【歷史po】法唔法國。。。。

lm

睇過一本書《The Discovery of France》話直到19世紀末只有1/5法國人講法文
其他大部分都係講方言
幾有意思

Lm

法蘭西當時指嘅只係法蘭西島同周邊地區，無一個好確定邊界。承認法蘭西國王嘅大貴族看似法國一部份，但卡家對佢哋嘅領地冇任何管轄權，卡家事實上只係可以控制自己法蘭西一帶猶如孤島般嘅領地。

國王喺當時只係屬於學生會會長之類嘅角色，由啲同學選出嚟，通常係啲熱心公益嘅人，主要負責排難解紛。

初時參與選王嘅有九大諸侯，後來又擴大為12人選舉團。之所以係12人係因為喺基督徒同花姐心目中，都認為呢個數字十分神聖：耶穌有12門徒，查理曼(其實曼已經係大帝咁解)有12位騎士，因此就定咗12人為選委。

十二位諸侯有六位是來自於教會(上弦)，六位是來自於封建領主(下弦)，教權同俗權各佔一半。呢個機構就係當時法蘭西王國僅有嘅憲法性機構。

喺當時嘅大諸侯包括諾曼第、勃艮地、布列塔尼、安茹、亞奎丹、法蘭德斯等等。佢哋好多都強大過卡佩家族，例如法蘭德斯伯爵就以有錢出名，比王室富裕好幾倍。

各大諸侯包括卡家都喺自己領地內按自己習慣法行事，發行自己嘅貨幣同收稅。而國王嘅職責往往只係去蘭斯受大主教加冕，然後喺典禮上接受諸侯們嘅效忠同祝福，之後就冇咩嘢佢做。

但係當諸侯們發生爭執，要打官司嘅時候，為咗體現合法性就會請國王以主席身份主持由大貴族組成嘅陪審團。但國王嘅意向都唔係絕對，好睇佢個人係咪德高望重，例如路易九世就以公道伯同虔誠見稱，被尊稱為聖路易。

早期卡家諸王亦唔多care國王呢個神檯位，對佢哋嚟講搵錢重要啲。卡家當時正宗窮撚一名，法蘭西島領地當時被分割開為幾塊，國王喺巴黎同奧爾良兩邊走，有時經過其他諸侯嘅領地仲要申請。

由於稅收唔多嘅關係，雨果·卡佩曾孫腓力一世就曾經衰到要打劫路過嘅意大利商人。(另外佢因為想同二奶結婚，所以用妻子肥胖為由離婚，結果被教廷絕緣遂出教會，後來先恢復教籍)



直到卡家得到塞納河上商路嘅財政滋養，經濟情況先得以改善，但亦因為咁法蘭西就同諾曼第結下積怨。

點解法國可以集權到
神羅就唔得

法蘭克同法蘭西幾時分開意思？
前者幾時唔再存在？

法蘭克一開三之後應該就冇左今日認知既法蘭克
不過東歐果邊仍然會叫西歐人做Franks

push

一開三係幾時嘅事？

法國德文係叫Frankreich, 即係法蘭克人嘅國家

843年凡爾登條約

lm

第一次聽原來法蘭西係被視為島

塞納河嘅商路係卡家能夠發家嘅重要原因，當時嘅商路係從諾曼第由魯昂商人從海上開始，沿住塞納河一路將貨物運到去香巴尼伯爵統治嘅香檳集市。香檳市場係當時歐洲最大嘅交易市場，直到後來倫巴第興起先被取代。

而巴黎商人就啱啱喺呢條商路中間，最初喺卡佩王朝未統治巴黎嘅時候，佢哋嘅地位並不如魯昂及香檳商人。於是巴黎商會就投靠咗卡家，並獲得特許權建立自治城市。

自治市喺中世紀十分常見，例如德國漢堡同呂貝克都係以近似形式建立，大概就係一班商人建立自己嘅組織，然後向領主輸誠進貢。巴黎人獲准建立自己嘅市政機構、自己收稅同進行選舉，最重要嘅係卡家批准佢哋向過境嘅船隻收買路錢。

由於巴黎人佔據咗塞納河水道嘅要害之地，魯昂人同香檳人要做生意焗住要俾陀地費佢哋，加上巴黎有卡家武力支持，慢慢就喺鬥爭中佔上風。



魯昂商人當時可以話係諾曼第嘅經濟支柱，諾曼第公爵自然對法王非常唔妥，再加上諾曼人本嚟就係維京人嚟定居，而法蘭西又係打維京起家。喺新仇舊恨交織下，自此兩邊就結為世仇。

1066年，諾曼第公爵威廉一世率軍渡過英吉利海峽，戰勝哈羅德二世並成為英格蘭國王，諾曼第同法蘭西嘅積怨就演變為法英兩國嘅衝突。

英法百年戰爭上線啦

我想問梅羅文加王朝末期，矮子丕平做國王之前，法國有冇派兵去威尼斯捉異教徒？
因為軒轅劍3前期劇情係咁，我想知故仔同史實差幾遠

同埋當時法國人唔重視間諜係咪真？隻game講到只有矮子丕平重視間諜

十字軍東征

Île de France

師兄對法蘭西殖民帝國有冇興趣？有嘅話不如講吓？

法蘭克人係行Partible inheritance 由5世紀墨洛溫王朝開始不停分事裂再合併 奧斯特拉西亞 紐斯特利亞都係法蘭克王國之一 同時勃艮第王國都比法蘭克人控制

到查理曼 凡爾登條約之後 幾個法蘭克王國基本上冇再統一這（除咗Charles the Fat好短暫咁做過）
之後法蘭克王國嘅概念開始淡忘 不過呢啲國家名義上仲叫緊自己法蘭克王

第一個叫自己法蘭西國王嘅係12世紀未嘅Philip Augustus
Hugues Capet 名義上仲係（西）法蘭克國王
不過好多人都當Capetian已經係法國

英法百年戰爭
十字軍東征
法國大革命暨拿破崙時代
法屬北美
講埋講埋都幾多事件對現代影響深遠

從此諾曼第公國嘅憲法就成為英國嘅憲法。由於諾曼第蠻族性強，即係代表領袖唔可以做專制君主，公爵做決定時要好似八旗議政咁得到大小諸侯嘅支持，後來就發展成英國嘅等級會議制度。

呢種等級會議制度就係英國國會嘅雛型，喺議會約束底下君王嘅權力被大大咁壓抑，就算君主要打仗議會嘅代表都唔一定會批budget俾佢。

諾曼第呢一套相對民主嘅制度，亦導致魯昂商人喺諾曼第公爵面前可以平起平坐。而巴黎商人因為受過法王恩惠，喺佢面前抬唔起頭做人。佢哋好似紅頂商人一樣堅定地支持國王、反對封建貴族，呢個政治聯盟就好似中國皇帝同士大夫結盟打壓權貴咁，並一直延續咗幾百年。

法王亦都應佢哋要求，將統治重心由靠近盧瓦爾河轉移到塞納河流域，保護同支持佢哋。法王一面支持巴黎同魯昂、香檳競爭，一面打擊嗰啲同巴黎有仇嘅地方小領主。國王本身亦都希望加強中央集權，所以同巴黎人同仇敵愾，同時王室亦可以多啲收入。

由於喺中世紀作出嘅唔同選擇，導致法英兩國走上不同嘅道路：喺英國因為一開始就保留咗權力極大嘅議會，國王對議會嘅依賴性極大，令英國日後走上國會政治道路，資本主義亦都喺自由嘅英格蘭土壤生長得比較好。

而法國就選擇咗強化王權，法王喺自己嘅領地內推行削藩政策，盡可能打擊嗰啲喺巴黎同奧爾良之間嘅小領主，令嗰帶漸漸成為法王直接統治嘅地區。

Strong post LM法文點講

lm