犬隻訓練師 我問你答

唔好意思推呢個舊post
巴打你好，我隻法鬥1歲9個月，一直都識入籠痾屎痾尿，呢1-2個月唔知點解成日都隨地痾，試過佢入籠痾屎痾岩，就獎勵佢，但有時候我一出街，唔夠十分鐘就即刻隨地痾屎，夜晚臨訓佢又會入籠痾，痾完衝返出黎望住我等獎勵，我又獎勵佢，但人一唔係度就亂痾屎，比我個感覺好似係"哦都無人係度，即係無獎勵食啦，所以就亂痾咁"
巴打有冇咩辦法解決呢樣野

放佢入籠之後出10分鐘街，一返黎見到佢痾就讚下佢但唔洗比零食

咁如果唔痾呢，我要等佢痾左先返屋企?

慢愎加長個時間
睇下佢大概幾耐冇人就會痾

試試先 thx!

巴打仲有冇跟呢個post

我家隻狗狗3個月大，最近吠得多咗，通常佢一吠我地就大聲no佢，如果仲吠就捉佢去吸塵機到，或者有時會反轉佢㩒落地加打佢patpat，唔知呢個方法有冇錯？

咁有冇用？有用就自然唔吠
不過依個係民間既方法
最正確係開始帶佢落街，等佢跟你行，建立地位
佢覺得自己地位低過係就唔會亂吠

都係有吠
但係佢未打齊針未落得針唔落得街，但係有係屋企做上繩練習，一上繩佢就唔識行，有用野食引佢行，肯行就獎佢咁樣

都得
咁打埋第三枝先

如果唔介意嘅可唔可以add你tg再問？因為仲有野想問

隨便

想問吓點樣先可以令隻狗仔見到陌生人唔好咁興奮
佢見到咩人都超興奮

依個係佢本身性格黎
服從訓練可以令佢開心得黎唔會失控

點樣教隻狗去廁所？
成日周圍屙，唔係幾搞得掂

定點廁所要用一個有限空間逼佢係廁板痾
可以用圍柵或者一間房
裡面放廁板 床 水
正常既狗係唔會係自己張床痾
所以逼到佢係廁板到痾

你tg係咩?

巴打你好雖然唔知你仲有冇睇呢個post 但都想問啲野唔好意思 想請問呢行點入？出路多唔多？

如果有興趣可以去狗場做下先，好多人做一陣就頂唔順

sorry連推2個post 想趁細個解決狗狗問題
hello樓主有野想請教 6個月大哥基
呢排打齊針之後帶佢去同其他狗玩 但去親邊咩size佢都會驚到就咁隊個肚比人投降 去朋友屋企見到隻正常poodle又會係咁吠人 完全唔敢offleash比佢自己行下 cant socialize
另外佢呢排開始係咁聽到咩都吠 出面有聲又吠 有狗吠又跟住吠
呢排上網睇片試用個個alert同quiet既指令 但sofar
短時間未知成效
想問呢2個問題自己解唔解決到 定係都係要搵trainer thanks

佢反肚係正常同埋都唔係壞事，所以可以放膽比佢試社交，6個月大唔會對其他狗有惡意，就算吠都可能係因為佢想玩你又拉住佢。
哥基對聲音好敏感，所以佢聽到奇怪既聲會吠，指令要訓練過先用到。
睇片既野唔好盡信，好多時都係剪接既力量
吠果到最好搵trainer，不過留意trainer係教狗主點做而唔係教隻狗

Sorry個post過咗好耐唔知你仲會唔會睇 但都有幾條問題好想問 我屋企隻法鬥而家一歲半 佢有三個問題

1. 日頭嘅時候識去尿板到屙屎屙尿 有時佢都會想走去大門口嗰度屙 但係我哋見到嘅時候叫佢入去 佢都會識返入去屙 都會讚佢good boy 但係夜晚我哋瞓覺嘅時候佢就會隨地屙 一起身見到就會困佢入籠 其實佢自己都知道自己衰但係就係唔知點解係都要喺出邊屙

2. 同佢出街帶狗帶、同佢抹面抹手、撩耳仔剪指甲嘅時候都會不停咁掙扎同埋咬我哋 但平時就唔會

3. 極度怕狗 其實已經差唔多日日帶佢出街但係佢都好驚狗 一見到其他狗即刻狂奔逃走 如果有狗行埋佢度嘅話 佢一係就即刻走 一係就爬低好驚

最後仲有一個問題 我想問你有冇幫人哋做狗狗行為矯正 可唔可以搵你幫手或者你有冇其他介紹？

唔該晒你