英國移民生活雜談/攻略/你問我盡答 (內含資料整合) (4)

態度正確

我都唔讚成亂識朋友扮融入

我不嬲響香港同英國都係獨行俠,唔會為扮融入英國而改變

呢個服務好似麻麻
由於成日搬,初初都有用,之後都係覺冇乜用
問過當地人,佢地都話個服務廢廢地

而家換英國車牌係咪都要住夠180日先得

呢方面嘅嘢如果唔熟就真係唔好自己黎啦，始終啲security 做得唔好嘅話就好似打開左個router 嘅大門咁任人入，好容易會俾人hack。有啲嘢一係要花心機學，唔係就俾錢人賺

連登我都記得有幾個diy 搭VPN 嘅教學，如果你真係有興趣嘅可以自己研究下，等我睇下搵唔搵得返條link

唔好自爆

自己起VPN server 討論
https://lih.kg/2602980

個樓主俾人屌到開花

大家租屋係咪都係rightmove 搵

Zoopla 同Rightmove 都有睇
最後租得成個間係Zoopla搵

係咪都係直接俾一年租

可以用bno visa申請
俾share code

[二。二] 英國生活Dos and don’ts （update）

Dos
三：入人地屋企請係門口除褸／帽再問屋主可以係邊到掛起（特別冬天時件褸可能有雨水或者雪會整濕人地屋企）。如果係餐廳或者其他室內公眾地方e.g. Office 要坐一段長時間就請除褸／帽放係櫈pan，唔除會俾人覺得無禮貌（當然呢啲規則唔係絕對，如果問左對方而對方唔介意嘅大可以著住）。

四：講多啲「多謝」同「唔該」。雖然廣東話本身都係比較blunt 嘅語言，同埋香港人比較直接，講嘢習慣講重點，所以香港人之間會覺得無咩所謂，但係我覺得唔少香港人近年好似越黎越少係日常生活中多謝或者唔該人，好似好多嘢都覺得係老奉咁。英國人真係好講禮貌，如果你唔加句「多謝」或者「唔該」人，人地就會認為你係命令緊佢做嘢，覺得你係「閪客」，對方唔老黎事都唔會俾你好受。相反，只要你係咪都加個excuse me/sorry、please、thanks 或者cheers (thank you 嘅informal 英文，解唔該)，就算有時個request 本身會令對方有少少不便，對方有時反而會好肯幫你。鬼佬叫‘please’ 呢個字做‘magic word’，小朋友由細就要學識講please。除左係request 嘅問句入面，please 重可以用係回答到。正所謂禮多人不怪，基本上人地問你咩，你答‘Yes, please’ 或者‘No, thanks’ 就實無死。Cheers 呢個字係單獨一個字做一句，主要係人地幫你做某樣嘢e.g. 幫你開門、遞嘢俾你之類時你單字咁講句cheers! 咁用。順帶一提，唔少英國人分辦香港人同中國人嘅方法就係溝通時嘅禮貌，你想人地點看待你就請有返相應嘅表現，唔好失禮其他香港人。

Don'ts
三：除非你入車立時全車立只係得你一個人，否則請避免禁關門掣，要等車立門自己關。我唔清楚究竟係英國人唔鍾意人趕頭趕命定係覺得要等埋其他人入車立先叫有禮貌，總之大家當係約定俗成嘅潛規則就得。

四：千祈唔好用美式英文。英國人暗瓦底其實唔鍾意美國同美國人，覺得自己高等過美國人。如果日常生活用左美式英文讀法或者用詞，有時會俾英國人指正。學生交功課或商務英文用左美式串法更加可能會俾人屌。我以前係大學Year 1 時交論文時就中過伏，俾個tutor 逐個字highlight 黎屌。其實原理同香港人聽到共式中文e.g. 公交 會覺得un 耳一樣。如果大家唔想中伏，可以大膽問返對方英式英文係點，對方多數會好樂意教你。

五：唔好係餐廳樓面了牙（除左中餐館）。係香港咁做好正常，但係係英國就唔會有餐廳提供牙籤。好似我咁食嘢成日攝牙罅嘅人一定要自備牙籤或者牙線。不過如果唔係中餐廳嘅話，請行入去廁所處理，無謂令人側目。

------------------------
請前往以下Google doc 重溫舊文archive: shorturl.at/kuDKO
以上金剛棒請勿quote ，有咩問請直接留comment