請問可以點訓練隻換過4個主人既阿拉斯加仔定點大小便？
救左佢番來一年，佢一開始唔肯係屋企痾，後來見同伴係屋企痾，佢就知道可以係屋企痾
但佢永遠都係尿布外面痾😑 姐係佢督尿最後會有1/3 滲入尿布底，2/3係地（仲要滲哂落地磚啲隙）
可以點教佢定點大小便？
同埋隻死仔好惡，前兩次俾人遺棄係因為開口咬人，第一次係主人外遊，父母幫手照顧時，佢護食咬到人地入醫院。第二次係去游水，個主人想抱佢落泳池，佢咬爆主人個嘴，縫左十幾針.... 然後住左一年狗酒店，義工最後帶佢番屋企養，旨在養到佢脾氣好番先再出...而家同佢沖涼吹毛都會e牙同胡。
唔該哂🙏🏻🙏🏻🙏🏻🙏🏻
廁所果到會唔會係唔夠尿布？試下擴大d尿布既範圍，始終係大狗一張尿布係唔夠
護食果到，主人收兜冇有問題？成年大狗護食係最難搞，一來大力，二來危險，就算係到教你方法你都用唔到，最簡單方法係要用電帶(調教一個適合既度數，同埋搵返專業人士）但係如果主人收冇事既話建議唔好用。如果只對其他人會護食既話，就擺耐d先收兜啦。仲有狗係唔洗抱，特別係大狗好多都唔中意抱。
要令一隻性格比較強勢既狗服從，就係會用(禁)，即係係佢發惡既時候禁佢落地，四腳要向外，模擬一隻比佢強既狗要佢屈服。如果真係要教就搵返trainer，唔好自己試，會好危險。
唔好意思巴打，係到淨係可以比到一d建議你
唔該哂🙏🏻 已經俾4張尿布，佢都堅持要咁痾，好似同人作對咁。
主人收兜冇野，唯一係佢食緊野時同佢講野佢會兇我地。呢樣我地都係好消極咁去避免就算，始終自己搞唔掂。呢隻狗真係好難搞🤦🏻♀️
我想知佢係咪企係到痾，定好似女仔咁？
佢會有一隻腳曲少少，另一隻腳直既，咁就痾
好心痛,咁樣正常嗎？另外聽dog trainer講佢唔係好食糧會食剩,平時係屋企係餓狗搶屎咁食到一粒都無剩,係咩原因會係咁？
