【癡線！我畀人呃完錢仲要收留埋佢個前任】

謝謝巴打

FEEL到最後同HEBE

在線上！

在線上

夠哂驚喜，中秋節快樂

在線上

live
中秋節快樂呀

在線上中秋節快樂!

在線上中秋節快樂!

淫故？

中秋快樂

就算係，最快都下個故
唉瘋咁多個故，我從來無睇過一個係可以即刻開始開心嘅

在線等樓主
Live左

新世紀廣場變MOKO
依家搭紅van我都係嗌新世紀廣場有落

我以為中文係新世紀，英文係moko

新世紀廣場個名不嬲無改過

Lm

在線上放工睇完Show出文啦



「你點呀？搵個地方坐吓？」

記得這座商場在裝修之前在某些樓層設有座位，可是現在我們找了很久也找不著，而且昔日讓我們交談交心的座位現在已經拆卸。

現在只是時值晚上8時，明明應該是旺角最繁忙的時段，可是今晚的旺角有點冷清，連平日排隊的食肆因為沒有晚市而變得冷清甚至關門。

整個樓層就只有我和Hebe一直漫無目的地走著，感覺十分詭異。

直到我們走回戲院的樓層，那是我們唯一熟悉而且沒有多大改變的地方。

Hebe打破沉默地說：

「好耐都無認真行過呢個商場。」

「嗯？我都係呀，但你旺角返工唔經呢邊？」

「返工放工都會經過，咁我喺出面個巴士站搭巴士嘛，但認認真真咁行就真係好耐都無。」

Hebe這句話後，我們又陷入沉默，因為我對過去總是避而不談，但我沒想過Hebe竟然說得如此從容。

「咁你點呀？見你今朝好似好唔okay咁。」

「都無辦法啦，第三本書可能就係詛咒，永遠都出唔到咁。」

「咁本書講咩？」

「一個癡線佬看世界。」

「哈哈，一個癡線佬看一個癡線嘅世界好似幾有趣。」

「都無啦，目前都hold起咗。」

「如果第三本書就係詛咒，咁直接出第四本書。」

「有啲爛......」

「你變咗，你以前都唔會mean人。」

自從Bella搬進來後，她教曉了我有些人是要用駁嘴來交心交談，細心回想也覺得可笑。

「又好似係，可能呢段時間學識咗mean人。」

不知怎的，我感覺到隔著口罩的Hebe堆起一抹苦笑：

「可能我哋都變咗。」

「但我知道世界無嘢唔會變。」

「我......」

她的支支吾吾令我明暸今晚有心事的人並不單止我一人。

「有無其他地方想去？或者想食吓嘢？」

她搖了搖頭，最終我們走出商場外的行人天橋，今晚氣溫明明很焗促，可是看著這座五光十色，但街道上人跡稀少的城市又有一種說不出的悲涼。

我們沿著西洋菜街一路走著，走到登打士街的休憩處，找了個位置便坐下。

剛才看著行人的眼神間都有一種憔悴，只是下半臉被口罩遮蔽，活像這個只要東遮西擋就能當作一直如常的時代，每個人都需要一個面具；他們都知道需要將面具脫下並且接受現實，但每個人都對接受現實後的未來感到不安。

Hebe打破沉默地歎道：

「我無諗過夜晚9點嘅旺角可以咁靜。」

「可能真係無嘢唔會變。」

「因為當我哋變咗之後先會覺得世界無嘢唔會變，如果你唔變嘅話你會希望嗰樣嘢係永恆不變。」

「可能我自己都想變，只係到最後咩都改變唔到。」

「點解一定要變？」

「因為我討厭嗰個無膽無用自卑嘅自己。」

Hebe靜默了片刻，然後反問：

「你真係咁諗自己？」

我默然地點頭，說不出任何話。說到底是我害怕說得太多只會更加認清自己的窩囊。

抬頭望著晚空，又想起自己曾經在無數過惆悵的夜裡感到迷茫，只能從這片遼闊的晚空找個屬於自己的角落，寂寞地嘆喟物是人非。

「我曾經覺得自己好似得到全世界，甚至覺得真係可以改變到一啲嘢。但最後被改變嘅就只有自己，甚至自己都唔知自己變成點。」

明明我只不過在做一件對的事，至少目前沒有人敢說追夢創作是一件錯事。可是隨著時間日積月累我開始疑惑這是否一件錯事？然後我漸漸分不清對錯。

想到這點，我無奈凝望著Hebe，她見過這雙無否奈何的眼神無數遍，但有一次卻把她傷得最深。

不是她不好，不是我不喜歡，而是我不敢喜歡任何人，不想發展任何關係，因為我目前只可以兼顧自己的寫作事業，其餘的我記得不太清晰。

原來過去的種種看似清晰，實際上只不過猶如模糊一片的相照。所謂的映像只是大概，或許這是人類的自我保護機制使然，太清楚的話人會因為太痛而活不下去。

只知道我們愈談愈深入，我知道總會扯到當年未完的話題，甚至為話題寫上續集甚至畫上一個句號。

「我鍾意嗰一個無膽自卑嘅你所寫嘅故事。我欣賞你無論其他人點笑你文筆唔好，甚至話你唔似一個作家，你都仍然唔會去理一直繼續寫，唔會遷就唔會迎合他人。」

「咁係因為除此之外，我無任何嘢可以做。」

對，我就是執著，同時比起任何人都清楚暸解，追夢就像一台加速的火箭，只要點燃後便不能中途停下，剎停的一瞬就意味著解體，而破碎的就是那個人的意志。

因此，那怕兜兜轉轉後仍然回到那個寂寞的角落。

「你估有幾多人係一邊迷茫一邊知道自己軟弱，但另一邊廂會不顧一切一直向前怨？」

「電影入面無所恐懼嘅勇者係假㗎，軟弱迷茫但又勇往直前至係常態。」

「唔使安慰我喎，啲人只係會讚揚電影嘅勇者，恥笑現實中所謂常態嘅人。」

Hebe沉靜了一會，接著問道：

「如果唔係淨係講其他人，淨係講我呢？」

「我會覺得......你係鍾意錯人。」

她認真地看著我：

「莫少，我要同你講一樣嘢，係我內心最由衷嘅說話。」

「其實......我從來都無覺得自己鍾意錯人。我覺得你好好，因為你一啲都唔自私仲會處處為人著想。」

「我曾經嬲過你，因為我不停諗點解你唔自私啲？如果你係一個自私嘅人就一定會接受我嘅主動，咁我哋就會一齊。但我另一邊又會諗，我鍾意過嘅就係一個咁樣嘅你。就算後來我搵返你，我知道你都仲係避開我，所以就算你覺得自己膽怯，我都覺得只係一個時機嘅問題。如果我喺你寫作事業得意嘅時候出現，或者你就唔會諗咁多顧忌。如果你學識自私，我再搵返你嘅時候，可能就係我哋最好嘅時機。」

Hebe對我說的話其實沒有甚麼感人的句語，但我卻不爭氣地有一抹淚水從眼角奪眶而出；

「Sorry….」

話音剛落，Hebe微笑地用用指尖輕輕替我彈去淚珠。

「唔需要Sorry，其實有好多所謂唔開心嘅記憶我都忘記咗，最清晰嘅就係我哋點樣認識，同埋呢一刻為曾經未完嘅話題畫返個完滿嘅句號。」

過去的已經過去，一切都回不去，昔日的種種只能留在腦海深處。

或許在過去的一段日子裡，所謂內疚和執著，在兩人重遇的一瞬已經化作一抹雲淡風輕的微笑。

「Thank you。」

「引用返我男朋友同我求婚嘅一句，話呢個時代好多人都只係討論這是一個流行離開嘅時代，每個人都唔擅長道別，但無人去討論喺一個流行離開嘅時代應該要去珍惜一個人，而唔係道別。」

「求婚？」

「係呀，本來打算分開，因為大家對未來都無共識，我仲del晒ig啲相。點知隔咗一排，佢就同我直接求婚。」

「哦！原來......」

她點了點頭：

「我哋都要向住唔同嘅未來繼續追趕，雖然我知道你會覺得不安，甚至又會Emo一段時間。但係對我嚟講，今晚就係向以前任性嘅自己講一聲再見，亦都想畫返上一個句號，祝福你祝福自己。」

自我們漸行漸遠的一瞬開始，她的故事就已經與我的人生拆開。只知道我們都穿行在一座相同的城市，偶爾看著同一片天空，正因為只有那丁點的相連性，才讓我們惦念不忘地想像和假設，沉醉在那個猶如平行時空的夢境內。

直到某天她活活走到自己面前，或者在網絡上讓所有人見證她的幸福，到了那個時候才真正醒來，知道我在她的故事裡已經變成一位觀眾。

那一個瞬間，我鼓起遲了很多年的勇氣，用一個擁抱取代今晚該說的道別，補完未曾將她擁過入懷中的遺憾，而結尾換來她的一句感謝已經不枉。

與其說是遺憾，倒不如說是惋惜。

因為每一段過去猶如一場夢，現在回想那場夢曾經也很美。

可是我們只是「夢」裡認識的人，醒來就互不相干。

只是那場夢的後遺，又是一杯酒後的腦海掠過的一抹片段吧。

最痛不是知曉自己失去了，而是知道自己差點擁有過。

而我又一次在不知怎樣面對和掙扎如何應對之間，眼巴巴的將一個人推到別處。

某程度上，我真的有改變過嗎？




待續等大家追live

推推推

在線上