【歷史po】法唔法國。。。。

對拿一世心懷不滿嘅佢仲有沙皇亞一世，佢對封鎖英國嘅承諾陽奉陰違，英國嘅商品因此經由俄羅斯源源不絕地進入歐洲大陸。

拿一世對佢嘅行為極度憤慨，決定喺1812年6月集結61萬大軍攻打俄國。拿一世深知俄羅斯實乃係易守難攻之地，但求以閃電戰喺三星期內將沙皇壓下。

俄國佬同賭聖一樣永遠得一招：佢哋用焦土戰術堅壁清野，打亂咗拿一世速戰速決嘅原計劃，亦令法軍得唔到補給。拿一世被迫深入敵陣，並希望透過佔領莫斯科迫降俄國。

法蘭西人畢竟唔係西伯利亞人，佢哋同龍懷騫一樣都會怕凍。嚴寒、瘟疫、飢餓令法軍損兵折將，導致佢哋戰力大減。

終於喺9月7日，兩軍喺莫斯科附近嘅博羅金諾相遇。此役為拿一世軍涯中最血腥一戰，兩軍加埋有25萬人參與，7萬人死亡，以法軍慘勝告終。



法軍戰勝後進入莫斯科，拿一世嘅如意算盤係等亞一世向佢求和。但佢睇輕咗年輕沙皇嘅強大決心，亞一世命令留守嘅莫斯科總督一把火將莫斯科燒到一乾兩淨，等法國人食西北風。

拿一世on99喺座空城過咗個零月，冬天已至，唯有喺11月初開始撤退。極端天氣令法軍繼續損兵折將，單係8同9號夜晚就凍死咗成萬人，到咗11月底法軍到咗別列津納河(今日白俄羅斯境內)準備過河時，法軍60萬人只係死淨4萬。

一過咗河拿一世再次拋下大軍極速回國，而另一條戰線就喺德意志地區展開。呢場喺萊比錫爆發嘅戰役有超過60萬人參加，拿一世以23萬法軍同俄普奧以及其他各國嘅38萬聯軍苦戰，係一戰前最大型戰爭。

1813年10月16日戰役爆發，法軍因孤軍深入，被聯軍所包圍。憑住兵力上壓倒性嘅優勢，聯軍成功殲滅法軍。不過就因為俄軍嘅失誤，令拿一世得以突破重圍逃回巴黎。

拿蛇睇住莫斯科全部燒哂應該都幾震撼

拿一世同塔狗嘅人生好似坐搖搖板咁此消彼長，當拿破崙灰頭土臉，塔列朗卻是吐氣揚眉；法蘭西馮道睇準波拿巴氣數已盡，早已經同俄國搭上線，佢對沙皇落盡鞋油，仲特登作咗首歌：



塔列朗尊亞一世為歐洲嘅救世主，only佢可以救萬民於水火，以正統君王身份擊敗投機野心家。另外佢亦同奧地利外相梅特涅見過面，提出要為奧國服務，並當場索取數百萬法郎。



塔列朗神機妙算，算準拿一世必攻俄國。佢預測嘅日期係4月1日，僅比實際日期差一個月零八日。

塔列朗嘅情報對俄國非常有用，對拿一世嘅戰敗作出鉅大貢獻。當拿一世揮軍出發時，對塔狗極不信任嘅佢諗過帶埋佢喺身邊方便監視，但就因為太忙唔記得咗，以致後來悔恨終生。

當法軍先後喺莫斯科同萊比錫鎩羽，各附庸國紛紛脫離獨立，塔狗亦密鑼緊鼓開始25。拿一世並非對佢嘅活動毫無察覺，一次當佢喺廷臣中見到塔列朗，頓時勃然大怒，甚至揚言要槍斃佢，塔狗即刻嚇到標尿。

但因為拿一世始終要依賴佢嘅外交天才去同反法聯盟談判；加上拿一世自恃旗有神級特務頭子、世界第一名警務總長富歇，認為塔狗不足懼。



富歇出身一般人家庭，靠住喺法國大革命中嘅政治投機上位(佢投票贊同路十六斬頭)。佢性格勤奮、心細如塵，係最優秀嘅間諜人才。另一方面因為佢毫無原則同心狠手辣嘅性格，亦被世人視為邪惡嘅馬基雅維利主義者(塔列朗評價富歇：一個無心肝無眼淚嘅冚家剷(您🈶️❓🤔))。

但呢個錦衣衛頭領喺私人生活中卻係個慈夫賢夫。佢老婆博娜係虔誠天主教徒，富歇同佢十分恩愛，從來唔會拈花惹草。富歇好保護佢嘅家人，只有佢親近信任嘅同僚先可以嚟佢屋企作客。按當時慣例有客到細路囝係要迴避，但溺愛孩子嘅富歇一向任由佢哋喺來客中間嬉戲。佢甚至話：“我嘅唯一訴求就係種壞老婆仔女”。



但當反法盟軍開始向巴黎挺進，現實主義者富歇亦對皇帝起咗異心，喺1814年參與刺殺拿一世嘅逆謀；而憂慮自己性命安危嘅塔列朗亦派出密使送信，建議盟軍立即進攻巴黎。

塔列朗又同守衛巴黎嘅馬爾蒙元帥會面分析利害，成功說服佢獻降。1814年3月31日上午11時，以亞一世為首嘅十萬盟軍開進巴黎，佢哋要求拿一世無條件投降同退位。



拿一世喺4月4日退位，讓位予佢同奧地利公主瑪麗·路易絲生嘅仔(因約瑟芬無子，拿一世同佢已於10年離婚)，3歲嘅拿二世即位為羅馬國王。



塔列朗力勸盟軍拒絕，認為此舉無異於拿一世垂簾。最終喺4月13日，拿一世喺巴黎楓丹白露宮宣佈無條件退位。



拿一世退位後仍保留皇帝頭銜，但就被放逐去地中海嘅厄爾巴島，並被限制活動於島內。拿一世喺日記中寫下佢對塔狗嘅怨恨：塔列朗係法奸同波旁支持者，潛伏喺自己身邊，暗算出賣自己。

拿破崙不愧管理學天才，佢將厄爾巴島打理得井井有條。小島喺佢統治下煥然一新，佢推行經濟農業改革，建築道路同開採鐵礦。佢仲以手下600名護衛為基礎，建立起小型海陸軍。

而喺當時法國本土塔狗正春風得意，佢喺權力真空期以帝國副大選侯身份召集元老院會議，成立以佢為首嘅臨時政府。已屆花甲之年嘅塔列朗力薦路十六細佬普羅旺斯伯爵為王(自稱路十八)，為此佢耍起兩面三刀手段，一方面喺列強面前話法國人深愛波旁王朝(現實上憎到佢死)；另一方面同民眾講俄國佬一定要波旁復辟，否則將報莫斯科一箭之仇，火燒巴黎。

人民已經被廿幾年嘅戰爭攪到筋疲力盡，佢哋同香港人一樣選擇咗低頭做順民，沉默地接受復辟王朝。

5月3日，路十八返到巴黎，當時已經60歲。



跟住國王返嚟嘅仲有大批逃亡貴族，流亡在外多年嘅波旁黨心態近似“還鄉團”(指國共內戰期間國民黨所組織地主武裝，https://zh.wikipedia.org/zh-hant/%E8%BF%98%E4%B9%A1%E5%9B%A2)，對鬥過地主嘅貧下中農恨意極深，尤其係拿大軍復員軍人。

佢哋亦同拿一世一樣憎恨塔狗，但又離唔開佢；塔列朗靠擁戴之功喺國王同貴族身上搵咗好多着數，好似鹿鼎公咁花差花差大發其財。

塔列朗又再次被任命為外交大臣，佢希望盡可能保留一啲革命所獲得嘅成果，以新舊結合方式建立一個融和體系，但好快就失望了。

波旁拒絕採用法國人喜愛嘅三色旗，堅持用回代表王室嘅白色。班離地撚唔知道多年嚟法國人民已經將白旗白徽當成白僑叛徒嘅標誌，本時用嚟做靶。

塔列朗鄙夷地說：“波旁們什麼也沒有忘記，但什麼也沒有學會”。

但畢竟時代已經唔同，路十八好好醜醜都立咗部憲法，試圖建立英式君主立憲制。

14年5月30，巴黎和約正式簽訂，規定法國要將拿一世打返嚟嘅地盤嘔出，邊界退回1792年。呢個盤口公道講句算幾寬鬆，法國只係將拿一世嘅軍事成就放棄，甚至唔需要賠款。

塔列朗多年嚟出賣拿破崙有功，成為佢同列強bargain嘅重大資本；更重要係列強希望法國完整保留，以期於戰後歐洲建立均勢。

龐大嘅法蘭西帝國退回1792年國界，以致近半個歐洲無人統治。為咗商議呢批領土歸屬，列強喺1814年9月18日於維也納召開會議，法國方面當然由塔列朗代表。

會議由梅特涅主持，英俄奧普魯四強以及同埋超過200個政治實體嘅代表都出席咗會議，被視為日後國際聯盟同聯合國嘅雛型。

會上以奢華嘅娛樂而聞名，可謂有K有糖、有囡有房。兩個皇帝、五個國王、二百幾個貴族以及全歐洲聞到錢味而嚟嘅公廁娼妓，成十萬個脂粉客同姣婆一齊喺度通姦享樂，佢哋嘅日常就係喺不斷舉行嘅舞會同宴會中渡過。



塔狗喺咁嘅環境自然如魚得水，但佢無忘記自己身上負有為法蘭西爭取利益嘅重責。雖然法國係戰敗國，但塔列朗喺會上泰然自若，行為舉止猶如戰勝國嘅高貴使者。佢睇穿四強為咗瓜分拿一世嘅遺產，必定會狗咬狗起嚟，令佢有好多上下其手嘅空間。

塔爺為咗幫法國取得發言權，提出“正統主義原則”，即既然歐洲各國都恢復到1792年前嘅疆界，法國波旁王朝自然以正統王朝嘅身份，取得同四強同等地位。

佢知道英奧兩國都對新興勢力普俄有疑忌，所以先後拉攏英國外相卡斯爾累同梅特涅。塔列朗又提出建立英法奧祕密同盟，得到兩人同意。

透過塔列朗嘅合縱連橫，法國得以擠身五強行列，三國更成功阻撓咗俄國吞併波蘭同普魯士鯨吞薩克森(雖然最後波蘭都係比俄普瓜分，薩克森喪失4成土地，但仍以緩衝國喺法普之間存在)。

塔狗依然不脫貪財本性，佢收咗薩克森國王五百萬金法郎為佢爭取土地，又喺舊那不勒斯國王處得到二百萬法郎。



經過幾個月嘅討價還價，塔列朗為法國取得唔少成果：法國又再次成為列強之一，世仇普魯士發展再阻，塔列朗強大嘅外交手腕應記一功。

正當歐洲各國喺維也納快樂地分贓時，忽然晴天一聲霹靂，一個驚人嘅消息傳來----1815年2月26日，厄爾巴島嘅囚徒脫獄了‼️‼️‼️

拿破崙後期，歐洲大陸首次出現四位皇帝
真四皇
多謝樓主，四個大國都講過（土耳其奥地利俄羅斯法蘭西）

Alsace-Lorraine 係屬於德國嘅

拿一世召集佢所能召集嘅所有士兵，塔上雙桅橫帆船“無常號”出海回國。佢喺法國東南胡安灣登陸，佢睇準保王軍會派軍沿隆河阻止佢返巴黎，所以選擇咗一條穿越阿爾卑斯山嘅路線，到今日佢仲被稱為拿破崙之路。



拿一世嘅部隊不斷茁壯，沿途不斷有人加入。3月7日，當拿大軍喺格勒諾布爾同奉命攔截嘅第七步兵團相遇，拿一世就攞出梟雄本色，好有霸氣咁走向佢哋面前，將外套撕開並大嗌“邊個想殺皇帝就開槍”，第7兵團即刻俾佢嘅氣勢所折服，高呼皇帝萬歲。

幾日後內伊元帥亦帶士兵6千人投誠，拿一世於3月20日返到巴黎杜宮，直到幾日前呢度仲係路十八嘅宮殿。

另一方面喺維也納嘅八國代表發表聯合宣言，宣佈波拿巴係“人類公敵”、並號召人民將佢刺殺，而喺宣言上第一個簽名嘅就係塔狗。

當時各國怕塔列朗再倒向拿一世，更紛紛送錢比佢駛。塔列朗心中暗笑，喺自己眼中拿一世今次東山再起不過強弩之末，自己根本諗都冇諗過跟返佢，不過有老毛梗係照袋。



當拿一世喺杜宮中發現咗路十六未及帶走嘅三國同盟密件，馬上轉呈亞一世想離間反法同盟，並使塔狗處於困境。亞一世倒也深明大義，喺梅特涅面前將文件燒毀，以示既往不咎，只係對屎忽鬼塔列狗更加憎恨。(亞一世一直好討厭佢，當年佢喺父皇遇刺後登基，對外宣稱父親死於中風。塔列朗得知消息，毫不客氣咁話俄國人真係無創意，沙皇次撚次都係中風死，自此亞一世就記恨塔狗)

拿一世希望喺盟軍集結前將佢哋逐個擊破，於6月15日率軍北上越過比利時邊境，喺嗰度等佢嘅有以下軍隊：



6月18日，兩軍喺比利時村莊滑鐵盧村附近相逢，當時同而家香港天氣一樣成日落雨，當日就落咗一場大雷雨，地面佈滿泥濘，因此拿破崙決定推遲幾小時等地面乾燥再開戰。於是法軍直到十一點幾先開始砲擊，但就係呢幾個鐘令普軍趕到嚟戰場。

經過6小時炮擊，法軍依然未能將匿喺山坡背面嘅威靈頓公爵趕走。而當日嘅拿一世完全不在狀態，佢因為痔瘡劇痛所苦，完全無法騎馬，大部分時間都坐喺司令部指揮，精神萎靡以致發揮失準。



由老將布呂歇爾率領嘅普軍打敗咗法國準備軍，逐漸摧毀法軍嘅反抗。波拿巴又再次拋低部隊返回巴黎，此時佢終於明白自己大勢已去。佢喺6月22日再次退位，史稱百日復辟。

拿破崙得到西楚霸王放棄嘅江東再起機會，但最終同樣功敗垂成。事實上拿破崙嘅悲劇有其歷史必然性，法蘭西嘅資源終歸難以承載征服全宇宙野心。

呢場戰役勝負導致法蘭西第一帝國覆滅，後世亦因此將大敗稱為遭遇滑鐵盧。

就寫完

法國大革命重建左共和國，法蘭西共和國行既歷史軌跡都係同羅馬相似，民主制取代君主同平民，最後民主產生黨派，黨派產生領袖，有民意支持既領袖透過軍事力量成爲僭主。

拿破崙意圖從大西洋岸邊坐船去美國，但就被無處不在嘅英海軍阻止。逃犯波拿巴被流放到位於西非沿岸嘅聖海倫娜島，喺英國軟禁下度過生命嘅最後六年。



島上成日翻風落雨，拿破崙嘅生活過得好差。1821年5月5日，拿破崙病逝終年51歲，官方死因係胃癌。



但有英國研究指出佢好可能死於砷中毒（砒霜），有嫌疑嘅包括英國人同波旁黨。



拿破崙雖然其貌不揚，但卻極具個人魅力，佢擁有成功人士必備嘅無窮精力同爆棚自信，歷史好難有人可以望其項背。威靈頓公爵就曾言道波拿巴一人，能比四萬士卒。能夠喺敵人心目中贏得如此讚美，絕非僥倖成名嘅冒險家所能獲得。

拿破崙亦唔係一個完全冷酷無情嘅人，佢對兩名妻子都有深情一面：當約瑟芬喺14年5月病逝時，拿蛇正喺厄爾巴被流放，傷心嘅佢匿喺房兩日冇出過門口。



拿蛇喺厄爾巴亦曾寫信叫第2任老婆瑪麗·路易絲前來，但佢唔知道奧地利公主已經搭上新歡。

拿破崙.波拿巴喺大革命嘅混亂中為法國恢復秩序，佢喺1804年制訂嘅《拿破崙法典》，時至今日依然係將近30個國家嘅民法基礎。雖然佢對歐洲造成唔少破壞，但亦都將大革命嘅自由平等博愛思想(between呢個口號係羅蛇諗出嚟)以及民族主義喺歐洲散播開嚟，無疑改變咗歷史走向。拿破崙後，無拿破崙。



路十八又重新坐上法國王位，塔列朗更被提升為首相。

新內閣首要任務係再同列強簽訂新和約，為懲罰波旁未能阻止拿破崙攪事，法國被割去少量領土，另外要賠七億法郎。

狡兔死走狗烹，當波拿巴威脅解除，波旁們又記返起塔狗係幾咁乞人憎。努力走平衡路線嘅塔列朗依然重用拿破崙舊部，引致想將革命同拿破崙時期所有嘢消滅嘅保王黨十分不滿。佢哋更加想將所有拿蛇有關嘅人殺清光，塔列朗極力阻撓呢種無差別屠殺，但無能為力。

塔列朗晉見路十八，要求改變政策，並以辭職相要脅。點知路十八欣然同意，首相一職由亞一世推薦嘅黎塞留公爵接任。

阿寶:人類歷史何其單調

尤其是百年戰爭
阿賽已經唔想理班法國佬

第五代黎塞留公爵係名相黎蛇個妹嘅後代，佢喺革命期間流亡俄國，後來更成為克里米亞總督，所以獲沙皇力薦。



百足之蟲，死而不僵。離職後嘅塔狗依然保留住一啲閒職，佢又喺倫敦出版報紙，公開反對波旁政策。

窮極無聊嘅塔列朗又四圍R著數，今次苦主係佢嘅老拍檔梅特涅。塔狗向佢表示有批拿破崙親筆書信好抵喎，結果當梅用50萬法郎買咗832份，發現只得73份有拿蛇墨寶。

路十八年事已高性格與世無爭，但佢細佬阿圖瓦公爵同兩個侄安古蘭、貝里公爵都對波拿巴餘孽恨之入骨，佢哋好樂意使用恐怖統治時期手段對付佢哋；路十八本人無兒無女，江山遲早落到佢哋手中。

報復行為不斷升溫，單喺法南已經有幾百單私刑。喺馬賽一支拿破崙嘅馬木留克軍團準備返回埃及，卻喺營房被屠殺。1816年1月，波旁王朝頒令禁止波拿巴家族回國。革命同帝國時期訓練出嚟嘅人才亦被打壓。

1820年2月13日，波旁被其高壓政策反噬自身，貝里公爵同老婆喺巴黎歌劇院出來時被刺殺身亡。刺客係一個馬鞍製造商，佢曾經喺厄爾巴島上嘅馬廊工作，係拿蛇嘅天字第一號fans嚟。



人丁單薄嘅波家變得人丁更單薄，幸好貝里公嘅遺孀喺佢過世7個月後生下遺腹子亨利，為保王黨人帶來一絲安慰。路十八嘅統治又延續咗4年，佢喺24年9月16日去世，由胞弟繼位，是為查理十世。

法國王位又再由三兄弟輪流做，預示波朝滅亡已成真。新國王登基時年已六十有七，相比佢兩個阿哥佢性格更加反動保守，佢仿佛對過去幾十年嘅歲月不知不覺，依然抱住傳統帝王嘅觀念行事，例如堅持喺蘭斯教堂行聖膏禮。



查十世對自由主義極不信任，佢相信君權神授論，認為君主應擁有絕對權力。佢即位後推行一系列反民主政策，令佢非常之不得人心。此外查十世係虔誠天主教徒，佢提出咗好多痴撚線法例，包括偷聖物要斬手再殺頭，令民怨更深。

而呢個時候海外亦出現糾紛：當阿爾及利亞嘅鄂圖曼總督喺1827年，要求法國償還拿破崙喺1799年簽署嘅28年債劵(該批貸款主要用於遠征埃及)，法國領事表示條數你落去搵矮仔收啦‼️總督慶過火屎，嬲嬲地用烏蠅拍摑咗佢一巴。



查十世以此為由對阿爾及爾港發起持續三年嘅封鎖，但呢啲封鎖只對奉公守法嘅商人有害，地中海海盜依然可以突破防線。到咗1830年1月查十世為咗將國內嘅不滿情緒轉移，以討伐海盜為由入侵阿爾及利亞，法國一直統治嗰度到1962年。



查十世喺29年任命波里尼雅克為相，佢一貫主張全面復辟專制制度。30年7月25日，國王同波里尼雅克宣佈解散議會、恢復報刊檢查、又改變選舉制度，只有貴族出身嘅人先有選舉權。

查十世嘅獨裁行為惹起傳媒界莫大反感，反政府嘅《國民報》公然挑戰出版審查禁令，喺7月26日頭版號召人民反抗政府。來自馬賽嘅國民報創辦人阿道夫·梯也爾雖然只得153高，但就好有勇氣，係個優秀嘅記者。而且佢背後仲有無處不在嘅塔列朗手影。



塔列朗自從下野之後，就同自由資產階級嘅頭面人物過從甚密，並且同佢哋支持嘅奧爾良公爵路易-菲利普接近。

喺當時塔列朗已經對波朝徹底失望，佢密謀以奧爾良取以代之。國王命令警察將國民報查封並拆去印刷機，但佢哋前腳一走同一批工人又返嚟將印刷機重新安裝恢復印刷。



響應國民報號召嘅巴黎人民喺7月27日發動武裝起義，兩日後攻佔咗杜麗勒宮。



查十世政權根本無力控制局面，當時法國有四萬精兵仲喺非洲，守衛首都嘅軍隊亦開始叛變，紛紛從杜樂麗宮叛逃到聖克盧宮。

已經76歲嘅活化石塔列朗，當時正身處路十六廣場上嘅寓所。佢望住香謝麗舍大道緩緩前進嘅部隊，以歷史見證人身份宣佈：



但查十世一路拖到8月2日，先至簽下退位詔書。退位書有個附帶條件係由佢個遺腹孫登基為亨五世，並由奧爾良路菲為監護人攝政。塔列朗力勸路菲拒絕，認為如果攝政期間個𡃁仔死咗，佢必然被指控，加上法國人明顯已經唔會再接受波家嘅人。查十世一家為咗避債，好快就去咗英國。

路菲聽從塔狗建議戴上王冠，成為奧爾良王朝嘅開國以及亡國之君。



路菲嘅父親“公平菲利普”喺大革命時投票贊成路十六上斷頭台，但無幾耐自己都步上後塵。路菲半生都喺漂泊中渡過，曾經多年流亡英國，english quite good because always talk。佢仲去過美國幾年，同華盛頓見過面。

1809年路菲同西西里公主結婚，但喺佢生命中有另一個更重要嘅女人，就係佢細妹阿黛拉伊德。

阿黛拉伊德對結婚不感興趣，但就絕頂聰明，對政治嘅判斷力極強，多年來擔任兄長智囊。



路菲決心成為一個同查十世截然不同嘅國王，佢稱自己為“法蘭西人嘅國王、平民嘅國王”，決心捨棄宮廷嘅繁文縟節，好似現代王室咁親民----佢會揸住把遮喺巴黎街頭上一個人行，邊行邊舉起帽子向臣民打招呼(唔係草帽)。



當時列強對法國又攪革命都感到不滿，俄普兩國都唔承認奧朝，更有意出兵干涉。路菲為打破外交孤立困局，希望得到英國奧援，佢喺30年9月派德高望重嘅老狐狸塔列朗為駐倫敦大使。

闊別政界15年嘅塔列朗風光明媚咁到達英國。因為塔狗畢竟好有江湖地位，又同英國首相威靈頓私交甚篤。眼見法國已得大英認可，俄普亦只好承認七月王朝政權。

老屎忽塔狗完全唔將當時法國外相放在眼內，佢習慣性繞過佢直接同國王和阿黛拉伊德公主聯絡，令外相十分不滿。

塔列朗好快又要面對另一單國際危機：喺維也納會議後被併入荷蘭嘅比利時爆發革命，爭取獨立建國。當時嘅比利時受到法國七月革命鼓舞，亦都起咗反抗之心。革命導火線係一場喺布魯塞爾皇家鑄幣局劇院上演，講述1647年那不勒斯人對抗西班牙殖民者嘅歌劇。當觀眾喺劇中聽到激昂嘅願榮光歸那不勒斯人，當堂感到身同感受熱血沸騰，一出劇院門口就開始騷動。



比獨份子要求脫離荷蘭自立；但另一方面又有親法份子希望併入法國，理所當然受到英俄反對。

塔列朗明白英國嘅想法至關重要：比利時
萬萬不能落入法國手上，因為佢係歐陸國家通往英吉利海峽同北海嘅入口。因此唯一辦法就係俾佢獨立，變成一個緩衝國。



塔列朗建議喺倫敦召開國際會議。30年11月4日，英俄普奧荷法各派代表出席會議。俄奧普三國初時極力反對比利時獨立，但經過塔列朗同英國巴麥尊子爵嘅不屈不撓堅持，列強最終同意。

獨立後嘅比國需要搵出新國王人選，比利時議會選出路菲之子內穆爾公爵，但法王同塔狗都明智地拒絕咗。塔列朗改為推薦德意志嘅薩克森-科堡-薩爾菲爾德公爵利奧波德，佢係英王佐治四世嘅女婿，但當時已成鰥夫。為咗消除親法嘅比利時人反對聲音，利一世被安排同路菲長女路易絲-瑪麗成親。兩人婚後生下兩子一女，一個成為墨西哥皇后，一個去咗剛果做斬手黨。

不知不覺英法就由原本嘅對立走向親密 塔狗似乎功不可沒

塔狗係咁動盪時代可以全身而退
佢都幾撚勁

第二共和由一開始就混亂同分裂，溫和派由詩人政客拉馬丁為首，以波旁宮為總部；激進派以市政廳為據點，領袖係布朗。佢哋希望進行激烈嘅政制改革，將法國改造成食大鑊飯嘅共產主義國家。

兩派嘅矛盾不能調和，甚至爆發小型內戰。英國嘅威靈頓公爵評論：法國需要一個拿破崙，但我仲未見到。

而事實上佢口中嘅拿破崙近在眼前，路易.波拿巴逃獄後就嚟咗英國，蟄伏等待機會。當佢知道二月革命爆發，就馬上返到法蘭西。

路易寫信比掌權嘅拉馬丁，希望返嚟報效國家。拉馬丁收到信後嘅反應同白衣秀士王倫見到林沖上山一樣，婉轉地表示巴黎太細，容不下波總教頭。路易於是識趣地翻去英國。

但到咗6月份嘅大選，路易又返嚟參加。當時制度可以同時參加唔同省份嘅選舉，路易喺四個省份勝出。

拉馬丁對此感到震精，佢知道路易會係佢權力嘅重大威脅，於是佢宣佈波旁王朝嘅國安法依然生效，波拿巴人不能踏足法國土地。路易不顧同伴嘅反對，又再次退讓，宣佈不會就任議員。

但歷史證明路易嘅選擇正確，無幾耐法國又爆發暴動，拉馬丁選擇關閉激進派布朗開設比失業者嘅國營工廠，原因係佢既低效率又無利可圖。結果引嚟民眾抗議，卡芬雅克將軍率領國民衛隊鎮壓，結果死傷過萬人，有4千人被放逐去阿爾及利亞。

法國作家維克多·雨果喺作品《孤星淚》中詳細描繪咗呢次起義




身在英倫嘅路易因為無參與事件，聲望更隆。之後佢再次參加選舉，喺13個省份中贏得5個，喺巴黎地區更成為票王有成11萬票。

路易喺9月返回法國並成為議員，只係7個月時間就由流亡政治犯變為政界要人。根據第二共和憲法，總統由直選產生，任期為4年不得連任，選舉定於1848年12月10月舉行。

有4人參加競選，包括路易、拉馬丁、卡芬雅克，當中以路易同臨時元首卡芬雅克最被看好。卡將軍當時認為自己勝算在握----路易係一個差勁嘅演說者，佢講法文有鄉音，語調沉悶單調。

但佢睇輕咗法國人對波拿巴嘅愛，佢哋猶如鏡粉般盲目。路易取得7成4選票，以560萬票擊敗得150萬嘅卡將軍(人心盡喪嘅拉馬丁得萬幾)，成為法國首任總統。

路易馬上搬入伯父住過，象徵皇帝嘅愛麗舍宮，又宣佈自己為“王子總統”。

1848年民族革命繼續喺歐洲其他地區發酵，其中多民族帝國奧地利受害最深。

傳統封建觀念下根本無所謂語言民族，喺中世紀嘅同一城市，貴族講拉丁文、商人講德語、基層講巴伐利亞或波希米亞方言、仲有啲橙皮同猶太人本為常態。但法蘭西傳播嘅思想改變咗一切，民族主義之火甚至最後令始作俑者都身受其害。法蘭西猶如傳說中嘅忤逆仔格羅諾斯，喺打倒君父後又如宿命般俾自己嘅種子宙斯推翻，而好快拿三世就要為南方一個新興民族國家付出代價。



喺維也納嘅梅特涅眼見眾怒難犯，唯有拍拍屎忽走咗去。喺呢個時候北意大利人乘勢反抗奧國統治，喺米蘭爆發咗五日起義，奧國人被逐，並建立共和政府。

米蘭人得到薩伏依王、那不勒斯王同托斯卡尼大公聲援，撒丁國王卡洛·阿爾貝托更宣佈統一意大利時間已到(因為今日係星期二)。

但統一意大利嘅企圖就令到教宗庇九世驚懼萬分，擔心威脅到教廷利益。佢喺48年4月29日宣佈訓示，強烈反對統一意大利嘅痴心妄想，並且支持奧地利。

意大利人對教宗言論既失望又憤怒。而民族主義本質上亦係一種宗教，愛國者將國家幻化為神祇加以膜拜，猶如屹立布拉佛斯嘅泰坦巨像。當民族教同基督教起咗衝突，就係民族主義者需要抉擇嘅時候。



意大利人好快就作出咗決斷，佢哋將矛頭指向教廷。11月13日，教宗國首相被刺殺，庇九世逃亡到那不勒斯領土。

失去教宗嘅教宗國由加萊蒂繼任首相，佢並號召成立制憲會議。49年2月9日，會議大比數通過永遠結束教宗嘅世俗權力，同時宣佈羅馬共和國成立。