塞留終於按捺不住，喺1636年8月正式向哈家宣戰。

但新教諸侯因為相繼戰敗，或者又想睇下舊教撚狗咬狗，個個持觀望態度，只得法國孤軍作戰。西班牙同神羅聯軍南北兩路夾攻法國，西軍一路打到法北，甚至進迫巴黎，但最後被法國擊退。

但係當戰事陷入膠著狀態，法國王室嘅優勢開始展現：法國對比哈布斯堡嘅統治更為中央集權，可以集結更多資源做軍費，相比封建性質較強嘅哈家就因為負擔過重，慢慢走向破產。

1638年，法軍開始反攻，先後攻打西班牙嘅巴斯克同加泰隆尼亞，更支持加泰隆尼亞嘅獨立運動（然而4百年過去仲未獨立），間接導致葡萄牙脱離西班牙，嚴重削弱西班牙統治。

1638年8月，法國海軍打敗舉世聞名嘅西班牙海軍。到咗1639年，西班牙海軍更加喺唐斯之戰俾新興勢力荷蘭大炒，43艘艦船或沉或被俘，死亡六千人。

發生喺英倫海峽嘅唐斯海戰：



西班牙佬食咗生炒骨，以致佢失去咗運兵支援前線嘅能力。到咗42年法軍已經進軍到所有天然邊界線，孤掌難鳴嘅奧地利戰敗求和只係時間問題。

點解法國咁親中

法國（同德國）作為歐洲大佬想喺美國、俄羅斯同中國之中平起平坐，唔想成日聽美國話
英國就想加緊同美國聯繫，同時加強加澳紐關係

三十年戰爭係第一場歐洲大戰

而家先睇到呢個po LM

(據說端午節嘅由來都係唔想啲魚寫楚辭)