室內機易臭。房潮濕,有小朋友,唔通風,部機吹開24,25度以上等等,室內機比較快就會臭。Panasonic, 大金情況比較嚴重。台灣嗰邊災情比香港更嚴重,因為佢地用開26,27度,洗完機1排又再臭過,連啲廠都係直接賴啲用家環境差,解決唔到
最後啲人發現,日頭開窗換氣,就可以減輕個情況。
不過香港開窗會有另一啲問題就係開完窗濕度可能變好高,或者一關冷氣就開窗,你樓上樓下仲開緊,你天花牆身就可能會出水,唔開好過開。
但係又唔係全部人都會臭,屋企冇咁潮濕,用開22,23度就可能好啲。
原理係溫度越低,越多冷凝水清水coil同排水盤,加上溫度開低唔會low cut, 咁室內機就keep住低溫乾燥,唔會因cut機濕度溫度上升,加快細菌繁殖。
所以點解我自己麻麻地Panasonic, 大金, 好少主動介紹,當然我都冇反對人地用,最緊要部機自己揀,可能你好啱用呢,最緊要開心就得