【歷史po】法唔法國。。。。

幾千人共用幾十個公廁

分享下，法國喺17世紀人口係歐洲嘅五分之一，18世紀初人口多過俄羅斯

太陽王當時已經成為歐洲最有權勢君王，包括外藉軍團在內，法軍已經有成25萬常備軍，其他列強加埋先得十幾萬。

法國嘅強大令其他歐洲國家如坐針氈，佢哋開始聯軍起嚟反對法國，當中就有原來30年戰爭嘅盟友荷蘭。

法國同荷蘭嘅衝突源自當時尚由西班牙統治嘅比利時（南尼德蘭），1668年當法國喺遺產戰爭中打敗西班牙，想將比利時收入囊中，就引起視當地為兩國緩衝帶嘅荷蘭強烈反彈。荷蘭執政德·維特與英國瑞典結盟，施壓迫使法國同西班牙講和及歸還佔領土地。

但英瑞兩國同荷蘭本身都有矛盾，佢哋相繼被法國人收買背棄荷蘭。1672年，法國入侵荷蘭，迅速佔領荷蘭大部分國土（5／7個省），荷蘭史書日後將該年稱為「災難年」。



危險存亡之際激起荷蘭人嘅愛國心，佢哋好辛苦先喺哈家手上得到獨立，自然唔會退縮。為咗保護首都阿姆斯特丹，荷蘭人更以決堤水淹迫退法軍。



人民將被入侵嘅責任怪罪喺執政德·維特身上，佢哋迫使維特下台更將佢監生打死，同時擁立上任執政威廉二世之子奧蘭治親王威三世。



助法嘅英王查理二世同時喺1672年進攻荷蘭，但就不敵荷蘭海軍，終於喺74年退出戰爭。

威三世陸續拉攏咗西班牙、奧地利同普魯士，而法國則用重金拉攏北歐霸主瑞典，但瑞典就喺75年於德意志被勃蘭登堡選侯打敗。其後數年戰況膠著，總體上法國勝多敗少。路十四更用經濟戰手段大幅提高進口荷蘭貨嘅關稅，使阿姆斯特丹商人苦不堪言。

因為英國都唔想法國坐大，1677年威三世取得外交勝利，就係同佢表妹英王查二世侄女瑪麗公主結婚，向外界顯示英國即將出兵助荷。



路十四忌憚英國人嘅海軍，為免夜長夢多想喺有軍事優勢下盡快講和；威三世亦受到商會嘅壓力，加上財政困難，致使法荷西三方喺1678年簽署奈梅亨和約。荷蘭同西班牙承認法國獲勝，割讓咗多塊土地比佢，暫時結束咗抗爭。



1680年路十四接受巴黎市政會獻上嘅「大帝」尊號，成為歐洲名副其實嘅霸主。

可惜後代全部都係垃圾
有個仲要拉埋老婆一齊上斷頭臺

長命嘅帝王好難培養接班人，一係過自己死，一係喺舊臣影響下縛手縛腳，一人一句先王

威三世從此成為路十四一生之敵。後世人皆衡其以荷蘭愛國者，認為佢係為咗國家利益而同路十四作對。但係喺當時嘅人眼中，威三世最嬲係路十四扣押充公佢喺法國嘅個人產業(奧蘭治家出自法南普羅旺斯)。

事實上歷史人物同凡夫俗子一樣，都會因為雞毛蒜皮嘅切身利益小事而產生不成比例嘅極大憤怒。只不過佢哋嘅身後評價已經變成社會公器，變成任人打扮嘅小女孩了。

1686年，法國嘅反對者喺德國奧格斯堡結盟，成員橫跨新舊兩教，計有荷蘭、神羅、雙牙、瑞典同幾個德意志邦國。佢哋好多都係先前同法國聯手反對神羅嘅舊友。



1688年英國爆發光榮革命，威三世同妻子驅逐信天主教嘅外父占二世，成為荷蘭同英國嘅共治者。荷蘭橙嘅勢力頓時變得荷蘭勁，有力與法國爭雄。至1689年英國亦加入反法行列，奧格斯堡改稱大聯盟。

但野心膨脹嘅路十四對此不以為然，1688年8月法國乘神羅忙於喺東邊用兵應付鄂圖曼，攻佔萊茵河畔嘅普法茨，開始咗大聯盟戰爭。



法國同佢嘅對手由陸地打到海上，再由地中海殺到大西洋，足足打咗九年。到最後停戰嘅理由依然係經濟問題：法國喺94年失收、富裕嘅荷蘭亦被迫向趁機抬價嘅德意志諸國購買昂貴農作物、1696年威三世甚至感嘆「那有錢，你老母」，英國反戰情緒亦不斷高漲。

1697年秋天，法國同大同盟各國簽訂雷斯威克條約：法國同意降低對荷蘭關稅同歸還洛林，並放棄79年以來保留嘅大部份領土，只保留阿爾薩斯嘅史特拉斯堡同元西班牙殖民地海地。路十四並承認威三世為合法英王（收回對占二世支持），至此大同盟戰爭結束。

冇錯
路十四嗰曾孫做下一任
乾隆後又係開始廢

第二次百年戰爭開波

但和平嘅時間維持咗不足三年，1700年因為西班牙國王卡洛斯嘅死，歐洲又再風雲色變。

卡二世係一個可憐人，因家族歷代亂倫而身患包括發羊吊等多種遺傳性疾病，而且智商堪憂，被稱為“著魔者”。佢仲係性無能，佢娶路十四侄女奧爾良 瑪麗-路易絲為妻，理所當然地無後。



西班牙王位嘅繼承權成為歐洲政壇焦點，卡二世嘅兩個家姐分別嫁俾路十四同神羅帝利奧波德一世。1683年法國王后瑪麗-泰蕾莎病死。王后僅有一獨子長大成人，即為王太子路易14.33。太子生咗兩個囝，分別係日後嘅王太孫又叫路易同安茹公爵腓力。



換言之法奧兩國嘅王族都有權繼位，法國派出腓力，利一世派次子查理。

1700年10月時日無多嘅卡二世遺詔立17歲嘅甥孫腓力為繼承人，咁係因為佢身邊西班牙僧侶集團嘅操作。趨炎附勢嘅教士們遠神羅而近法國，佢哋喺彌留之下嘅卡二世身邊不斷低聲耳語，教宗英十二更親自寫信予卡二世：

先旨聲明，這個是正經post
你家姐一路都在法蘭西王國做王后
做了很多年，雖已是sen(人)ior
但留下嘅血脈仍由波旁家族後人承載
因此王位應由腓力繼承

卡二世本身已缺乏思考能力，喺病入膏肓情況下更無力反駁，佢不久即病逝。

推

但公道講句成日亂倫嘅哈家同卡二世血緣應該更為相近，而無行為能力者所立遺囑是否具法律效力亦有斟酌餘地。any肥兩邊為奪西班牙開始各自吹雞：



18世紀一開始歐洲又打仗。1701-04年法軍同神羅喺意大利、西班牙同海面上不斷發生戰事，初其時以人力物力具上風嘅法西聯盟佔優。

但專制王朝嘅阿基里斯之腱慢慢開始呈現：法軍主將旺多姆公爵路易·約瑟夫本為身經百戰良將，但聖上對身為宗室嘅佢同樣唔放心，派皇長孫路易為監軍。

任何將領都會認為戰場上嘅雙重指揮係一個災難。兩人為發號施令而爭執不斷，又要參考喺深宮之中路十四意見(當時佢已60有餘，不能親身上戰場)。

相反大聯盟嗰邊，以薩伏依嘅歐根親王同初代馬爾博羅公爵約翰·邱吉爾為主帥，兩人俱為出色嘅軍事天才，更難得嘅係佢哋惺惺相識相處融洽。

歐根生長於巴黎，其母為權相馬薩林之侄女，亦係路十四嘅初戀情人(14:我屌你老母)。據說路十四仲諗過娶佢為妻，但馬相自知家世低微，將佢嫁咗比歐根之父(但薩伏伊亦為意大利名門諸侯)。

歐根之母婚後帶同兒子搬回法國，又再次同路十四搭上，但到1679年因為牽涉入蒙貴妃嘅巫蠱事件而失寵。

1683年歐根21歲時希望參加法軍，但路十四對呢個其貌不揚嘅花𡃁表現不屑，立刻拒絕咗佢請求。當年正係鄂圖曼軍臨維也納城下之時，各國基督教青年懷抱十字軍式宗教狂熱，紛紛投效神羅軍。擊退土軍後歐根就留喺維也納為神羅效力。

路十四同乾隆都係遺產揮霍者

十全老人同大帝頭銜一樣發水

戴高樂都退過北約

法蘭西大國傲氣尚在

呢本好似ok

法德都想借歐盟坐大勢力，冇人會想做千年老二，法國正正就咁，刻意同美國有距離做第三方先吸引到新力量，跟足美國洗鬼理你法蘭西人

錢就你賺，道義就唔講，啲細嘅國家服唔服你

戰爭喺1702年出現轉折，英荷聯合艦隊喺西班牙西北維哥灣盡殲法西海軍，葡萄牙同薩伏伊於此役後更改投反法陣營。到04年英軍更攻佔直布羅陀(到今日仲屬於英國)，直接威脅西班牙本土。

反法更一路殺到馬德里，迫使安茹腓力撤出。奧地利查理成功登上西班牙王位。

但係西班牙人普遍支持腓力多過查理，加上神羅軍缺乏後勤支援，無法控制海岸線以外領土，未能令戰果加大。

1708年兩軍喺今日比利時嘅奧德納爾德交戰，法軍因為將帥不和同皇太孫好大喜功，導致法軍受挫。到咗1709年，法軍已經面臨崩潰。

08年底至09年初嘅嚴寒造成糧食短缺 ，連年征戰令國庫虛空，多個地方嘅軍人因為欠餉而兵變。

到咗呢個時候雙方開始喺海牙講數，但就因為路十四堅決唔肯放棄西班牙而破裂。

到09年9月，英荷聯軍由邱吉爾率領，喺比利時向法國邊境前進。路十四因為財政緊絀，命令主帥維拉爾公爵避戰死守。



邱吉爾因為幾年來不斷戰勝，犯下驕兵必敗之大忌。佢罔顧法軍佔有更堅固陣地嘅事實，喺9月11日下令猛攻，結果令聯軍傷亡慘重。雖然最後成功令法軍撤退，但聯軍陣亡嘅人數係法國兩倍。

馬爾普拉凱一役法軍只損失一萬二千人，聯軍則有2萬2千人，可以稱之為慘勝。法軍雖然退守，但核心部隊並未折損，亦令到法國有籌碼重回談判桌。

battle of malplaquet真係西班牙王位繼承戰高潮
法英奧三大名將惟一一次同場既戰役,villars硬頂認為係gustavus the great同frederick the great之間最著名既歐洲名將聯手攻擊
堅持指揮到失去意識最後搞到終身殘疾拖到聯軍慘勝,但係後世評價同知名度villars遠比唔上grand conde同turenne,證明踢好波但係贏唔到對評價影響真係好大

和平喺1711年隨住神羅皇帝約一世死去而出現曙光。無子嘅約一世順位繼承人就係胞弟查理，即代表查六世必得奧地利，再擸埋西班牙就會成為查五世一般嘅雄主。歐洲諸王室對皇權過大有著植根於腦海嘅恐懼，令佢哋對哈家支持大打折扣。而英國亦因為俄羅斯喺大北方戰爭擊敗瑞典，開始視其為比法國更大嘅威脅，希望同法國停戰。

1712年法英談判協議瓜分西班牙人嘅地盤。英國人表示海洋先係佢嘅世界，佢喺西班牙手上得到直布羅陀同米諾卡島，令皇家海軍嘅觸手可以伸入加勒比海同西地中海。另外亦奪得黑奴貿易特權，成為今次戰爭最大贏家。

13到14年其他國家亦相繼同法國傾掂數，只淨低查六世苦苦堅持。但當佢發現西班牙本土雖失，畢竟可以繼承意大利飛地包括那不勒斯、米蘭同薩丁尼亞，佢亦都同意再打落去已沒意思。

1714年，查五世同波旁家族和解，承認佢哋入主西班牙。但腓力五世及其後代必須同哈家一樣放棄對法國嘅王位繼承權，兩國永遠不能合併。腓五世喺之後30年統治西班牙，佢嘅後代直到今日依然係西班牙國王。

法國因為戰爭損失慘重，因而陷入財政困難。1715年9月，長年受糖尿病困擾嘅路十四去世，終年76歲。佢在位長達72年，係有紀錄在位最長嘅國王(第二位係不久前過身嘅事頭婆)。

法國人民對路十四嘅離去並不難過。國家以王都為圓心，向外搜刮百姓財富，越靠近國王就越容易被盤剝。路十四一朝涸澤而漁嘅做法令巴黎百姓生活苦困，對佢哋嚟講太陽王一啲都唔溫暖，直頭係撒哈拉沙漠毒太陽。



路十四另一為人詬病係佢廢除咗祖父嘅宗教寬容政策，宣佈新教為非法。好耐冇出場嘅胡格諾派信徒爭相移民到北美、英荷德等地，以後都無再返過嚟。新教徒好多都係優秀嘅工匠，佢哋嘅離開自然亦令法國經濟雪上加霜。

路十四死後心臟按照王室傳統被摘除放入銀盒，但就喺法國大革命時遺失。後嚟輾轉落入號稱無所不吃嘅英國地質學家威廉.巴克蘭手中，比佢食埋。但咁做對老饕路十四而言，大概亦係一個好歸處吧❗

波旁王室嘅寶座似乎同波波池一樣設有年齡限制。路十四因為太長命，以致白頭人送完個仔到個孫。1710年只有5歲嘅路十五登基(應該係絕無僅有由曾孫接班嘅例子)。


(係咪驚佢養唔大)

路十五兩歲時父母同唯一兄長就因天花病逝，令佢變成咗孤兒。攝政權因而落入佢叔公/路十四侄兒/女婿奧爾良 腓力之手。

腓力天資聰穎，佢以曾祖父亨四世為榜樣，希望建功立業。佢以玩囡方面學得最足而且青出於藍，有成過百個情婦。

自西班牙王位繼承戰以來，法國一直財政困難，腓力藉著減少宮廷開銷應付，亦不過揚湯止沸。

就係呢個時候佢喺賭檯上認識咗蘇格蘭人約翰.羅(John Law)，牙Law憑住高超嘅計牌技術得到攝政王賞識，被任命為財政大臣。1716年，佢成立咗法國首家中央銀行。



但係咁樣搵錢都係唔夠快，17年8月牙Law從法國政府獲得25年開發北美洲同貿易嘅壟斷特權，為此佢建立咗“密西西比公司”，並發行股票集資。佢嘅如意算盤係吸引想買股票嘅人購買政府公債，然後用公債購買股票，令政府得到貨幣。



喺當時新大陸開發同crypto一樣被視為劃時代新事物，牙Law亦利用各種廣告宣傳吸客：彩色版畫描繪著一座座金山銀山，純樸嘅印第安人願意以一整塊純金換取一口烈酒或者幾粒玻璃珠。

一時之間全法國人為此趨之若鶩，紛紛湧到金融區逵坎帕大街入貨，一個駝背佬靠住借個背脊俾人寫字，竟然都發咗大達。

1719年12月，密西西比股價漲到歷史高位15000里弗爾，相當於面值嘅36倍，更成為全歐洲嘅焦點。



但到咗1720年夏天，投資者失去信心，股價開始下挫，任憑牙Law點努力都未能挽回。價位雪崩式閪冧，到當年10月股價已經得返幾十里弗爾。

因為怕俾憤怒嘅群眾打死，牙Law只好漏夜著草，1729年佢喺威尼斯潦倒地死去。