上個PO之後喺屋企都冇咩時間靜到落唻,都係喺其他PO吹下水算,而且越睇就越多嘢要睇
本身諗住逐個PO詳細回覆,不過好累贅又唔係真係有咩insight都係算數
追返PO見到FX巴呢個回PO實在太好了
至於靈源求道巴講嘅嘢,係好啱好有道理,但個應對方法就不敢苟同,因為某程度上我覺得幾矛盾
呢度雖然叫LETF討論區,但基本上都係講點用LETF set portfolio,就係承認一樣嘢,教主嘅真言
「5. 要有自知之明,唔好以為自己識預知未來」
所以唔會去time the market,如果眼光真係咁好,根本就唔使討論,唔應該揀呢種策略,好似巴菲特會推人買VOO但佢自己唔會一樣。
而我哋透過backtest唔同組合,可以知道唔同市況下,包括最最最差嘅2000嘅時候portfolio嘅反應,再去揀個適合自己嘅,去免除time the market嘅問題。
事實上我哋可以睇到,如果唔係臨近退休,或者冇留基本現金去應付生活,最普通嘅TQQQ 6:4 TMF其實並唔係有幾大風險,唔係好似靈源求道巴咁講,係散戶唔可以沾手嘅嘢。
反而time the market嘅風險更大,因為好睇眼光之餘,亦冇得計,你唔知要面對乜,唔知將來係點,心理上要承受更大壓力更易出錯。
其實都同股票市場一樣,最會令市場下跌嘅唔係壞消息,而係未知。
反而set好機械式操作嘅portfolio,你大概會知道要面對啲咩,都減輕咗心理負擔。
同埋靈源求道巴講好多數字,同時又強調股民情緒,呢個咪就係time the market可能會有嘅問題。
數字上係就唻爆咁,但你點知今次股民情緒係點?經過咁多事咁多年,又QE又世界各地咁多股民加入咗,資訊又流通咗咁多,可能個情緒可以推多五年十年推到個價比以前唔合理多5倍10倍先爆呢?而且資金都係多咗喎?你永遠唔知。咁一直玩啲低風險低回報嘅嘢?浪費十年時間?
again, portfolio嘅話已經管理好風險同時又唔會錯過無厘頭又唔理性嘅升浪了。
冇錯,學教主話齋
「6. 對世界要有基本理解,買終丐股就死得」
投資始終都係要下判斷,如果用終丐股之前嘅表現唻backtest咁咩portfolio都冇意思。
所以我賭嘅係美帝至少20年之內未會急速衰落,科技仍然會向前,唔會一夜之間可能太陽唔知爆咩炸唻個咩風暴搞到世界高新科技要重新唻過。
而睇完backtest個portfolio咁穩陣之後,我會比Out巴更SH個portfolio,出幾大問題基本上都唔會走/全走,除非我覺得美帝/人類科技要玩完。