【歷史po】法唔法國。。。。

樓主之前仲有寫印度，土耳其，奧匈，俄羅斯，有時間記得睇返

強烈要求到時寫到塔列朗寫一章塔列朗笑話集

路十三同黎塞留嘅東方宮廷式相愛相殺關係延續到生命終點，兩者都無法鼓起勇氣將面具撕破，路十三明白無子嘅黎塞留死後權位必然依舊屬於佢嘅繼承人，呢個亦係佢隱忍黎嘅原因，而佢哋留比後人嘅係一個擁有強大王權嘅帝國。

路十四登基時不足5歲（佢父母好少行房），由母親哈家安娜攝政，而黎塞留嘅空缺就由佢生前好友馬薩林繼承。




馬薩林係出身那不勒斯嘅意大利人，佢憑住同黎塞留嘅良好關係得以為波旁王室效力，喺1642年成為法國嘅樞機主教兼首席大臣。



相對於飛揚跋扈嘅黎塞留，馬薩林性格溫和、圓滑又靈活變通。馬先是得到黎塞留提拔，後嚟又喺一場賭局入面得到安娜王后歡心埋咗佢身----有次當佢落注時王后咁啱行過，馬喺贏錢後馬上將功勞歸功於王后嘅旺氣靈氣，堅持要分紅比佢。（幾撚識做人）

從此馬薩林就成為咗王后身邊紅人，兩人交往密切，甚至有人話路十四係佢兩個生嘅。

馬薩林主導咗同神羅嘅和談，但因為時間差嘅關係，黎塞留同路十三連年征戰嘅蘇州屎注定要由佢執尾。

馬薩林為咗軍費需要，強化黎塞留嘅重稅高壓同賣官政策，咁啱又撞正1640年代連場天災造成失收，以致民怨沸騰，終於喺1648年巴黎爆發咗“投石機運動”。

當初成立歐盟同歐羅
就係想同美國美金對抗

投石器運動（法語：Fronde）名稱源於憤怒嘅巴黎市民以投石器發射石塊破壞馬薩林窗戶。呢場社運嘅觸發點係馬薩林因為財困而決定向巴黎高等法院法官徵稅，法官們被稱為長袍貴族，佢哋有著傳統嘅封建權利，獨立於國王之外。



到48年4月馬薩林為割佢哋韮菜，下令以一次過免收稅務方式抵消高等法官四年俸祿，法官們嘅反應自然與化骨龍無異：



衝突終於爆發，一個月後巴黎最高法院聯合全國法院向馬薩林發難，提出政改、大幅減稅、整肅腐敗同擴大法院職權等五大訴求。馬薩林喺太后壓力下決定逮捕運動領導者。

但呢個舉動令到人民更加憤怒，佢哋上街抗議要求釋放法官，8月26日事件演變成武裝衝突，民眾更廣泛使用投石器猶如後世以觀星筆為武器。

群眾運動逐漸失控，怒民們決定衝入王宮要求面見國王。路十四當時只是個10歲嘅孩子呀，情急之下只好：



民眾們見到國王後慢慢冷靜落嚟，人群逐漸散去。但呢件事令馬薩林同太后大為震驚，太后帶同路十四暫時遷到巴黎西郊胡埃爾行宮。

扮訓

化骨龍

但係喺呢個時候法國已經同神羅傾掂數，原本對抗哈家嘅將領可以騰空出嚟。馬相同太后於是緊急召喚在外領軍嘅大孔代親王路易上京平亂。孔代喺1649年初逼降巴黎，簽訂《呂埃耶和約》，結束法院投石黨之亂。

但董卓大人入京後就唔願走了，高傲有軍功嘅野心家孔代無幾耐就同后黨反目，1650年1月太后更命令馬薩林將孔代拘捕，於是貴族們集結起嚟，展開投石黨革命2.0。

親王投石黨比起法官們聲勢更大，更一度將太后軟禁同迫到馬薩林著草。但係到咗呢個時候成個運動已經變質為宗室們嘅爭權奪利，除咗孔代之外佢哋嘅領袖仲包括路十四親叔奧爾良公爵（佢喺路十三時代已經成日25）、公爵嘅女兒蒙龐西耶郡主。



喺馬薩林離開巴黎期間，蒙龐西耶大郡主短暫掌控咗軍隊。51年早已經脫獄嘅孔代領軍再犯巴黎，大郡主成功說服巴士底監獄嘅士兵相助，更打開城門迎接孔代軍。而民眾又開始high起上嚟，佢哋仲放火燒咗市政廳。

但到咗呢個時候社運已經進入死胡同，大家開始忘記咗場運動嘅初心，隨貴族起舞嘅人民開始對大台生厭，佢哋更加厭倦嘅係無秩序無政府狀態。

1652底巴黎嘅商會行會派出代表，恭迎身在胡埃爾嘅路十四返巴黎止暴制亂。路十四同老母好快就喺市民熱烈歡迎下返到巴黎，冇幾耐馬薩林都返埋嚟，投石運動至此結束。

lm

樓主加油

投革可以視為法蘭西封建勢力嘅最後反撲，從此佢哋再係能力同國王對抗，喺歷史漩渦中沉入水底。

法蘭西傳統貴族日落西沉，專制君主則仰賴君權神授理論而如日方中，國王開始被視為責任與秩序嘅唯一代表。路十四16歲時加冕，親政後逐步削弱馬薩林權力，至7年後馬薩林病逝，路十四更不設相位，大權在握。

因為無宰相所以路十四要十分勤力，佢每日至少工作6個鐘，佢雖然被認為只有中等智力，但就善於用人與納諫。佢個性仁慈溫和，待人謙和有禮。

正如漢武帝重用出身卑微嘅主父偃，路十四同樣以中產階級（布爾喬亞）出身嘅大臣處理財政同外交事務，攤薄貴族嘅權力。亦因為投石之亂帶俾路十四嘅童年陰影太巨大，佢喺1661年選擇咗巴黎西南嘅凡爾賽建造新皇宮。

當時仲係村莊嘅凡爾賽已經有間由佢老豆起嘅鄉間小屋，路十四周時搵佢做炮房同情婦幽會。慢慢佢留喺度嘅時間越來越多，開始大興土木攪擴建，直至佢喺1682年正式搬入凡爾賽宮。



路十四對於喺戲劇中扮演太陽嘅熱愛不亞於天線得得B中個孩童，佢亦都鍾意將自己想像成散發萬丈光芒嘅太陽。群臣貴族從此好似恆星咁圍住太陽王轉，到咗1684年凡宮已經成為所有貴族嘅住處，一共有成5千人住喺度。貴族們發現如果唔住近國王就所有油水都冇佢哋份，自此佢哋只有挖空心思討好國王，再無昔日大膽查理向國王挑機之威風。

太陽王路易十四

因為十字軍東征，好奇點解冇乜亞拉伯世界嘅歴史，又或者可以去邊度了解多啲？

想知多啲不如睇樓主寫嘅鄂圖曼史

基本上14-18世紀阿拉伯世界以鄂圖曼帝國最強盛，幅員遼闊，中東霸晒不在話下，更曾經打到奧地利首都，北據克里米亞同俄羅斯爭雄，同時期嘅帖木兒同波斯都好快衰落

Versailles 今時今日已經變左遊客打卡地點

我哋細個讀嘅書好少提及阿拉伯世界
但唔代表無記載嘅
樓主都寫過ottoman 好似係

正常
香港始終專注歐洲同東亞史
記得A level有印度史

貴族從此遠離自己嘅封地，失去地方上嘅連結。佢哋既要應付宮中嘅龐大開銷（路十四刻意為之），仲要每日都提心吊膽，時刻畏懼會俾國王以祕密逮捕令送往巴士底監獄無限期囚禁。

凡宮嘅衞生環境同政治氛圍同樣惡劣。嗰度得幾十個公廁要應付幾千人使用，由於不勝負荷，好多人就就地解決，連路十四嘅弟婦都話次次行過都有人痾尿😅。

除咗貴族大臣之外啲女人亦圍住太陽王公轉，1660年路十四娶娶西班牙王腓四世之女瑪麗-泰蕾莎為妻。瑪麗王后係個冇咩腦嘅mk妹，而且唔靚，自然得唔到王上嘅歡心。

路十四婚後第一個情婦露易絲·德·拉瓦利埃爾，本為路十四弟婦奧爾良公爵夫人（即英國公主亨利埃塔）侍女。路十四唯一胞弟腓力係gay嘅，太陽王見食得唔好曬就。。。



到兩人姦情傳開，亨利埃塔就搵咗幾個侍女做煙幕，其中一個就係露易絲。佢喺得國王寵幸後就被封為拉瓦莉埃女公爵。

到後嚟因為王后同佢都大咗肚，路十四又搭上咗日後被封為蒙特斯龐侯爵夫人嘅弗朗索瓦絲，由於佢被認為係路十四最著名嘅情婦，下稱蒙貴妃。



如果上圖女人做咗你老婆，每日生活會係咁過：

7:30am 王室總管會叫路十四起身，御醫幫佢檢查身體，佢會邊梳洗邊接見臣下。國王嘅起床儀式有好多繁文縟節，亦只有佢嘅親信可以參加。路十四通常會飲碗熱湯做早餐。

10:00am 路十四終於捨得喺居室出嚟，鏡廊裡形成一條儀式隊伍，群臣跟隨國王魚貫而出，就好似皇帝出巡咁。路十四之後會去教堂望彌撒。

11:00am 路十四會返去居室同佢嘅大臣開會，佢少說多聽，而且總係最後先決定。

1:00pm 終於捱到放飯時間，路十四會同王后共進午餐。佢晏晝會食好撚多嘢，包括：四碗湯、一隻雉雞、一隻釀咗松露嘅鴨、一盤沙律、加上其他肉類、點心同生果。（路十四死後解剖發現其胃容量為常人兩倍）



2:00pm 國王一星期3日下午都會去打獵，如果唔打獵就去花園散下步。

4:00 pm 室外活動結束後路十四會去探下佢嘅情婦，有時就喺嗰度處理下公事。

6:00 pm 做愛

7:00pm 一星期會有3日開ball，國王會同貴族以及各名媛貴婦一齊玩撞球、賭錢同跳舞。大時大節仲會有戲劇、歌舞表演同放煙花。邀約雖然唔係強制性，但甩底嘅就等俾方丈寫入小器簿，喺社交界社會性死亡。

10:00pm 路十四呢個時間會同王室成員共進晚餐，夜晚佢會食少啲但都起碼有十幾個course。

11:30 pm 進行就寢式，係朝早起身儀式嘅簡化版本，但都好繁瑣。

12:30am 做愛
12:34am 真係訓

1230做愛 1234就訓

路十四1700年嘅阿拉伯世界

Ottoman 以外，我見好少講其他時期或地區

借問可以喺邊度搵到呢啲資料？

呢個又真

主要係維基
地圖可以Google 1700 world map

lm