[殭屍/靈幻/鬼怪]《噬魂》世界重新輪迴一次之後我都係變咗做現代道士06

三文魚好唔好食

緊係好食我老豆原條自己切

咁勁

佢好中意釣魚，所以劏魚有一手

我都想食魚生呀

你都可以切樓主條象拔蚌

焯哥於第2季率先拎便當

我講咗今季女角唔洗死！男角死曬㗎嘛

兩個星期後…紅磡殯儀館內

一群身穿黑西裝的人走到靈堂

「有客到，來賓請留步」堂倌說

那群人停住在焯哥的遺照前

「一鞠躬，二鞠躬」

「家屬請禮」

他們轉向家屬席，鞠躬

「大嫂，節哀啊」

「有心啦…」家屬席上的女人抱著女孩，她是焯哥的妻子，小孩是焯哥的女兒

「有咩事就搵我地啊，一日大佬一世大佬，焯哥永遠都係我地大佬嚟㗎」

「好…多謝你地」女人點點頭

「有客到，來賓請留步」堂倌開聲

來人正是我和啊武啊仁

「一鞠躬，二鞠躬，家屬請禮」

我們轉向家屬席，鞠躬

「你地係…？」焯哥的妻子並不認識我們

「我係李梓武，啊焯打拳嘅朋友」啊武自我介紹

「哦….你就係佢成日提起嗰個人，你有心啦，啊焯成日都話你幫佢好多」焯哥的妻子說著

「叔叔」焯哥的女兒突然上前拉一拉啊武的衣服

啊武蹲下，摸一摸女孩的頭，這女孩看上去約莫五至六歲左右

「做咩事啊？」啊武溫柔的問

「爸爸係咪唔會返嚟㗎啦….？」女孩問

「你叫咩名啊？」啊武問女孩

「我叫張芷柔」

「芷柔啊，你最中意咩玩具㗎？」啊武再問

「我中意熊仔，因為爸爸成買熊仔比我」芷柔說起熊仔就笑起上來

「你爸爸依家就係去咗好遠嘅地方搵最大仔最得意嘅熊仔比你啊」啊武說著說著，自己的眼框也紅了

「真嘅？！」芷柔聽到十分興奮

「嗯！」啊武用力點頭！

「媽媽！你聽唔聽到啊？！」芷柔笑著轉身抱著媽媽

「多謝你」焯哥的妻子向啊武說

「唔洗，我應該嘅，如果我拉住啊焯唔比出賽，或者佢….」啊武低下頭，自責的感覺還為啊武帶來無盡煎熬

「唔關你事，啊焯就係咁…..決定咗嘅事，冇人可以改變到佢，連我都唔可以」妻子苦笑一下

這時，靈堂外傳來起哄聲

「烈哥！你嚟啦」

文
你終於出黎啦

阿烈終於都出場喇！唯一一個做番前世個行的角色！

我都等咗好耐，終於有機會比佢出場

返埋聽日放假

大家咁話！！

聽朝先出文

好
等文～

早晨

聽朝到了

靈堂內的氣氛突然變了，原本肅坐在前排的幾個中年人都轉望向門口

門外，一名外表冷酷的男子到來，他身穿全套三件頭黑西裝，髮型兩邊剷青，後留了一條辮，而他的左臉頰上有一條刀疤，因此他跟焯哥十分相似，而他身後跟著幾十名手下，而且他的年紀應該跟我相若而已，他是什麼來頭

「搵到打死我啊哥個條友未？」那男子問靈堂內的人

「未啊…烈哥」焯哥的其中一名手下怯懦的說

男子深深吸一口氣，然後從西裝外套的暗袋拿出了一支雪茄，並拿出一個雪茄剪，剪去末端，而他身旁的手下見狀也拿出打火機，為他點煙

「三日，三日內搵唔到佢，你地自己落去同我啊哥交代」男子吸入一口雪茄，緩緩說出

「呃….知…知道烈哥」焯哥的手下點頭

男子用雪茄的煙頭推開焯哥手下

「啊嘶……」焯哥的手下讓路，男子繼續前行

「啊烈你嚟啦？」

「你伯爺點啊？」

「節哀啊，烈仔」

前排的中年人全都走到男子面前，噓寒問暖似的，而這時更清晰，他叫啊烈

「各位叔父，你地介唔介意比我鞠個躬先？」啊烈口擔著雪茄，目無表情的說

「呃…..好」眾叔父都呆一呆才反應回來

啊烈一步一步走到焯哥的遺照前，雙手按著供奉枱，低下頭，深深吸氣，戚一戚眉頭，笑起上來

「哈哈哈哈..張炎焯啊張炎焯……」

「你話你幾戇鳩啊….你話你劈友比人斬死斬我冇得怨…依家你打拳比人打死…..屌..你叫我點同老野交代？」

雖然啊烈像是在罵在諷刺，但由他的表情和語氣其實看得出他十分傷感，眼框也濕潤起來

「你一路好走，我地來世….再做兄弟」啊烈瞪大雙眼，用手抹去淚水

「不過係我做大佬」

文都到了

早晨

等到啦

焯哥=獅子獸

獅子獸必需死

睇完演唱會依家打文，希望趕到出文