【歷史po】法唔法國。。。。

喺當時巴黎市議會由幾個行會組成，其中有兩個行會喺日後發揮咗重要作用。一個係”水陸商人行會”，呢個行會係魯昂人嘅天敵，佢哋主要做水陸物流同貿易生意，經常希望國王可以擴張勢力幫佢撐腰。

正所謂細時唔讀書，大個做運輸，細個喺井頭村蒲大個就去斬豬肉，另一個重要嘅行會就係屠宰業。佢哋負責屠宰同賣肉，同庶民生活息息相關。

中世紀早期嘅一般市民仲係蠻族性比較強，生活以食肉為主。而豬肉佬因為成日用刀，天然就對劈友十分熟手，所以喺日後巴黎發生嘅各種暴動之中，屠宰業行會都充當起衝鋒陷陣嘅角色。佢哋以好戰著稱，其他行會甚至貴族都深為忌憚。



法蘭西直屬領地內部嘅資產階級堅定地支持王室，但其他公國例如有錢嘅法蘭德斯伯爵國(現時分屬比利時、法國同荷蘭)就周時內閧。法蘭德斯有好多自治城市，佢哋經常因為伯爵徵稅而反對佢，甚至25地搵法英國王做靠山對付翻伯爵，因此法蘭德斯伯爵嘅權力始終成長唔起嚟。



就係因為內部夠團結，法蘭西卡佩王朝嘅勢力開始壯大，慢慢就超越咗其他本嚟比佢有錢嘅諸侯。

而除咗人和之外，法蘭西王國嘅第二個重大優勢來自於羅馬教會嘅支持。而法蘭西王室為咗取得”最虔誠嘅法王”或者”基督教會長女”嘅名譽，亦都花費咗好大嘅努力。

推

push

lm

教會喺中世紀中期教會嘅勢力已經好強大，甚至經常威脅到王權，但中世紀早期嘅教會其實係十分想皇帝返嚟統治佢哋。

喺羅馬帝國異教時代，基督徒係受到迫害嘅對象。當時教會自我管理，自己收集捐款維持教會日常運作，並且扶助老弱傷殘。當時嘅教會十分純潔，亦因此喺基層入面迅速傳開去。

但到咗君士坦丁之後基督教漸漸變成咗國教，咁對教會既有好處亦有壞處。好處係從此教會高層被皇帝奉為國師，可以好似大臣咁大富大貴；而且羅馬帝國會以獨尊基督教嘅手段幫打擊佢哋嘅競爭對手，令羅馬教會得到宗教壟斷地位。



但亦因為如此，教會就變成咗皇帝嘅傀儡，羅馬教宗或者其他主教如果得罪咗皇帝，就會好似佢嘅大臣咁比佢捉去流放荒島。

而教徒之間嘅神學爭論亦都往往政治化，喺之前做私營NGO嘅時候，大家都係拗完就算。但當教會變咗半公營機構，形勢就變得複雜，唔夠講嘅一方只要搵到皇帝撐腰，就可以將對家打成異端。

於是教會嘅自組織能力就被嚴重削弱，東方同拜占庭教會就變咗純粹嘅被統治者，無力對抗阿拉伯人同伊斯蘭教。

而西方教會則是由於羅馬帝國嘅崩潰，被迫落入一個紛亂嘅世界。呢個世界入面充滿日耳曼、維京、匈人等蠻族，佢哋初時好唔習慣，好似遺老遺少咁日夜希望羅馬皇帝回歸，救萬民於水火。

但東羅馬皇帝一直龜縮喺君士坦丁堡，始終冇返嚟，喺6世紀勉強返嚟兩次，既唔能夠守得穩意大利半島，亦都軍紀敗壞到處燒殺搶掠。

於是羅馬教庭對拜占庭嘅希望亦都幻滅 ，決定喺蠻族首領中，挑選查理曼或者奧托大帝做新嘅羅馬皇帝。



但當查理曼同奧托一死，佢哋嘅繼承人又冇能力維持秩序。於是教會又希望再推舉新嘅王者出嚟，好似德高望重嘅查理曼咁令世界恢復和平。

始終法國都係歐洲嘅Main player

柬埔寨

日耳曼人封建性強啲吧

古代中國可能仲少人識講官話

都會
亦友亦敵

神羅國土多山多森林
封建領主容易d自成一國
而且文化上冇點比羅馬直接統治過

想了解多啲唔同帝國管理殖民地既情況
應該睇邊本書

點解蠻族唔將教皇廢除
仲咁誠心真係會信

唔使講一定係，The Colonial Empires by DK Fieldhouse.

連登需要多啲呢類po

哥德人係4世紀已經信基督教 不過係羅馬教會眼中嘅異端阿里烏教派 好多其他日耳曼部落係羅馬帝國滅亡前已經係基督徒 當然佢哋唔會當教皇做領袖

而法蘭克人算係比較早信羅馬公教嘅日耳曼人

而卡家亦都想借教會威望幫自己提高合法性，而公道啲講卡家嘅行為準則亦都比較合符教會嘅要求----佢哋嘅國王一般比較專一少攪婚外情，唔會喺出面生埋成竇野囝走嚟爭產，繼承權以比較順利嘅方式移交。

繼承嘅衝突減少，就令到戰爭減少，大家都有好日子過，所以臣民們都希望自己嘅國王係一個虔誠嘅人。而教會亦都希望搵返個道德高尚嘅世俗政權統治者，因此雙方一拍即合。

得到教會支持嘅法王高舉起“君權神授”理論，逐漸蓋過選舉國王嘅日耳曼傳統。得到教會支持嘅卡家等同係天子，加上有一個正統嘅太子繼承，投票制度形同虛設，變成子承父業。因此就產生咗“國王死了，國王萬歲”呢個成語。

因為法蘭西深受教會恩澤，所以當教宗吹雞叫佢打交時佢都好難托手㬹。當教庭決定發動宗教戰爭嘅時候，法國人必為其中主力。

1095年，當時嘅教宗烏爾巴諾二世喺克列芒宗教會議上發表激昂嘅演說，號召基督徒前去征討東方嘅異教徒穆斯林，奪回耶路撒冷聖地，從而引發第一次十字軍東征。