【歷史po】法唔法國。。。。

lm

16世紀前半查理五世係霸主
其他勁人有法一世、蘇萊曼大帝同亨利八世

當法一世回國後就馬上宣佈唔承認不平等條約，查五世見佢不顧名譽掃地公然背信棄義，自然感到極度憤怒。佢只能將怒氣發洩喺佢兩個仔身上，將佢哋打入陰暗嘅牢獄中（爸爸）。

但法一世嘅決定得到教宗克勉七世支持（佢出身佛羅倫斯嘅麥地奇家族），因為教廷唔願意神羅喺意大利獨大，就拉攏咗米蘭、威尼斯、
佛羅倫斯以及法國，喺出名生產白蘭地嘅法國干邑結盟。

作為報復，查五世喺1527年派軍入侵意大利，包圍羅馬。查五世派咗背叛法國嘅波旁公爵夏爾三世攻打羅馬，神羅軍隊喺意大利打敗咗法軍，但就因為冇糧出所以決定裹挾主帥夏三世劫掠羅馬。

夏三世喺攻城過程中彈身亡，但羅馬教皇國依然俾神羅軍隊燒殺擄掠，死傷慘重，史稱羅馬之劫。



而法國為咗牽制哈布斯堡嘅勢力，不惜同基督徒嘅死敵鄂圖曼蘇丹結盟，情況就好似你喺連登唔夠人嘈，走去babykingdom叫人幫手一樣。

當法一世喺西班牙坐監時，佢阿媽就開始同土耳其人接觸。當時嘅蘇丹為蘇萊曼大帝，法國人嘅求助增長咗佢嘅野心，致使佢喺1526年進攻匈牙利。



法國雖然有異教徒為盟友，但就喺戰場上節節敗退，法一世亦都唔想再打落去。但驕傲嘅佢唔願意自己認低威，於是派出皇太后路易絲。而查五世一方亦由佢姑姐瑪格麗特做代表。

1529年康布雷條約簽訂（亦被稱為“女士和約”），法國放棄再爭奪米蘭、南意大利、法蘭德斯等地，僅保留到手嘅勃艮地。

為咗贖返國王兩個仔，法國將會付出200萬金冠，國庫虛空嘅王室因而要向人民收取特別稅收一年。

1530年7月，被囚五年嘅兩個王子獲釋，細嗰個太耐冇講法文已經唔識講。

發明攝影嘅主要係法國人，例如呢位
1844年

法蘭西斯隻狗

樓主

推

尋人

半個月了

1535年末，米蘭公法朗西斯科.斯福爾扎病逝無子，按照以前嘅協議米蘭將歸查五世。但法一世不甘就此放棄，喺1536又打過。

由於收效甚微同埋啲錢用鳩曬，1538年法一世同查五世喺法國南部尼斯經過幾個星期嘅磋商，終達成十年和約，米蘭歸查五世，其他領土範圍不變。

外部戰爭雖然平息，但16世紀興起嘅宗教改革活動已足夠令法國同神羅煩惱。1517年10月31日，德意志教士馬丁.路德喺教堂門口貼出九十五條論綱反對贖罪劵，新教活動亦正式席捲歐洲。

路德嘅思想不久隨住印刷技術嚟到法國，喺佢影響下出現奉約翰.加爾文思想為中心嘅胡格諾派（即結盟宗）。



胡格諾派思想迅速喺法蘭西傳播開，大量嘅城市中產階級、農民、下層教士都過底跟佢。

法一世初時出於機會主義對新教採取包容態度，但1534年發生嘅海報事件，改變咗佢嘅睇法。

1534年10月18日，法國幾個主要城市都出現鋪天蓋地嘅文宣，激進猛烈咁抨擊天主教彌撒，甚至連國王法一世嘅行宮寢室都被人貼上海報。

一時人心惶惶，甚至有傳言新教徒會喺天主教會展開大屠殺同埋會放火燒教堂。法一世對此大為震怒，並要為當初嘅寬容付出代價。透過赤裸裸嘅武力鎮壓，無數新教支持者被燒死，而加爾文嘅著作則被當成助燃物。

踏入1540 年代，反對新教嘅火焰愈燒愈烈。1545年，法王將矛頭指向東南嘅梅蘭多勒，嗰度自13世紀以嚟已經支持宗教改革，被視為異端。1545年法軍喺當地展開大屠殺，幾千人被殺，廿幾條村莊被毁。

亨二世嘅死神來了式橫死標誌住瓦朝步入尾聲，喺之後嘅20年佢嘅3個仔先後當上國王：長子法蘭索瓦二世15碎登基，娶妻蘇格蘭女王瑪麗一世，並委國事予瑪麗舅父吉斯公爵法蘭索瓦同紅衣主教查理.吉斯。

吉斯家族出身洛林，當時尚屬神羅而未被納入法國。佢哋被舊貴族視為軍事暴發戶，只因法蘭索瓦生父克洛德同法一世交好，先歸化為法國人。

吉斯家族嘅坐大令舊貴族如坐針氈，當中以安托萬·德·波旁勢力最大，佢老婆係納瓦拉女王胡安娜三世。

新舊貴族抗爭以宗教派系形式展現，新教喺貴族間廣泛傳播，胡三世就被視為胡格諾派嘅精神同政治領袖；而吉斯家族則為視為死忠天主教徒。

吉家掌權後不斷迫害新教徒，令佢哋同波家關係日益緊張。另外法國因為連年同哈家嘅戰爭，以致債台高築，吉家因而唯有採取緊縮經濟政策，令佢哋更招人怨恨。

1560年，一批外省胡派教徒意圖將法二世同吉斯兄弟綁架，但陰謀敗露，叛黨首領被吉家兄弟車裂分屍掛城頭，而從黨千幾人則喺國王同王后面前被處死。

一直體弱多病嘅法二世可能受咗驚嚇，喺60年底病死，由其弟查理繼承王位。查九世年僅10歲，因此由嘉芙蓮太后攝政。

嘉芙蓮太后出身佛羅倫斯嘅麥地奇家族，佢希望能夠好似父祖咁，喺兩大勢力中取得平衡。為咗緩和局面，佢喺1562年1月頒布聖日耳曼敕令，允許新教徒有宗教自由，比佢哋非公開地用自己儀式做禮拜。

但兩個月後當吉斯公法蘭索瓦前往巴黎經過布萊斯河畔嘅瓦西鎮時，撞正一班新教徒喺度做禮拜，雙方初則口角繼而動武，混亂中法蘭索瓦俾石頭丟中個頭。

法蘭索瓦綽號刀疤囝，花名由來係佢有次喺戰鬥中被鎗頭刺穿兩頰，但佢仍然繼續戰鬥，十分強悍。狠角色如佢自然啃唔落啖氣，於是命手下親兵對新教徒還擊，數十平民被殺。



瓦西大屠殺展開咗法國數十年宗教戰爭序幕，新舊兩教已被認為勢成水火不能調和。新教徒以安托萬·波旁之弟孔代親王路易（安托萬不久後戰死於盧昂）同海軍上將科利尼為首，開始喺法國各地起事，並且向新教陣營嘅英國、德意志諸侯求援。

而嘉芙蓮喺吉家壓力底下，被迫取消宗教寬容政策，並且同教宗、西班牙等天主教陣營締約，法蘭西內戰因而演變成國際衝突。



雙方喺法國各地爭戰不絕，天主教徒喺刀疤法呢個軍事奇才帶領下，連戰連勝，自然俾胡派視為眼中釘。1563年2月24日，正在奧爾良打圍城戰嘅吉斯公爵被新教徒刺殺。

係咪就嚟到三十年戰爭

歐洲大混戰

吉斯公遇害加上路易.孔代被俘，雙方暫時停戰。攝政太后喺1563年3月頒佈安布魯瓦敕令，再次重申尊重胡派信仰自由，但宗教禮拜儀式只限於指定地方舉行。

和平日子延續咗3年，到1567年又再打過，直至1570年8月兩方簽訂《聖日耳曼昂萊和約》。

為減輕兩教敵意，嘉太后安排自己嘅幼女瑪格麗特嫁俾安托萬同胡三世之子亨利·波旁（佢受母親影響為虔誠胡派信徒），婚禮定於1572年8月18日喺巴黎舉行。

自路易.孔代於1569年戰死，新教徒就由海軍上將科利尼統領，連國王查九世都十分睇重佢，對佢言聽計從。

當時荷蘭亦正在反抗西班牙，科利尼說服查九世對佢作出支援，但嘉太后對此極力反對，認為會損害法國利益；另一方面刀疤法個仔亨利.吉斯自繼承爵位以來，一直視科利尼為殺父仇人，一場血腥陰謀開始醞釀。

隨住亨利·波旁同公主嘅大婚日期漸近，新教徒紛紛湧去巴黎慶祝，其中包括各地嘅新教貴族，但佢哋冇注意到城內新教徒嘅家門已被人用粉筆畫上一個唔起眼嘅白叉。



8月22日，一場針對科利尼嘅刺殺失敗，但佢嘅生命只係延長咗48小時。8月24日，亨利.吉斯同佢一班手下將科利尼同12名新教領袖殺害。

天主教民追隨佢哋嘅領袖開始喺全城獵殺新教徒，連婦孺都唔放過。屠殺由巴黎蔓延至整個法國，持續咗接近一個月，估計有3萬人被殺。由於8月24日係十二門徒之一聖巴多羅買嘅死忌，史稱“聖巴多羅買大屠殺”。（好似GOT劇情）




歷史學者一般認為屠殺受到嘉太后同查九世嘅默許同暗中唆使，而歐洲各國對屠殺嘅反應各異：新教徒如英國女王伊利沙伯一世沉重哀悼，而天主教徒就歡天喜地----西班牙腓力二世話當日係佢人生中最快樂嘅日子，教宗則特別命人創作一首謝恩讚美歌嚟慶祝。

但最好笑係法國最後係30年戰爭到為左打爆哈家走去同新教徒並肩作戰

冇計
為咗贏哈家同土耳其結盟