[真事]《所有角色都係player嘅愛情故事》

預言家JOJO張開雙眼，果斷地指向Jason。雷達亦立即豎起拇指指向天花予以回應。

JOJO得到雷達的回覆後便閉上眼睛，等待雷達宣佈第二晚結束。

「好啦，第二晚結束。今晚文仔死咗。」雷達說。

大家都沒有表露出太大的反應，有些人不斷微微點頭，有些人則在暗笑。所有人都認為文仔被殺是一件預料之內的事。

「既然文仔同阿晝死咗，我覺得狼人同女巫都有可能係女仔。」Alan說。

「我都覺得係。」JOJO說。

「睇嚟大家都有結論咁喎。」Jason說。

其他女生都一聲不吭的，沒有人走出來反駁他們三人的想法。

「下.....點解我死就係女仔啊.....我咩都冇做過......」文仔不甘地說。

「hahaha我都係同你研究下姐，唔洗咁認真嘅。」Alan說。

「hahahahaha.....」大家一同發笑。

「好啦咁，我決定投Zoey！」Alan說。

其他男生見狀都決定投票予Zoey，而女生之中就只有Cherry和Tiff投票給Zoey。剩下的組女就把票全都投給Alan。

可能她們都認為Alan在這場遊戲中太過鋒芒畢露，一直在主導著整個遊戲的進程，實在有狼人之嫌。

雷達見大家已經作出決定，便開始點算票數。

「唉，又屈我，我明明係廢村嚟。」Zoey反駁。

「又唔好咁講，咁阿晝死咗，我地想比機會你地殉情咋！」Cherry說。

「殉情！殉情！殉情！」大家突然起哄。

「喂啊，又亂講！！」Zoey耳朵泛紅說。

「你地唔好咁衰啦，你睇下文仔一個人死幾慘！」Tiff說。

文仔一臉疑惑的望著我和Zoey，再說：「咁點解唔可以我地三個一齊殉情啊？」

大家聽見文仔這樣說，先是突然變得安靜，然後大家又再一同大笑起來。

「hahahaahah」

「文仔你知唔知咩叫殉情啊！」Alan恥笑說。

「你想殉情唔係唔得，但要人地想先囉！」Cherry說。

「屌，你兩個夫唱婦隨咁，得唔得架！」我把大家的注意力由文仔轉移到Cherry和Alan身上。

「WooooW……….」眾人又再次起哄。

「係囉，淨係識講我地，講下Cherry同Alan先得架嘛！係咪啊Cherry！」Zoey笑說。

「咩喎！咩喎！」Cherry害羞地說。

「唉，有冇人理過我地班單身狗嘅感受！」Jason說。

點票完成之後雷達便打斷了大家的討論。

「好喇，最後過半數都投Zoey。所以Zoey死咗。」雷達說。

「殉情好嘢！」Alan說。

「hahahahah」眾人發笑。

「講完就開始第三晚啦！大家合埋眼。」雷達說。

由第三晚開始，我便沒有太過投入於遊戲之中。因為文仔和Zoey都死了，我認為也是時候跟文仔聊一聊，打探一下關於「溝女班」的事。

自從文仔被眾人挖苦之後便一直坐在原地發呆。他呆呆的望著地墊，不知道在想甚麼。

他就像進入了冥想世界之中，對身邊的事毫不關心。我見他在發呆，便一手拍他的肩膀再說：「喂文仔，做咩唔出聲喺度發呆啊？」

他應該是被我突如其來的問題嚇到了，文仔一臉驚恐地看著我說：「冇.....冇啊，都死咗未發下呆等大家玩完.....」

「哦~~~~其實佢地講笑咋，你唔洗咁上心喎。」我說。

「冇.....冇啦.....haha」文仔說。

「唉，遲下玩熟咗就冇野架喇。係呢，你仲有冇玩其他ocamp啊？」我說。

「冇喇，得呢一個咋。」文仔說。

「咁未好囉，遲下完咗camp多啲出嚟re-U！」我說。

「會啦。」文仔說。

「唉，唔好講呢啲住喇。我聽Zoey講呢，你有去上啲追女仔班喎。」我說。

「係啊，咁又點啊。」文仔露出不悅的表情，又突然壓低聲線說。

「冇，我都係想睇下有冇機會跟你學下嘢姐，大家交流下心得咁囉。你唔好同人講喎，其實呢我同Zoey真係冇嘢架，我係溝緊佢，所以都想學下嘢。你唔好同人講啊！」我試探他說。

覺得幾好睇 但每日既份量有啲少
每日追就有啲辛苦
我都係過多幾日再入黎

日日追 推

推

「哦.....errr….我都唔知喎，未必幫到你，你加油啦......」文仔說。

「咁你有冇咩門路先上到嗰啲班架，我都想學下。」我說。

「要人介紹先入得架，我都...唔係上咗好耐，未必幫到你住。」文仔說。

「咁好啦，你上堂加油啦咁。」我說。

「咁緊係會啦。」文仔說。

我一直都對自己的直覺很有自信。當我察覺文仔貌似不想談及「溝女班」的事，亦不太願意介紹我成為其中一位學員之後。

我便更加確定文仔喜歡Zoey是千真萬確的事。為了不要令他對我更反感，自文仔拒絕介紹我成為學員之後，我們當晚便再沒有說過一句話。

不過對他拒絕幫忙的事，我倒是一點也不在意。因為我真正的目的從來都不是成為「溝女班」的學員，而是想打聽一下那些技巧大概是甚麼。

我也理解文仔的想法，可能他擔心萬一我也成為了其中一位學員，就會比他捷足先登。

雖說我成功跟文仔搭話，但我卻打探不到那些所謂的「溝女技巧」究竟是甚麼。我開始擔心他會在迎新營時對Zoey或其他組女做更多出奇怪的舉動。看來我跟雷達要在那三天內好好觀察他的行為了。

我並不是小看文仔，不過我也相當肯定就算他學盡所有技巧，Zoey應該也不會跟他一起。

跟他說過幾句之後，文仔就回歸了他的冥想世界，而我就準備問阿真今晚要到那裏喝酒。我拿出電話發送了幾個訊息給阿真，他很快便回覆了我。

「喂，今晚去邊飲啊。」

「你地完咗再講啦，我同雷達講咗喺旺角站等你地。」

「咁好啦，我地都就嚟完。」

我很想知道阿真為甚麼會無聲無息地分手，不會又是Kenneth出軌吧！不過我覺得阿真對Kenneth也不是認真的，大概只是想嘗一下跟男人拍拖的滋味。

我不擔心阿真今晚會在我們面前情緒失控，反而很想知道他會怎樣慶祝自己回復單身。作為阿真的兄弟，我當然希望他今晚會有所斬獲。

我收起了電話後，狼人遊戲也快將到尾聲。場上仍生存的人只剩下Tiff、Naomi、Jason和Cherry。

「好喇，都就嚟完喇！大家投票啦，你地自己私片搞掂佢！」雷達說。

「我投Tiff！」Naomi說。

「咁我投Naomi！」Tiff說。

「我地都投Naomi！」Jason和Cherry說。

「好Naomi死咗！遊戲結束！狼人輸！狼人係阿晝、Jane同Naomi！」雷達宣佈遊戲結束。

「唉呀，最後都係輸咗！不過唔關我事！我係最早死！」我說。

「好辛苦啊諗咗咁耐野，就嚟攰死！」Cherry說。

「係囉，估唔到咁都比我捱到最後！」Jason說。

「到時入正camp再玩其他野啦！」Tiff說。

雷達見不少組仔女都開始感到疲倦，便打算結束這次的聚會。

「既然大家都差唔多，咁我地今日都差唔多散喇！下星期二就係正Camp，好快就有得再見！未玩夠嘅就到時再玩到盡啦！」雷達說。

「係啊，下星期二見喇大家，記住執齊野入Camp啊。我地會再提大家要幾點等嗰啲架喇。」Tiff說。

雷達和Tiff向大家交代下星期二Ocamp的詳情後，組仔女便準備各自散去。我們和組仔女乘升降機回到大堂後，便目送他們逐一散去。

時間亦不早，Tiff吩咐組仔女最好還是結伴同行到地鐵站，尤其是組女。不少組仔女都結伴離去，只有文仔一人是獨自離開。看到文仔落寞的背影漸漸消失在旺角街頭的人群之中，我也為他感到相當難過。

「唉，佢都好慘啊，第一次見面就搞到咁。」雷達說。

「都幫唔到咁多啦，佢自己做柒咗先。」Tiff說。

「都係嘅。再算啦，你地而家去邊啊，我同阿晝搵阿真飲野啊。」雷達問。

「我同Tiff一齊返去啊，你地去飲啦。」Zoey說。

「咁好啦，你地小心啊。」我說。

「知道啦，你先要乖啊！」Zoey摟著我說。

Zoey一直摟著我，我和雷達亦陪她倆人在街上等的士。

「有車喇喂。」雷達看到不遠的的士說。

「好啦，上車喇我地。」Tiff說，接著就親了雷達一下。

「我又要錫！」Zoey摟著我並掂起腳尖。

「知喇~~」我親了Zoey的嘴一下，便目送她和Tiff登上的士。

我和雷達向她們揮手，直到的士在街尾的轉角位置消失。

「喂，去邊飲啊我地。又話旺角站等。」我問。

「仲飲酒？我同你加阿真，呢個組合仲可以去邊啊！一定係老地方見！」雷達說。

「老地方？咁即係蘭桂坊啦。唉，都估到你地，無啦啦三條麻甩佬飲咩酒啊。」我說。

「行啦，而家去地鐵站搵阿真。今晚佢失戀，一定係玩盡佢架喇，唔好同我講咩女朋友啊！」雷達說。

「行啦咁！」我說。

我和雷達便由登打士街出發前往旺角地鐵站。

有冇加更

今日接近平時一倍 盡左力

識玩呀

呢種長度ok加油晝哥 好好睇
應該都會同Zoey一齊架啦

估到會下場撞到Christine 冇呃

想睇晝同Christine

我有想過問Christine關於她男友的事，可是我們只是剛認識了幾小時，而且今天還是我們第一次見面。

我怕若我表現得太過「自來熟」，就會被Christine以為我是那些獸父。我並沒有問Christine拍拖的事，六人就站在月台上等待列車的來臨。

雷達和阿真表現得相當主動，上前就對Christine的兩位友人搭話。我也不知道他們是真的對她倆很有興趣，還是故意製造機會給我和Christine，可能兩者也有些吧。我不想浪費雷達和阿真為我製造的大好機會。

等了大約5分鐘，前往中環的列車終於到達。我們六人一同登上了地鐵，乘坐同一班列車前往中環。

雷達和阿真拉著Christine的友人站在車門旁的一角交頭接耳，時不時更望向我和Christine的方向暗笑。我和Christine則站在車廂的中央，兩人面對面的站在扶手柱前面。

由於列車行駛時發出的噪音實在過於嘈雜，令我聽不到雷達他們一直在說甚麼。

Christine見我盯著他們四人便問：「做咩啊，對我兩個frd有興趣啊。」

「唔係啦，好奇雷達會同佢地講啲咩姐。」我說。

「都係，你都有Zoey！」Christine說。

「笑死，又講Zoey！」我說。

「咁緊係啦，頭先你地咁sweet，但感覺你地唔似拍緊拖。」Christine說。

「點解咁講？」我說。

「係女人嘅直覺啊。」Christine得意地說。

「可能啦。」我說。

Christine見我不想提及Zoey，便再沒有說起關於她的話題。不過，既然她說起了拍拖的話題，我當然不會放過這個機會。我決定要問她男朋友的事。

「你呢，你唔係有拍拖嘅咩。去LKF唔怕比人知？」我問。

「你又知我拍拖？！」她驚訝地問。

「咩啊，你自己喺Ocamp報名表度寫嘅。」我說。

「哦~~~~你話嗰張form。假架，我鳩填咋，估唔到你地真係會睇。」她說。

「點解要填假？」我好奇地說。

「咁我都唔係中六妹妹仔啦，讀過High dip都知玩Ocamp好多狗公。填有男朋友係廢是比啲奇怪人撩姐。同埋就算比人撩都易啲拒絕人。」Christine說。

「嘩.....而家啲女果然識玩！」我笑她說。

「去死啦你！你地一睇就知成日去LKF！你地仲識玩！不過你唔好同人講我係填假，廢是入camp比其他組嘅人撩啦。就當係我同爸爸之間嘅秘密啦！」Christine說。

「笑死，喺街唔好亂叫爸爸啊屌你，唔想比人以為我係奇怪人！」我說。

「哦！爸爸！爸爸！」Christine繼續捉弄我說。

經過這段車程之後，我和Christine開始變得熟絡起來，說起話上來亦不會那麼尷尬和生硬。

雷達和阿真有說有笑的和Christine的朋友聊天，在好奇心驅使下，我便和Christine說起她的兩位朋友。

「喂，你兩個frd玩唔玩得架，feel到雷達同阿真好似有興趣。」我在Christine耳邊說。

「都ok架，feel到佢地都有興趣，唔係唔會傾咁耐。平時冇興趣一早拉返我過去喇。」Christine。

「你唔比佢地係想製造機會比我地咩。」我說。

「想溝我啊。」Christine說。

「屌，唔係下下都要溝嘅，唔做獸父呢啲野。」我說。

「唔知你啦，都唔知暗地裏食幾多女。」Christine冷笑說。

「咁呢個就要搵機會同你研究下先知，haha」我說。

「你睇下你講啲野fuck到！hahahaha」Christine大笑說。

「屌你啦！冇做fuckboy好耐！」我笑說。

我和Christine在車廂內小聲講、大聲笑，不知不覺就忘記了列車還有多久才到中環。我抬頭望向列車頂端的線路表，打算看一看我們在哪裏。突然，列車在毫無預警的情況下急煞。

其他人都被突如其來的急停嚇到，伴隨著急煞所帶來的晃動，大家都在一瞬間失去平衡。

情急之下，我一手握住了面前的扶手柄，卻不小心跟Christine握住了同一個位置。

我的手包裹著她的手，一同握住了面前的手柄。當我感覺到握住的不是手柄而是她的手，我便立即放開了她。

我必須澄清剛才只是無心之失，絕對不是有意為之。當列車行駛回復正常之後，我馬上對Christine說。

「喂，屌sor。頭先冇心。」我說。

「冇野喎，我係介意就縮開咗手啦。」Christine說。

「發覺你都幾Man架喎，講野成個麻甩佬咁。」我笑她說。

「咩事啊爸爸！冇啦啦講呢啲！我怕我對住你變到好女仔嗰時，你會驚啊！」Christine說。

「笑死，咁有機會真係要見識下！」我說。

「睇下點！」Christine說。

大家都並沒有把剛才的事放在心上。我們繼續在車上閒聊，很快便到達了中環站。

Push

有冇多更

草一個月先睇

屌得未

都差不多