犬隻訓練師 我問你答

1. 第二日見到佢隨地痾困佢入籠已經冇用，夜晚用圍柵圍住佢同廁板，逼佢你廁板痾

2. 如果咬你但唔係真咬冇見紅，就照做不過洗耳仔剪指甲最好有第二個人捉住佢塊面

3. 怕狗唔緊要，冇打架就得，帶佢去狗公園同其他狗相處下或者睇其他狗相處

4. 訓練唔係擺低隻狗比人隻狗就會乖，係搵人教識你點訓練自己隻狗，要幫手可以搵出去既訓練師，方間有好多而且個個教法唔同，你可以睇下鍾意邊種教法去揀，當然都可以搵我，我就冇教派咩方法都會用

求教
啱啱接手養隻白威犬，3歲女仔。
之前帶佢落街去廁所都好地地。
最近一星期落街都唔肯行，企定定，拉就少少鬥力但係都拉得郁。
用食物引就肯行，但係覺得咁樣好似都唔係辦法，行幾步就餵一次。
請問有冇咩原因會咁，同埋我可以點做？

補充下
係屋企冇咩問題
不過本身佢都有啲懶懶地，成日攤係梳化到

其實行幾步餵一次冇問題，做耐左就試下拉長行同餵既時間，同埋最重要係肯行既時候讚多d

ok
不過奇怪嘅係之前都好地地
突然就開始唔行😂

hello 樓主 覆返呢個post 因為吠既問題最近 越黎越嚴重 你自己本身係咪有做trainer

正常呀，哥基係比較鍾意吠
同埋想問你係點阻止佢？定完全冇理佢？

最開頭個排係唔理佢 之後試過用野食redirect佢 但食完又跑返去吠
宜加係直接喝佢No

頭兩樣都錯，好彩之後你識做返岩

最近喝親佢no都唔鳩理我地 一聽到少少狗聲就吠到仆街 有時仲吠埋我地
宜加吠到隔離唔吠佢都係咁回吠 有時頂唔順抱起佢 點樣可以令佢calm down
樓主係咪trainer 點樣可以聯絡你 唔想再教錯佢

求其呀樓豬
早個零禮拜領養左松鼠狗(6歲係繁殖場唔要比左義工既)，養左3日之後佢就變到超級痴我，我去邊佢要跟到去邊，連我訓教佢都要入我房望住我佢先肯訓。
頭幾日我返工都放佢入狗籠都痾到D屎周圍都係同埋有食屎習慣，我一返到黎佢就好似痴左線咁勁興奮，咁星期六日啦我放佢出黎佢正正常常痴住我，痾都叫識去張尿片墊到痾雖然唔係次次去岩。
咁我今日見佢星期六日都OK，放佢出籠點知今日返到屋企變左人間煉獄成地狗屎我覺得佢有分離焦慮症
點算好我比佢搞到覺得自己好失敗

求教
7,8個月柴，接近晚晚教基本動作係屋企
(Sit down 手手 come)有獎有罰有鼓勵
但問題係街/狗公園會全部唔識做返咁
有時返屋企要等佢自動飲水先扣到胸背帶返屋企
有時見到人地新玩具會護物好尷尬

個post咁耐 唔知你仲有無睇
我隻柴犬仔仔搞到我幾頭痛，其實佢大部份時間都好乖好聽話。係一玩耐佢或者無理佢，佢就當我拖鞋咁咬…..我好多方法都試過，Eric ko咁shu 9 佢，㩒佢落地，夾佢脷仔，用玩具引走佢，唔理佢….但係佢慢慢每樣野都唔怕

想問下如果10 個月大柴犬 出街 會成日坐底唔肯行 點解既？ 點可以教返好佢

求教

6個月大秋田犬唔多聽指令，以前會聽sit、hand hand，而家佢想先做

最麻煩係晚晚都唔肯入籠，用零食都無用，想抱佢入，但佢又唬又吠，明明佢係籠出面都一樣係訓交

岩岩開頭以為佢係驚個籠，但有時晏就佢又會自己係番入去訓晏覺

真係搞佢唔掂

我隻法鬥兩歲女仔，去公園玩就正常，唔會吠人，但坐車仔或者係餐廳食野就見人就吠，好多人係屋企都會狂吠，試過咬到人
同埋極抗拒剪指甲，吠到癲

有無咩training可以幫佢做啊