英國嗰班移民最好經歷過整個冬天先好晒自己有幾幸福吧

試過放工天光添想知英國有冇法例禁止呢啲踩足幾十小時嘅工

講見唔到太陽嗰part真係
喺香港見到個太陽熱到hihi 有咩好
收工都係天黑從來都唔會見到太陽

冬天先最正
樓豬唔識嘢

當然文化同融入相比下
樓主講嘅問題不值一提啦
但都係生活上需要知道嘅細節嚟
我諗未必個個家庭都知聖誕會咩都唔開
係連超市都唔開
唔好諗住當日先去買餸新鮮啲
就唔關咩學唔學生經歷事嘅
顯然大部分鬧人五毛嘅都冇經歷哂英國四季
有就唔會咁嘅反應
冷靜啲自己思考下
唔好人講咩你講咩
負皮/嬲 係因為講中

好難講你嗰度要幾錢，因為間間電費公司都唔同
但係你可以留意下大概11月開始間公司有冇靜雞雞調高你每月嘅收費(佢話係預估你會用幾多電費)

試過無啦啦俾佢加咗100磅唔知情
到睇Direct debit先知佢自動調整左

咁果次我都幾冤枉嘅，因為住嗰陣apartment好暖
所以冬天都冇開暖氣，最多係沖涼開一陣暖管

最後要打電話同佢間公司講返自己冇用咁多電費，然後佢死都唔肯退俾我，最後當預先比多左差唔多半年電費

另外就係如果屋企個洗衣機係有乾衣功能嘅話，如非必要勸你都係唔好用，因為耗電量好大

多口問下師兄英國大約咩月份開始有風雪

英國係凍過香港 但又唔係真係咁凍
每年落雪都可能係得兩三次 大風雪可能幾年先一次

利申 係英國中部同北部住左四年 未見過大風雪

去東北三省睇下都知國家幾進步

其實香港大把人試過係歐洲住過超過一年，美國澳洲加拿大一樣，不論留學工作

包括我自己，我係因為工作，樓主講嘅我完全無問題，再凍啲都試過

你唔好諗到自己咁大先得，真係好留學生feel ，建議去多啲地方再分享

呢啲無聊幾乎完全唔係生活考慮之列

為左唔好有負評想屈人咩講中， 小學到哩，天真可愛

其實...有睇開美劇英劇都知啦
人地感恩節就似做冬，
聖誕節就似新年，
個個都係一早買定野屋企開party㗎啦

話全部野唔開就有啲誇張，
必要性嘅服務同商鋪都會開，
照道理係假日番工係出三糧添。

成年人有計劃地移民嘅多數諗嘅係工作機會、生活成本、樓價樓租、個人適應天氣/文化問題、有仔女諗埋教育模式。

落雪都唔得
咁香港人非洲移民先得

商鋪都唔會開， 唔知點定性必要性， 香港做冬你會出街食， 聖誕會去商場買嘢， 歐美係全部唔開，你連行入去個shopping mall 都唔得， 甚至小鎮交通會停， 無人倒垃圾， 等

所以先會留係屋企過節， 要融入， 留返屋企一家人囉， 其實無咩問題

酒店入面啲starbucks都會開㗎喎

你去英國住定去做旅客呀

巴士地鐵都係有限度服務，有啲城市直程會停晒，成街無晒人，

得啲中東人南亞人嘅舖仔會開，西方有聖誕嘅好多地方都係咁

英國聖誕節的確係有限 280平方米以上嘅舖唔比開門

但咁樣真係無咩問題，只係有一日完全休息，連外賣都無人買無人送，所以連唐人佬都會休

我覺得咁樣幾好添，靜靜地

但都係嗰句，呢啲真係唔係有排都唔會考慮到， 影響實在係太太太細

其實我明明地佢地啲學生哥心態嘅，因為佢地係無依家走嗰班咁多包袱

回流主因係悶，而唔係同父母講嗰啲咩搵唔到工

自己後生都無無聊聊咁，係諗埋啲無聊野，但唔會出偉論，磨擦力很強咁囉

出黎講呢啲咩，過埋個冬天咩幾幸福呢啲真係可以返埋

剛剛出左數據，移英係平均 37 歲

工作定留學都係生活
我從來冇話天氣會左右移民決定
但香港生活開嘅的確需要知道依啲轉變
換轉係你去歐洲工作前
有人話你知你會唔會覺得容易準備同適應啲？
適應都係融入嘅一環
的確好多新嚟嘅家庭就係需要知啲佢地本身唔知道嘅事
你冇問題當然好
但家庭同一個人做嘢又兩回事

同埋我只係覺得樓主嘅提醒並無錯
睇唔過眼成班屈人五毛姐
我冇惡意
係嗰啲老屎忽心態先入為主睇唔起留學生仲攻擊人

成尻日落雨已經夠depress

日本都未開聲,
講到其他國家從來無人適應唔到自殺, 只係得英國先有咁

我唔該你睇清楚個標題先，樓主係天氣同日照時間決定論

我指出心態上肯定唔同，因為兩樣我都經歷過

有經驗多過你地 = 老屎忽？批評你地就係老屎忽，咁我係囉，又如何？

唔認同話“最好經歷過整個冬天先好晒自己有幾幸福吧” 係share 知道嘅野

呢啲係放負，唔係share OK? 中學係體育老師教架？ 中文黎咋喎？

我嘅意思係樓主講嘅100%唔開其實都唔一定
同埋果一日半日都無咩問題

你冇批評我 我唔係你口中嘅學生哥
只係睇唔過眼最上面嗰堆一下子就屈人五毛
每個國家都有好同唔好
指出唔好嘅地方並唔係唱衰英國有幾差
而係提醒你要去準備同適應
可能樓主本意真係放負啦
但我講事實出嚟純粹想幫人了解多啲
等plan緊嚟嘅人唔好齋睇樂觀嗰面
兩地文化差異先係最需要了解嘅事
係無啦啦成班人focus天氣有幾難頂
生活有幾悶
但我相信日子耐咗都會習慣

笑死，淨係一年至少300日係正常溫度
唔會熱到仆街已經夠贏

估唔到個post 會引起咁大迴響
呢幾排返工唔定時，小弟冇時間逐個POST去睇去跟進，喺到同大家講聲唔好意思

首先個標題唔係話想冒犯任何移咗民英國既港人
但小弟對於fb 有啲personal blog版主自己未經歷晒英國一年四季就走出嚟唱移民有幾好有一定保留，我始終認為咁樣未免太偏頗同埋有可能誤導咗一啲之前連歐洲都未去過又打算移民既香港人，我都唔想見到有人因為想得太美好結果理想同現實有好大落差最後捱唔住要回流香港。

我自己當年喺英國留學，住咗宿舍兩年，到之後父母決定係嗰邊買屋退休，有段時間我要一個人打理晒成間屋，真真正正融入當地人既生活，我自問比其他留學生更明白移民所面對既困難，我亦都希望去過當地讀書既香港人可以多啲share 之前喺英國既生活，等其他想移民或準備移民既香港人有多幾個參考指標

我知道有啲留學生好唔中意英國，每逢假期都急不及待返香港，一來可能係佢哋仍記掛住香港既方便同埋多姿多彩生活，二來佢咃每年暑假都唔係英國，未必可以感受得晒英國既一年四季，每次九月返嚟一開學就成日落雨兼且愈來愈早天黑，而且仲要得一個人咁孤單，佢地對英國既第一印象已經係咁，夏天人都唔喺到，變咗好難感受到英國既好。

我父母其實都覺得英國冬天唔係乜嘢大問題，我有親戚當年移民咗美加，我父母都有去過探佢哋，早幾排阿媽同我講話以後唔會再去加拿大。

英國係好適合一啲好中意玩DIY嘅人。尤其是之前武肺限聚令下愈來愈多香港人習慣咗自己在家下廚，再加埋而家科技發達當地搵工容易，相信而家移民英國香港人所面對既困難已經比以前八九十年代少咗好多。

我亦樂見愈來愈多香港人移民英國，日日見住入境處個淨出入境係負數嗰下真係好心涼，係咁摑港共幾巴，自己一直都想搵個機會返英國走一轉但四年來一直都未能成事，我敢講英國係我第二個家。

同你經歷有啲似
我都係見fb有咁嘅風氣先想出句聲
點知比人追住鬧
可能觀點唔同啦
不過我純粹想件事好
逢親有關英國嘅post我都睇多兩睇
如果我答到嘅問題都會答
咁樣好令我懷疑以後仲要唔要幫人

37 歲重新開始 ,你玩埋我份