其實r410a 入面咪有一半係r32
係睇部機整體表現,唔係睇雪種,當然r32係呢幾年嘅新趨勢,咁有r32靚機出咪揀。
揀機睇尺數,樓底,有冇嚴重西斜等等,特別係某啲地區嘅睡房,溫差細,濕度高,裝太大易low cut, 唔舒適。廳因為流失快,日頭多機會用,所以大半匹都ok.
gk18係介紹畀200尺啲人,gk18 2匹入邊算最夠凍嗰堆。
點解啲裝機佬呀鋪頭成日話要裝大半匹,因為唔夠凍係冇得搞,你第一件事一定係屌鳩佢嘛,但凍到著雪絨啲人就唔知點解覺得好正,部機好靚
咁為左怕啲客因唔夠凍屌佢,叫你買大實冇死
你裝廳好多時可能烈日當空開冷氣架嘛,如果裝到好抆,咁就可能開幾個鐘先夠涼少少。
啦,你睇下呢位巴打幅圖,佢部機係著6分鐘,cut5分鐘,1cut濕度就上到8x%, 其實係唔舒服嘅
咁我唔知實際佢係買大左,定係部機裝係長邊,造成短回風瘋狂low cut, 佢set低啲溫度可能就唔會cut咁多,但佢屋企人又話太凍。如果呢個情況,你覺得唔舒適,下次裝機就要裝溫濕雙控,再熱除濕嘅機,香港暫時有三菱電機pah, 大金ftxm有呢個功能,部機係貴好多嘅
咁其實間間屋環境唔同,真係要裝左先知效果點,有啲人室外30幾度,佢就開26,27都keep住行最低頻冇cut機,濕度keep住60%咁,有啲人例如我,室內最高溫都唔夠26度,開25度都係唔識製冷(見下圖)
講返你個問題,啲機製冷量同室內機尺寸唔同,所以有啲機應付到大啲空間,有啲就細啲。加上室外機結構唔同,例如gs18, 室外機單迴旋,gk18, yk18,ln18就雙迴旋,咁好明顯如果裝到大室外機,就最好大機。1匹同1.5匹,多數中平價機都係單迴旋,所以裝420都ok嘅。
考慮埋烈日當日開冷氣,gk18 大約可裝200尺,gs18 yk18 ln18就175尺左右啦。咁如果你多數夜晚先開,本身屋企又唔熱,你可能裝邊部都夠做,因為啲機可以超頻嘅其實。