呢個po冇嘢發現
今次開po係希望大家關注法國歷史問題
根據法國人自己發明嘅歷史，可以追溯到查理曼帝國以及同羅馬對抗嘅高盧人。但查理曼帝國同後續嘅加洛林王朝其實算係歐洲所有民族嘅共同祖先，真實嘅法蘭西另有起源，就係而家所謂嘅法蘭西島或”大巴黎”地區。
法蘭西島名稱由來有唔多嘅講法，有說係因為佢俾四河環繞，好似一個島嶼，而法國王室系譜就係源出於此。
王室嘅始祖為強者羅貝爾(Robert the Strong)，佢嘅家族來自比利時一帶，後來為西法蘭克王國(即加洛林王朝)效力，受封為曼恩公爵，成為封建貴族。
查理曼以後嘅加洛林王朝，隨住次級封建化嘅次第展開，王室嘅直轄領地逐漸減少。加洛林國王喺經過每代分封比自己嘅仔女家臣之後，最後直屬領地只淨低朗城一地，所以只被稱為朗城王。
而當時並唔止朗城一個國王，爵位亦都係唔固定嘅，呢個同封建主義嘅自由市場性質有關：
如果將封建領主當成係一個出賣武力同仲裁嘅自由市場，亦即係任何人只要夠勇武同公道，佢就可以得到相應嘅頭銜。
除咗爵位之外，中年紀君王亦都大多有個綽號，有啲係根據佢相貌特徵，例如禿頭、矮仔，亦都有啲係根據佢個人特質，例如虔誠者同鐵鎚。
如果你好打得，你就會好似羅貝爾咁被尊稱為強者，然後喺封建市場收到好多保護費。
羅貝爾就係喺對抗維京人同布列塔尼人侵略嘅過程當中，得到”紐斯特利亞國王”稱號，並獲得曼恩、安茹、圖賴訥
(今日法蘭西中部)等領地。
但國王嘅稱號並唔係世襲嘅，羅貝爾打仗唔夠多嘅子孫就得唔到國王封號，佢哋就叫自己做巴黎伯爵。
