Leveraged ETF 討論區 (5)

連睇淡嗰啲post都消失晒

呢隻野我升幾蚊就忍唔住走左

跌鋪勁嘅 20% 仲好，個個入貨

Shiller PE可以參考，但我唔會作為買賣依據。
我唔知道下次爆煲嗰陣Shiller PE會係40、50定60。如果Shiller PE升到60先爆煲，咁我咪錯過哂中間嘅升幅？期間S&P 500可能已經升咗兩三千點。

當然我唔係話完全忽視股災風險。與其清倉，比較好嘅應對方法係一路靠LETF賺錢，一路將部分利潤撥去債券(TMF/TLT)、非槓桿資產(VOO/QQQ)或者現金。


https://www.multpl.com/shiller-pe

今日又炒咩
明明無乜利好

泡沫大爆破前都係無回調過一路直升
起碼近年個股市間中都有回調下

本多終勝

冇乜利好又冇乜利淡
年尾好似個個等收工

「由今年年初至今，Nasdaq 100已經升咗26.53%」
1. 以現時既股價增長速度，企業利潤增長真係跟得上咩？科技企業股價極度依賴(1)未來高速增長的現金流，同(2)長期維持極低利率，以保持discounted cash flow model計算出黎既高估值合理性。以上兩個條件投資者一但發現無法實現，股價就有可能大幅回調。美股基本面係有優勝之處，但能否支撐如此高的估值水平？
世界上從來唔存在「有買貴無買錯」，買貴本身就係買錯，就算資產本身有幾優質，用更高價格買入必然導致將來更低回報。呢個係低買高賣既數學定律，同投資理念無關。只要投資者大規模無視呢條戒律，無視市場風險，我就會高度警覺。
資產價格只喺一買一賣呢兩個時間點上有真正意義，代表買賣雙方交換資產對賭既價格，中間持有過程價格高低只有心理影響與實際回報無關。高位出貨，低位入貨先可以享受到資產轉移既益處。但宜家好多散戶期望可以將來更高位出貨，合理化自己現時高位入貨既風險。每一價位都有對應既風險與回報，現時價位對我而言並不吸引。

2. 泡沫幾時爆，同上一泡沫幾時爆無必然關係。火中取栗，真係一個值得鼓勵既行為咩？我初初玩股票，聽過牛三特點就係「股價脫離基本面，股民無視風險高槓桿買入，以為過往股價增長可以長期維持」。雖然我唔會區分牛熊幾多期，但我好重視投資者情緒。散戶情緒高漲不問價不問基本面買入既，我就避開唔沾手或者減倉，永遠等到少人討論時先入貨。

3. 對於通脹率，問鍵在於貨幣信心以及貨物供應，今次通脹我認為前者關係不大，主要係後者demand side供應問題，所以我同意呢次通脹憂慮唔需要太緊張。
但做人總要睇長遠啲，貨幣信心取決於央行貨幣政策同政府財政政策，美國政府長期赤字預算，而且睇唔到有打算回復到平衡。如果債務增長比唔上收入增長(正如現時)，縮減開支或者通脹減輕債務就無法避免，而兩者對於現時美國都十分痛苦。基於人性既貪婪，聯儲局已經錯過咗過往二十年所有回避核心金融危機既機會，反而每每用減息放水將問題倍大以拖延。所以貨幣信心只會走弱，不會回復。
而前面危機有，人口結構老化問題，養老金問題。除咗美國，歐洲日本都有呢個問題，高度可預期而且結局幾乎已註定。
或者以上問題無二十年都唔會徹底爆發，但我地可以睇近一啲，中國經濟2019年已經走上破滅既道路，習近平近年舉動更令我相信政權崩潰唔會太遲黎到。中共既極權特性令所有社會問題被掩蓋至最後一刻爆發出黎。今年恒大違約標誌住中國經濟明斯基時刻，中國房地產泡沫會以比日本更差既方式影響經濟同社會。
所以我更願意賭中共喺十年至二十年內喪失對一部分地區管治權並引起動亂。呢種動亂會徹底打亂全球供應鏈同地緣政治風險，同今次通脹風險不可相提並論。西方世界長時期活喺和平時期，我認為市場未充分認識中共倒台既風險同影響。為此部署遠比買TQQQ有投資意義。點都好，大家點投資係大家既自由，只要大家有考慮清楚風險，願意承擔所有後果。

PS 打咗好多無關LETF既野，為免影響大家正常討論，唔quote我黎回覆可能比較好。

btw, 講起散戶瘋狂情緒
我覺得依個post無人講Rivian已經算係咁

Shiller PE升唔升到60對strong hold TQQQ既人有幾大意義？如果你PE 40唔賣TQQQ, 50唔賣, 60唔賣，咁喺60爆煲急速回落30水平左右既話，30至60中間既升幅除咗持有時既快感，對大家有咩意義？
升幅錯過與否，只取決於買賣時機。大家如果當初錯過咗喺PE 20 左右既位置買，又唔係PE 40 左右位置賣，咁意味住錯過咗20至40既升幅。當然大家可以期望PE會從40升到60，但當中風險同20升到40完全係兩回事，希望大家明白我講既意思。

正正係被連登睇唔起既貴金屬

咁講真喎，要對沖生存射險，買定米同午餐肉算喇

自首有貨

所以TQQQ一路升，一路會rebalance去債券、非槓桿資產、現金囉

TQQQ又破頂 嘰嘰

小賭宜情
但唔好大注啦

可以用凱利公式去諗做幾多準備
例如你覺得10年內爆發第三次世界大戰嘅機會係5%
咁唔值得為咗5%嘅機會而全倉買黃金

咁講，有日中國同美國打仗，到時就唔係講錢了

1）PE太高
2）下年企業增速會放緩（今年反彈強勁）
3）Taper、加息預期緊隨其後
3）地緣風險增加
4）高通脹會至少維持一、兩季時間。

要諗下係未下年啲人就完全唔用Mega Cap嘅Device或者Sevice ？
NDX嘅PE係37左加，當下年2-3月第一季ER 出到嚟見真章，增長放暖的確會對股價受壓，但唔會係泡沫爆破唔種下跌。股價跌，或者磨返半年，ER慢慢升返上嚟，PE自然落返去正常水平。

唔係話𠵱家冇風險，風險係高，市場熱錢仍然太大。
但𠵱啲你知我知對面單眼佬都知。所以由頭到尾都冇人叫人all in 身家落去買LETF，我自己亦都係大約10-15%係股票（包括Leveraged/Non-Leveraged）。