其實佢哋根本無必要用呢種方式同我地講
可以好開心咁講我地要solo啦
又或者唔係條片講 用公告宣布呢件事
但佢哋係喊住叫我地諒解 因為驚我地唔理解/討厭
係到要多謝佢哋咁重視我地 先會用咁嘅方式通知我哋
我已經睇慣左佢哋係七位一體
所以到而家諗起件事個心都係唔舒服
又會驚好似之前追嘅團體咁 名存實亡
但根據佢哋嘅講法 佢哋寫唔出歌 無左方向
開始無左自己
如果要勉強佢哋繼續團體活動
對佢哋來講 好殘忍
如果因為我想睇到佢哋七人活動而令佢哋繼續痛苦
我做唔到 我寧願而家因為暫停團體活動而喊
好過係某一個宇宙裡面永遠失去佢哋而喊
但我都無辦法因為咁而唔再傷心
次次話調整完心情 下一秒因為睇到佢哋七個又喊
諗起Kubler-Ross 嘅悲傷的五個階段
1. 否認/隔離(Denial & Isolation)
2. 憤怒(Anger)
3. 討價還價(Bargaining)
4. 沮喪(Depression)
5. 接受(Acceptance)
唔知大家係邊一個階段
但希望大家可以好好渡過呢段時間
歡迎大家繼續係到抒發下感受
最後送上一句:
Life goes on. Let’s live on.