Leveraged ETF 討論區 (5)

我覺得依啲乜乜ratio好容易跌入陷阱。
例如唔少人會用白米同白銀嘅價格做比較，但係忽略咗糧食價格最近100年大幅下降。
如果單單睇白米白銀、黃金白銀嘅ratio，好容易會得出「而家價格偏離歷史平均值，遲早會修正返」嘅結論，但係我覺得唔多準確。
http://decky88888888.blogspot.com/2018/08/blog-post_38.html

前排有個朋友嘅朋友睇好白銀，佢話用gold silver price ratio去睇，白銀已經被低估咗幾十年。
我就話好似有個人單身咗三、四十年，繼續單身落去嘅可能性其實大過突然出pool。
既然白銀已經被低估咗幾十年，繼續被低估十幾廿年都唔出奇，唔代表白銀會升返。

唔好time the market

即係變左睇路紙忽視左現實環境咁

1970s個背景係布雷頓森林體系完結過渡到美元本位
就算金唔再係貨幣仍然有一段時間漲幅比唔上自由貿易之下既價格
唔一定可以直接比較

開始多gel頭post，上一次好似係8月尾9月頭

靈源巴打講嘅「就算資產本身有幾優質，用更高價格買入必然導致將來更低回報。呢個係低買高賣既數學定律。」我都同意。

但係正確做法係盡早買入優質資產，而唔係買入價格較低嘅低級資產。（靈源巴打唔係依個意思，純粹想借依句嚟插吓。）
就好似全倉TQQQ巴打舊年唔知8月開始買TQQQ，我今年4月先開始，所以佢回報率高過我，依個就係盡早買入優質資產嘅例子。
又例如有啲人買唔起香港樓，就退而求其次去大灣區買樓，但係最終決定樓市走勢嘅唔係相對價格，而係兩地嘅發展。

我都同意你呢個睇法「正確做法係盡早買入優質資產，而唔係買入價格較低嘅低級資產」，但優質、低質恐怕係主觀之分，受主流睇法限制而且隨時間變化。如果資產被大多數人視為優質，價格必然被炒高。要趁早入貨，就要搵到尚未被人認識價值或被低估既資產。如果資產價值被人認識，喺大眾眼中由「低質」轉為「高質」就可賺取大利，但呢種方法需要前瞻性同耐性，眼光準確與否更加係關鍵。
我覺得大家最重要係認清自己投資方法既特色同優缺點，例如TQQQ係玩趨勢投資，其實係不宜strong hold，反而應該見有明顯跌勢就即走，到升勢重新確立先入貨。TQQQ面對跌市其實好難捱，upside 好吸引但downside 係毀滅性。我最大擔憂係新手盲目全倉strong hold TQQQ會招致嚴重損失，就係TQQQ同債券/現金re-balance，TQQQ帶黎既壓力都異常巨大。
本質上，我同呢度巴打既討論，主要分歧在於風險喜好定厭惡，同趨勢投資定逆勢投資。我既著眼點係長債週期、利率週期將要走近尾聲，低息放水既日子唔能夠維持太耐，即regime shift。我既投資策略完全係圍繞呢一點。
不論點，可以同大家理性係一件難得既事。

UPRO

出入TQQQ既前提係time the market準過SH 否則點解唔SH呢
一個set得靚既TQQQ portfolio風險可謂相嘗可防可控

引入commodities, VIX等對沖既話MDD甚至可以同QQQ比較
(2000冇計 QQQ太慘 不過你用UPRO/SPY上面都大致適用)

PV個網想simulate VIX有個問題就係VIX既contango相當明顯所以UVXY會極速失血而^VIX唔會 但係實際操作又避唔開呢部分既成本
睇黎要搵下有冇人backward simulate UVXY/SVXY先得
(上面冇用VIX)

如果資產被大多數人視為優質，價格必然被炒高。要趁早入貨，就要搵到尚未被人認識價值或被低估既資產。如果資產價值被人認識，喺大眾眼中由「低質」轉為「高質」就可賺取大利，但呢種方法需要前瞻性同耐性，眼光準確與否更加係關鍵。

依段文字最好嘅例子就係幾年前嘅Tesla同Bitcoin，喺5年前開始堅信Tesla、Bitcoin嘅人一早發哂達囉。
FAANG我認為仍然有好多價值未被人認識，人地仍然低估咗科技發展嘅速度同威力。我自己都算係留意科技嘅人，近年啲新發展不斷令我有意想不到嘅驚喜。即使美股已經炒到好高，但仍然有好多好多人未認識到、仍然未加油依場音樂椅遊戲。
用Crypto嚟講會再明顯啲，即使已經炒到好貴，但係仲有大把人未入場。而家距離姨媽姑姐掃地阿嬸都買TQQQ、Bitcoin仲有大段距離。依個就係我所講嘅「有史以嚟最大泡沫嘅意思」。
至於貴金屬......我唔知道佢有冇被低估，但係就無咩尚未被人認識嘅價值。

無錯TQQQ time the market做唔到，而我個人認為strong hold又太危險。所以我覺得根本上散戶唔應該掂TQQQ，QQQ+債券/現金rebalance已經好好，只係no one wants to get rich slow。QQQ 過往十年rate of return 20%已經係超常發揮，30%以上既回報往往伴隨難以承受既風險。

backtest 唔考慮2000年我覺得始終風險管理上有嚴重欠缺，strong hold意味面對任何環境都唔可以放棄策略，即使係2000年一類既環境同高通脹環境。如果2000年同高通脹重臨，散戶醒覺唔能夠長hold TQQQ就已經太遲。

白銀其實都好多用途，尤其科研發展上，我見reddit 已經有唔少人買

有tqqq tmf 60/40 backtest唔知係邊但就2000都唔怕 當時mdd甚至比100% QQQ好
coomodities 2008 反應一般但vix對2000 2008都好有效

空氣仲多用途，我賣啲俾你
啲名畫都無咩用途，淨係可以擺喺度睇，但係又炒到億億聲

MDD係大過全揸QQQ既 但sharpe ratio高唔少
當日qqq係冧左8成 但宜家qqq咁多megacap 我諗好難成冧8成 或者似s&p 08年咁冧5成

例如TQQQ係玩趨勢投資，其實係不宜strong hold，反而應該見有明顯跌勢就即走，到升勢重新確立先入貨。TQQQ面對跌市其實好難捱，upside 好吸引但downside 係毀滅性

點先為之明顯跌勢，點樣為之重新定立升勢？過度主觀可能會左一巴右一巴 ，好多巴打就係咁hold唔住走哂寶

9月咪又係跌得8%

正 就快出糧了

唔認同散戶唔應該揸TQQQ
亦都唔認同全身家買TQQQ
揸TQQQ就係想本少博最大利潤
慳返出嚟嘅錢就可以做其他穩陣/其他低風險投資
講到尾係每個人嘅風險胃納
有啲人玩幣可以瞓唔著，有啲人可以一晚七位數上落都okay
好難一概而論

白銀應該電動車會拉動需求
問題係個供求關係係未會拉到銀價上嚟
唔識。要搵下啲專業嘅人問下

咁計既話金都應該升wo
電路板都有用金

電動車已經炒到上天，白銀同電動車嘅關係應該反映咗㗎啦