呢幾日好似嚴重左 我都唔知點講
琴晚突然開始唔想食野 飲左少少湯就無再食
又無食早餐 依家食左少少飯再食就反胃
最近工作壓力好大 琴日比人催做野
突然心跳加速得好快 手又震晒 仲好似就暈低咁
不停深呼吸都無幫助 不停做不停做
一停低就雙手掩面抱頭 覺得好辛苦
返屋企個程車忍唔住係咁流眼淚
一邊喊 一邊轉車 行到樓下忍唔住大喊
返到屋企都好想堅持食埋餐飯 唔想啊媽察覺得到
但都係忍唔到 入房喊 不停喊
同男朋友講 最後又變左鬧交
佢又係話我好沈醉有病 係我凝住自己有
就算係有影響都只係少少 唔完全關抑鬱事
我想有人氹 但只係比人話我打橫黎講
兇返我轉頭 話我鬧錯佢 話我打斷佢講野
不停分析事情 講道理
即使我已經崩潰 我依然要理性 每隻字都唔可以錯
崩潰喊左好耐 今朝對眼腫晒咁返工
好辛苦... 邊個會想咁樣死頂
有啲人唔明就唔明,再熟都忍住唔好同佢地傾,無好結果
個人經驗