月牙
2021-09-18 10:50:48
「我同佢會係結界入面十個唔同嘅地方綁著十條白絲帶,你地要係限時內搵曬出嚟」九叔先指一指身旁的英叔,然後雙手放在後腰間,認真的說著接下來的特別訓練
「結界入面有咩㗎?」我問
「問得好啊𡃁仔,結界入面有四種唔同嘅鬼」英叔對我舉起拇指
「四種鬼嘅能力係有分別,最低級個隻你地一個人都應付到」九叔接著英叔的話
「佢地呢分別就係色餓鬼、巫靈、血黑鬼、同埋…..」
英叔再接著九叔的話,但還未說完就被九叔搶了話
「你地入到去就會知,依家比啲時間你地準備,個邊枱面有唔同嘅工具同武器,你地自己揀,十分鐘後出發,依家開始計時」
話畢,九叔緩緩走到搖椅坐下,好像不太在意我們會如何準備一樣
「喂!你地仲柒下柒下咁?快啲拎架撐啦,仔友唔係同你地講笑㗎」相反,英叔就跟貼我們的動向
「呃…..係」
「過去睇下有咩揀」
我們仨走到工具枱前,上面的確放上了林林總總的工具武器
桃木劍、桃木匕首、捆仙索、銅錢、符籙、 墨斗線、八卦鏡、短斧、彎刀……
太多太多,也難以一一細說
「點啊?揀唔揀到要咩啊?」英叔在旁問我們
「銅錢、符紙就一定要帶㗎啦」啊仁先伸手把符紙銅錢放到袋裏
「你有道理,依兩樣走唔甩」啊武跟著啊仁的步伐
而我則看著枱上的一把彎刀,一把特別的彎刀
「𡃁仔你呢?唔揀?」英叔見我像呆了一樣就主動問我
「下…?!我?我揀啊!」我伸手到桃木劍的方向
但我眼睛不自覺地看向那彎刀
「……..就你啦!」最後我的手也是轉向拿起了彎刀
「識野喎𡃁仔!依把好野嚟!」
月牙
2021-09-19 18:37:35
「我唔知啊,第一眼望到佢就覺得自己識用咁」我把彎刀放在掌上拋一拋,試一試他的重量
「啱㗎,揀武器最緊要係眼緣,唔試唔知,橫掂今次係訓練,試下用無防啊」在英叔的鼓勵下,我也下定決心試用這把彎刀
「生生性性啊」我跟彎刀說上一句
彎刀在我手上閃過一剎紅光
「英叔!你睇唔睇到?」我瞪大雙眼看著彎刀
「下?睇咩啊!依到又冇靚女睇」英叔這樣回答,應該是看不到了
「唔通我眼花?……」
也許是吧,不理了,繼續收拾其他有用的工具
「你地呢?你地揀成點?」英叔上前關心他們二人
「我就拎依把短斧同桃木劍,一長一短」啊仁拿著短斧揮舞著,看上去也算順手
「好,咁你呢武仔,揀好未?」最後是啊武了
「我…..可唔可以唔帶武器?」啊武提出一個驚人的想法
「下?!啊武你講笑咋?入面咁多鬼,你唔帶武器想死咩!」在啊武側旁的啊仁想勸阻啊武
「係囉,始終會有危險」我當然也會出聲
「我想識下用自己依家嘅實力,足唔足以應付」啊武握緊雙拳
「好!同我想像中嘅一樣」英叔欣慰的點頭
繼而英叔在腰間拿出一對皮製手套遞給了啊武
「武仔,拎住」
「依對係….」啊武看著手套
「依對係我幫你特製嘅攝魂手套,浸住符水係神壇前面煉咗七七四十九日」英叔擺出了滿臉自豪的樣子
「為我整….?」啊武有點受寵若驚
「雖然我地唔算係正式師徒,但你跟我學野,我就當你係我半個徒弟㗎啦,依份就當係我送比你嘅禮物,戴住依對攝魂手套,就算你冇任何嘅道行同法力都可以接觸到鬼魂同攻擊佢地」
「多…多謝英叔!」啊武接過手套並緊緊握著
「不過我建議你都係帶返把桃木匕首係
搒身好啲嘅,始終唔知會發生啲咩」英叔拾起枱上的桃木匕首,遞向啊武
「好!」
「好,夠鐘,出發!」九叔從搖椅站起