雖然我自問都鍾意backtest,但係無依個post其他巴打咁重視。因為我知道自己一定唔會跟。
對於股災嗰陣離場,我有兩個準則嘅。
第一個:我自己心目中有一個金額,只要身家高過依個位就可以維持decent嘅生活一段長時間。跌穿依個位我就一定會走。前面有巴打問如果出現十年熊市,不斷溝貨不斷跌點算,我好似係無覆佢嘅。因為溝貨溝到開始影響你嘅生活嗰陣,就應該收手啦。投資應該要生活為先嘅。
第二個:睇新聞,憑自己對世界嘅認知去估計今次事件大唔大鑊,然後再決定走唔走。依個諗法喺第一個post都有講過嘅。
金融海嘯嗰陣,如果去到房利美被接管、雷曼破產、美林證券被收購都仲仍然繼續Strong Hold唔走,我都唔知道應該話係遲鈍定係堅毅。
https://lih.kg/tkokjEX
當然依種time the market嘅做法都唔係完美,遇到2020年3月肯定會喺熔斷嗰陣走咗,跟住一直唔敢入返或者FOMO高追。除非好似1987年股災跌得咁急,否則依兩個準則很大機會可以保持到自己生活過得不錯。