幸運兒
2017-05-29 22:46:44
「所以,張嵐係自殺嘅?」我望住水程深姑娘。
「醫生收到生命鐘發現佢個陣‧‧‧佢身上所有接駁住佢嘅藥物輸送管,都已經俾佢自己拆哂出嚟‧‧‧‧‧‧佢的確,係自殺。」水程深姑娘顯得好內疚,雙掌蓋住臉孔。
我大致上已經明白個陣發生嘅事情。
「張嵐真係死咗?」我再問一次。
「係‧‧‧醫生都已經正式證實佢腦幹死亡,我亦都知佢係為咗救阿敏‧‧‧‧‧‧而自殺。」水程深姑娘說:「之後一星期,阿敏問我佢去咗邊‧‧‧‧‧‧我唔知點答佢‧‧‧我唔知點答‧‧‧張嵐為咗救你而自殺,所以,我就同佢講咗一個大話──佢去咗一個好遠嘅地方。」
「原來係咁。」
「你‧‧‧你係死神啊可?張嵐佢依家到底點‧‧‧‧‧‧」水程深姑娘出乎意料地問。
「佢冇準時嚟地獄報到。」
「‧‧‧」
「亦都係我點解要嚟搵你嘅原因。」